ЯҢАЛЫКЛАР

22
февраль, 2015 ел
якшәмбе
Безнең бакчабызда тәрбияләнүче балалар көн саен йоклар алдыннан яланаяк төймәле һәм борчаклы паласларда йөриләр.
Бу аяк табаннары өчен бик файдалы. Балаларга бик ошый. 
1999 нчы елның ноябрендә, Бангладеш дәүләте тәкъдиме белән, ЮНЕСКО Генераль конференциясе, ЮНЕСКОга кергән илләр һәм Берләшкән Милләтләр оешмасы 21 февраль көнен Туган тел көне дип игълан итте.

Беренче мәртәбә ул 2000 нче елның 21 февралендә Парижда ЮНЕСКО штаб-квартирасында тантаналы рәвештә билгеләп үтелде.
Алан урта мәктәбендә,20 нче февраль көнне, Бөек Җиңүнең 70 еллыгы уңаеннан, Бөек Ватан сугышында катнашкан татар шагыйрьләрен искә алу иртәсе узды.

Әлеге иртәдә 5-8 нче сыйныф укучылары  М. Җәлил, Ф.Кәрим шигырьләрен сәнгатьле укыдылар. Бөек Ватан сугышында һәлак булган әдипләребез   турында иҗади эшләрен якладылар.

  
20 нче февраль көнне район мәдәният йортында Теләче муниципаль район Советының киңәйтелгән утыз җиденче утырышы узды.
 2014 елда районның социаль –экономик үсеш нәтиҗәләре һәм 2015 нче елга бурычлар  турында район башлыгы зарипов Ильдус Фатихович чыгыш ясады.
Районыбыз күләмендә Җиңүнең 70 еллыгына карата авыл җирлекләре арасында фестиваль- конкурслар төгәлләнүгә таба бара
Айдар авылы үзешчәннәре дә әлеге чарада теләп катнашты һәм Сәит Шакуровның "Саф күңелгә тап төшми " әсәрен сәхнәләштерде. Шул спектакль күренешеләреннән күңелле фотолар ясатылды һәм методик бүлмәдә стенд  эшләп куелды. 
 
  
20 февралендә Теләче Үзәк балалар китапханәсендә, Халыкара туган тел көненә багышланган мәгълүмат көне булып узды.

Әлеге чара балаларда телнең системалы үзенчәлекләрен күз аллауларын формалаштыруга, белемнәрен тагын да баетуга һәм киңәйтүгә, яшь китап укучыларның сөйләм культурасын һәм  сүзлекләр белән эшли белү күнекмәләрен үстерүгә юнәлтелгән иде.
20 нче февраль көнне Югары Кибәхуҗа урта мәктәбенең барлык классларында да Батырлык сәгатьләре уздырылды.
Тәрбия сәгатендә укучылар белән батырлык, бурыч, ярдәм итәргә физик һәм рухи яктан әзерлек, намус, җаваплылык кебек төшенчәләр буенча әңгәмә үткәрелде.  Алар www.condis.fondsci.ru сайтында урнаштырылган фото һәм видеоматериалларны карадылар. 
Мәктәптә Гражданнар оборонасы көне үткәрелде.
Иртүк өйрәтү характерындагы тревога, мәктәп күләмендә эвакуация оештырылды. Һәр класста гражданнар оборнасы, куркыныч туганда, нинди саклык чаралары күрү турында әңгәмәләр уздырылды.
20 нче февральдә Шармыш төп гомум белем бирү мәктәбендәяшь шигырь сөйләүчеләрнең IV Халыкара конкурсы үткәрелде.
Анда 6-7 сыйныф укучылары катнашты. Балалар мәктәп программасына кермәгән үзләренең яраткан әсәрләрен сөйләделәр. Үзләренең чыгышларында укучылар компьютер презентациясен һәм музыка кулландылар. Конкурсның җиңүчесе  район этабында катнашачак.  
Физика фәненнән БДИ сайлаган 11 сыйныф укучылары КНИТУ-КАИ тәгъдим иткән онлайн тестирование үтәргә әзерләнәләр.
   
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International