ЯҢАЛЫКЛАР

25
гыйнвар, 2015 ел
якшәмбе
Теләче авылы 2нче балалар бакчасы башлангыч мәктәп белән даими элемтәдә тора.
22 гыйнвар көнне балалар бакчасына мәктәп укучылары "Төлке, Куян һәм Әтәч" әкиятен куярга керделәр. Бу безнең балаларга бик ошады. 
Лесной авылы мәктәп урманчылыгы Рреспублика күләмендә үткәрелгән смотр конкурста катнашып, мәгариф һәм фән министрлыгы дипломы белән бүләкләнде.
   
Иске Җөри балалар бакчасында балалар музыка шөгылендә бик теләп катнашалар.

Балалар музыка тыңларга, биергә һәм музыкаль уенчыклар белән уйнарга яраталар. Музыкаль уенчыклар белән танышу – музыкага беренче адым булып тора.
22 гыйнвар көнне 5 сыйныф укучылары белән Олы Нырсы авылы җирлегендә эшләп килүче “Олы Нырсы” янгын сундерү участогына экскурсиягә бардылар.
Экскурсия барышында укучылар янгын сундерү булегенең эшләү тәртибе, хезмәткәрләрнең янгын сундергәндә киемнәре һәм киенү тәртипләре белән таныштылар. Шулай үк белгечләр укучыларга янгын сүндерү машинасының эшчәнлеге, су сиптеру җайланмаларының тоташтыру тәртипләрен, гадәттән тыш хәлләр килеп чыкканда кешеләрне коткару өчен гидравлик җайланмаларның эшчәнлеге белән таныштырдылар, экскурсия барышында сундергеч ярдәмендә ясалма янгынны сундереп курсәттеләр.
23
гыйнвар, 2015 ел
җомга
22 гыйнвар көнне Шәдке авылы мәктәбендә 8-11 нче класс укучылары алдында районнан килгән кунаклар "Кеше хокуклары бозу" турында лекция укыдылар.
Балигъ балалар белән эшләү полиция инспекторы Назмиева Резида Рифгатовна бәлигъ булмаган укучыларның район күләмендәге  күзәтелгән тәртип бозулары, шулай ук закон турында тулы һәм ачык итеп мәгълүмат бирде.  
22
гыйнвар, 2015 ел
пәнҗешәмбе
22 гыйнвар көнне Олы Нырсы авылында Шәтке белән О.Нырсы укучы кызлар арасында волейбол буенча иптәшләрчә очрашу булып үтте.
Ярышлар нәтиҗәсендә Шәтке урта мәктәбе кызлары 3:2 исәбе белән җинүгә ирештеләр.
Китапханәче Розалия Газизова Олы Мишә авылы балалар бакчасына йөрүче балаларга Бөек Ватан сугышында катнашкан авылдашларыбыз турында сөйләде.

 Балалар үзләре өчен бик күп яңалыклар белделәр. Аларның хәтерләрендә бу очрашуда  алган яңалыклар озак сакланыр.
Үзәк авылы балалар бакчасында уртанчылар төркеме кызлары бөтен күңелләрен биреп шушы уенны уйныйлар.

"Балаларын" тәрбияләп, тәмле ашлар, җиләк-җимешләр "ашатып", коляскаларында йөрттеләр. Мондый уеннар уйнаганда кыз балада гаиләдә кайгыртучанлык, ана сыйфатлары формалаша башлый.
Әбде авылы мәктәбе 6-8 сыйныф укучылары китапханәче Никитина Н.П.һәм авыл советы сәркатибе Камалетдинова Ч.Т.белән берлектә авылдашыбыз - Бөек ватан сугышы ветераны Шәймәрданов Рәҗәп бабай янында булып кайттылар.

Аның белән аралашу барышында укучылар авылыбыз тарихына кагылышлы яңа мәгълумат алдылар. Рәҗәп бабай укчыларга үткәндәге гореф-гадәтләр,йолалар,үткән сугыш еллары турында сөйләде. 
22 гыйнвар көнне Теләче Үзәк китапханәсенең уку залында “Тамырлары шушында, бәрәкәтле туфракта” дип исемләнгән әдәби укулар булып үтте.

 Бу  кичәдә якташ  галимнәребез Равил Үтәбәй, Яхъя Абдуллин тормышы һәм иҗади хезмәтләре бәян ителде. Шулай ук  якташ язучыларыбыз  Мәхмүд Максуд  һәм Фатих Хөсни иҗатларына күзәтү үткәределде. 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International