ЯҢАЛЫКЛАР

22
февраль, 2015 ел
якшәмбе
19 февраль көнне Балалар иҗат үзәгеннән Загидуллина Р.Т. өстәмә белем бирү педагоглары өчен уздырылган Республика күләм конкурсның зона этабында катнашты.
Роза Тимерхановна үз-үзен яклау буенча презентация, ачык дәрес һәм укыту программасын яклады. Күрсәтелгән дәресендә Загидуллина Р.Т. Халык-ара туган тел көнен дә билгеләп үтте.
Олы Мишә урта мәктәбенең башлангыч сыйныф укучылары, сугышта ирен югалткан тыл ветераны Хәдичә әби янында кунакта булдылар.

Ул безгә үзенең тормыш юлы, сугыш чоры авырлыклары турында  сөйләде. Күп кайгылар күрергә туры килсә дә, ул түзем булган, биш үги баланы тәрбияләп кеше иткән. Без аларның батырлыгын онытырга тиеш түгел. 
20 февральдә Сауш урта мәктәбендә “ Химия атналыгы “ кысаларында “Теләче төбәгендә химия промышленносте усеше” дигән дәрес-презентация уткәрелде.

“Безнен мәктәпне  тамамлаучы  укучылар- КНИТУ  студентлары “  темасына  телдән журнал   күрсәтелде. Чараларда  7- 11 сыйныф укучылары  катнашты.

 

          
17 февральдә Теләче урта мәктәбендә КНИТУ педагоглары белән берлектә “ Ачык ишекләр көне” белән үткәрелде.
Чыгарылыш сыйныф укучылары КНИТУ педагоглары доцент Белоусова  Анна Борисовна һәм КНИТУ проректоры урынбасары, доцент Князев Александр Валентинович белән очраштылар. Укучылар КНИТУ белгечлекләре, анда керү шартлары һәм уку мөмкинлекләре турында белделәр.
9-19 февраль көннәрендә районыбызның информатика укытучылары онлайн режимда тестлаштыру үтте.
Тестлаштыруда Кече Кибәхуҗа төп мәктәбенең  информатика укытучысы Галимҗанова Г.Ә. да катнашты. Ул "Java да программалаштыру нигезләре" курсын уңышлы үтте. Java телен үзләштерү мәктәпләрдә киләсе уку елында башланыр дип көтелә.
    
Шәтке авылы китапханәсендә өлкәннәрне компьютерга өйрәтү буенча эш алып барыла.
 Компьютерга өйрәнергә авылдашларыбыз бик теләп киләләр. 
 
 
 
Фәннәр буенча сыйныфтан тыш чаралар тәрбия һәм белем бирүдә әһәмиятле чара булып тора.

 Яхшы оештырылган  һәм кызык үткәрелгән  химия атналыгы укучыларның белемнәрен арттырырга, мөстәкыйльлек тәрбияләргә, талантларын ачарга булыша.  
19 февраль көнне Шармыш аввылы китапханәсендә “Широкая Масленица” дип исемләнгән уен – әңгәмә үткәрелде.

Чара Масленицага багышланган презентация күрсәтелде, матур җырлар, әйтемнәр, табышмаклар әйтелде. Шулай ук китапханәдә китап күргәзмәседә эшләде.
Олы Мәтәскә балалар бакчасында бу атна илебезне саклаучыларны өйрәнүгә багышланды.
Слайдлар, рәсемнәр ярдәмендә балаларның Ватанны саклаучылар турындагы күзаллаулары киңәйтелде. Балаларда әтиләре, абыйлары белән горурлану хисләре тәрбияләү максатыннан матур шигырьләр, җырлар өйрәнелде. 
1нче Теләче балалар бакчасында әтиләр көненә багышланган кичә булып узды.
Чакырылган кунаклар- әтиләр, бабайлар , абыйлар балалар белән уздырылган конкурсларда теләп катнаштылар. Балаларның әзерләгән җырларын тыңлап, биюләрен тамаша кылдылар. Җанатарлар да катнашучыларга көч биреп утырдылар. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International