ЯҢАЛЫКЛАР
Борынгы Грециядән һәм борынгы Кытайдан безгә ясалма чәчәкләр ясау һөнәренең ничек үсүе турында мәгълүматлар килеп җиткән. Шуңа күрә, бу кул хезмәте төре – яңалык түгел. «Салават күпере» клубы балалары һәм китапханәнең даими укучылары кәгазь чәчәкләр ясап, чәчәкләр турында табышмаклар чиштеләр, шигырьләр сөйләделәр.
Рөстәм Миңнеханов 2021 елны Туган телләр һәм халыклар бердәмлеге елы дип игълан итте. Шул уңайдан Казаклар авылы китапханәсендә “2021 ел - Туган телләр һәм халыклар бердәмлеге елы” дип исемләнгән почмак булдырылды. Бу почмакта “И, газиз туган телем”, “Туган телнең асыл байлыклары” дигән бүлекләр урын алды. Шулай ук «Татар халык ашлары», «Милли бизәкләребез» дигән бүлекләр һәм милли йолалар, гореф-гадәтләребезне яктырткан альбомнар урын алды. Бу почмак ел дәвамында эшләячәк. Барлык китап укучылар күргәзмә белән таныша алачак.
Урта Мишә авылы китапханәчесе Мөхәммәтшина Гөлфия "Татар сүзе" республика бәйгесендә катнашып Рәхмәт хаты белән бүләкләнде.
Укучылар арасында туган телне популярлаштыру максатыннан Алан авыл китапханәсендә "Татар телем - туган телем, киләчәк шатлык гөлем!” дип исемләнгән телдән журнал үткәрелде. Балаларга татар фольклоры дөньясына чумарга, аның төрле жанрлары: бишек җырлары, мәкальләре, табышмаклары, легендалары һәм әкиятләре белән танышырга тәкъдим ителде. Журнал дүрт биттән торды. Беренче бит - "Тел-милләтнең сакчысы", икенче бит - "Тел турында күренекле кешеләрнең фикерләре", өченче бит - "Туган телем - моңлы көем", дүртенчесе -"Үз телемдә уйлыйм, көйлим, сөйләшәм". Чара "Туган тел"җыры белән тәмамланды.
Әлеге вакыйга уңаеннан «Моя любимая сказка с зимним сюжетом» дигән темага рәсем конкурсы игълан ителде. Яшь китап укучылар рәсемнәр ясадылар һәм алардан «Угадай, из какой сказки эти герои» дип исемләнгән күргәзмә оештырылды. Әкият сөючеләр өчен «Сказки - подсказки» күргәзмәсе тәкъдим ителде, анда яраткан китап битләренә сәяхәт кылырга һәм яраткан геройларында кунакта булырга мөмкин. Шулай ук укучылар китапханәдә әкиятләр турында кроссворд чишә алалар.
Баландыш авыл китапханәсенең китап укучысы һәм мәдәни чараларда актив катнашучысы Тимербайев Илсаф "Татар сүзе" республика бәйгесендә катнашып Рәхмәт хаты белән бүләкләнде.
14 январь көнне Баландыш авыл китапханәсендә мәдәният йорты хезмәткәрләре белән берлектә 2021 нче ел – Татарстанда телләр һәм Халыклар бердәмлеге елына багышланган "Туган телнең асыл байлыклары" дип исемләнгән кичә үткәрелде. Кичәгә «Ак калфак» оешмасына йөрүче хатын-кызлар чакырылган иде. Алар белән табышмакларга җаваплар табылды, мәкальләр һәм әйтемнәр искә төшерелде, яңа 2021 елга эш планнары белән таныштылар.
Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров Теләче муниципаль районы Олы Нырсы авылында гражданнарны кабул итте. Әлеге чараның максаты - кулланучылар хокукларын яклау турындагы законнарны аңлату, халыкның кулланучылар белемен арттыру, гражданнарга кулланучылар хокукларын дәүләт һәм иҗтимагый яклауның мөһим механизмнары турында мәгълүмат җиткерү иде.
19 нчы гыйнвар көнне Теләче урта мәктәбендә « Мәгариф” журналы баш мөхәррире Сөмбел Таишева белән “ Гаилә һәм мәктәп” журналы баш мөхәррире Галия Хабибрахманова укучылар белән очраштылар. Очрашуда баш мөхәррирләр үзләренең журналлары белән таныштырдылар һәм журналларда уздырыла торган кызыклы бәйгеләр турында да сөйләделәр.Очрашу бик файдалы булды.
2021 елнын 16 гыйнварында “Батыр” спорткомплексында “Теләче” спорт мәктәбе балалар сәламәтләндерү үзәге һәм “Олимп” яшьләр үзәге белән берлектә 2006-2008, 2003-2005 нче елларда туган егетләр-кызлар арасында кул көрәше буенча ачык район турнирын үткәрде.
Ярышта барлыгы 9 мәктәптән 130укучы катнашты.
Барлык җиңүчеләргә диплом, медальләр тапшырылды.