Муниципаль районнар Теләче муниципаль районы

ЯҢАЛЫКЛАР

февраль, 2015 ел

җомга

“Физика, химия, биология” атналыгы кысаларныда , 17 февральдә “ “Әйләнә- тирә дөнья һәм табигый фәннәр” темасына презентацияләр конкурсы үткәрелде

Түбән сыйныф укучылары өчен “Балаларга галәм турында” дип исемләнгән стенд тәкъдим ителде. Ә 7-9 сыйныф укучылары арасында “ Физика, химия, биология фәннәрен белү ни өчен кирәк, аларның киләчәген ничек күаллыйсыз? “ дип исемләнгән блиц- сорашу уздырылды. Укучылар сорауларга зур кызыксыну һәм эзләнү аша җавап бирделәр.

Муса Җәлил - атаклы татар совет шагыйре.

Ул нәни балалар өчен дә бик күп шигырьләр язган. Безнең Олы Мәтәскә балалар бакчасында Муса Җәлил турында әңгәмә булып үтте. Балалар шагыйрьнең тормыш юлы һәм "Карак песи", "Әтәч" шигырьләре белән таныштылар.

17 февраль көнне Урта Мишә авылы китапханәсендә, башлангыч сыйныф укучылары өчен Герой–шагыйрь Муса Җәлилнең 109 яше тулу уңаеннан, әдәби чара үтте.

Бу чараның максаты булып, балаларда язучыга карата хөрмәт һәм горурлык хисе тәрбияләү, аның иҗаты белән таныштыру булды. Китапханәче балаларга Муса Җәлилнең балачак еллары, тормыш юлы, иҗаты турында сөйләде. Аның бик яшьли язган шигырьләре белән таныштырды.

Һәр илнең үзенә генә хас тарихы, традицияләре һәм үзенчәлекләре була.

Алан урта гомумбелем бирү мәктәбенең француз теле укытучысы Зайнутдинова Венера Габделхәевна 9-11 сыйныф укучылары белән виртуаль режимда дөньяның иң данлыклы һәм иң бай музей - Луврга сәяхәт иттеләр.

Иске Җөри урта мәктәбенең укучылары татар әдәбиятыннән Республикакүләм олимпиадада катнаштылар

8 сыйныф укучысы Фархуллин Айтуган (укытучысы Фархуллина И.Ш.)татар теленнән һәм 10 сыйныф укучысы Шакирова Гөлүсә, 11 сыйныф укучысы Хамидуллина Ландыш (укытучылары Сәлимова Р.Г.) Татарстан Республикасы Мәгариф һәм фән министрлыгының Мактау грамотасы белән бүләкләнделәр.

14 февраль конне Субаш авыл клубында Гашыйклар көненә багышланган кичә узды

Анда яшьләр һәм мәктәп укучылары катнашты. Кичә бик матур һәм эчтэлекле булды.Төрле кызыклы уеннар, конкурслар уздырылды.

Узәк мәдәният йорты фойесында, Бөек Җиңүнен 70 еллыгы унаеннан музей почмагын ясауны тәмамладылар.

Экспонатлар арасында элеккеге мич, кое кебек экспонатлар тупланган.

Олы Мишә авылы мәктәбендә Муса Җәлилнең туган көненә багышланган чара үткәрелде.

Һәрбер сыйныфтан да балалар аның шигырьләрен ятлап килеп, линейка барышында сөйләделәр. Башлангыч сыйныфлардан алып, унберенчеләргә кадәр, барлык укучылар да актив катнашты. Чараны татар теле укытучылары оештырды.

Олы Нырсы мәдәният йортында бию түгәрәге актив рәвештә эшен алып бара.

Түгәрәккә барлыгы 15 укучы йөри. Мәдәният йортында эшләп килүче бию түгәрәген Алабуга мәдәният агарту училищесында укучы 1 нче курс студенткасы Саляхова Энҗе Шамил кызы җитәкли. Әлеге түгәрәккә укучылар бик теләп йөриләр.

16 нчы февральдә Теләче урта мәктәбенең 7 нче һәм 8 нче сыйныф укучылары интернационалист – сугышчы, запастагы майор Нуртдинов Рәис Рөстәм улы белән очраштылар

Очрашу Совет Армиясе гаскәрләре Әфганстан территориясеннән чыгарылуга 26 ел тулу уңаеннан үткәрелде. Укучылар ветеран – сугышчы алдында сугыш , ватан турында шигыръләр сөйләп күрсәттеләр. Интернационалист – сугышчы Нуртдинов Р.Р. үзенең сугышчан юлы турында сөйләде. Очрашу бик кызыклы үтте.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ