ЯҢАЛЫКЛАР

22
февраль, 2015 ел
якшәмбе
19 февраль көнне район үзәк китапханәсендә, 23 нче февраль – Ватанны саклаучылар көне уңаеннан, мәктәп укучыларның кайнар нокталарда хезмәт иткән солдатлар белән очрашу кичәсе оештырды.

Кичәдә Теләче №2 нче балалар бакчасына йөрүче “Созвездие –Йөлдызлыгының”  “конференц” номинациясендә катнашкан Баева Динә һәм Гарифуллина Руфинәләр бу бәйрәмне ачып җибәрделәр, шулай ук “вокал-соло” номинациясендә  катнашкан Шайдуллина Иделия “Хәерле көн” җыры белән чыгыш ясады.
Тиздән Ватанны саклаучылар көне җитә. Иске Җөри балалар бакчасында бу бәйрәм уңаеннан әзерлекләр башланды.
Балалар шигырьләр, җырлар, биюләр өйрәнәләр, шулай ук әтиләргә һәм бабайларга үз куллары белән бүләк ясыйлар. Алар бик теләп бизәкләрне, рәсемнәрне кисеп ябыштыралар. Ахырдан балалар тәрбияче ярдәме белән булдыралганча үз исемнәрен язып куйдылар.
Субаш авыл китапханәсендә клуб белән берлектә, 23 февральдә үткәреләсе чараларга әзерләнәләр.
Хәзерге вакытта алар сценарийлар язып, концерт программасына әзерлек эшләре алып баралар. 
 
19 февраль көнне Баландыш авыл китапханәсендә “Кичә, бүген, иртәгә матбугат белән бергә” дигән китапханә сәгате уздырылды.
Кызыклы вакыйгалар, күңелле яңалыклар,сөенечле хәбәрләр-газета-журнал битләрендә. “Омтылсаң яңалыкка,рәхим ит матбугатка!!!”
20
февраль, 2015 ел
җомга
Матур әдәбият тормыш көзгесе.
19 февраль көнне Айдар авылы китапханәсендә дә  китап сөюче укучы-яшьләр белән "Мәхәббәт олы хис" исемле әдәби сәгать үткәрелде. Очрашуда олы мәхәббәт хисләре турында язылган әсәрләрне искә төшердек, әсәрләрдәге кызыклы, мавыктыргыч урыннарын кычкырып укыдык.
Кече Кибәхуҗа төп мәктәбенең башлангыч сыйныфлар укытучысы Газизова Р.Х. мәктәбебезнең укучы малайлары белән “Ватанны саклаучылар көне” уңаенннан “Кыюлар һәм җитезләр” бәйгесе үткәрде.
Укучылар “Кыюлар” һәм “Җитезләр” командаларына бүленеп көч сынаштылар. Бәйге нәтиҗәсе буенча 16:13 исәбенә  9 нчы сыйныф укучысы Аскаров Данис җитәкләгән “Кыюлар” командасы җиңүче дип табылды.  
17 февраль көнне, Ватанны саклаучылар бәйрәме уңаеннан 3-нче номерлы балалар бакчасында «Без житезләр.»- дип исемләнгән спорт бәйрәме уздырылды.
Ярыш  вакытында әйләнә-тирә  балаларның шатлыклы авазларыннан шау-гөр килеп торды. Команда әгъзаларының, бер-берсен аңлап, ярдәм итешеп  торулары,  биремнәрне тизрәк һәм яхшырак  башкарып чыгарга омтылулары сизелеп торды. Балалар ныклык, түземлелек, җитезлек, кыюлык һәм тапкырлыкта көч сынаштылар.  
19 февраль көнне безнең Теләче № 3 балалар бакчасында Май чабу (масленица) бик борынгы заманнардан сакланып килгән бәйрәм уздырылып үтте.

Әкият геройлары балаларга төрле конкурслар, табышмаклар, җыр-бию аша бәйрәмнең тагында күңеллеген күрсәттеләр. Барысы да кайнар коймак, чәй белән сыйландылар. Барлык йолаларны үтәгәч кыш белән яз шактый “тарткалашкач”, кыш җиңелергә мәҗбүр булды.
Балаларда хезмәткә хөрмәт тәрбияләү, төрле һөнәр ияләренә карата кызыксынучанлыкларын үстерү максатыннан без бүген дәрестә сатучы хезмәте белән таныштык

Аннары сатучы хезмәтенең бөтен нечкәлекләрен белү, үзара аралашу өчен "Лесное" кибетенә экскурсиягә бардык. 
Иске Җөри урта мәктәбендә Хәрби-патриотик айлык кысаларында ОБЖ укытучысы Сахапов Рафик Имамиевич "Ажаган" уенын икенче өлешен үткәрде.
Анда 5-7 класс укучылары катнашты, алар ике командага бүленделәр, беренчесе 5-6 класс укучылары, икенче 7 класс укучылары командасы. Алар үзләренең командалары белән таныштырдылар, строй җырлары җырладылар, күп төрле ярышларда көч сынаштылар.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International