ЯҢАЛЫКЛАР
Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт тарафыннан балалар товарларының сыйфаты һәм иминлеге мәсьәләләре, Яңа Ел бүләкләрен 2020 елның 7 декабреннән 21 декабренә кадәр сайлау буенча «кайнар линия» оештырылды.
Район учреждениеләре һәм оешмалары җитәкчеләре халык алдында башкарылган эшләр, алда торган планнар турында хисап тотты. Гражданнар үз чиратында үзләрен борчыган сораулар, тәкъдимнәр белән мөрәҗәгать иттеләр.
Мастер-класста яшь укучыларны кыш, кар, чыршы һәм кар бөртекләре турында табышмаклар көттеләр. Кар бөртеге-кышкы әкиятнең төп атрибуты һәм чыршыныкы гына түгел, гомумән, интерьерны да матур итеп бизәү өчен кулланыла. Бу назлы, нәзакәтле һәм бик матур символ. Күләмле кар бөртекләре барысы да бик матур килеп чыкты.
5 декабрь көнне Сауш авыл китапханәсендә "Ак калфак" клубы әгъзалары белән «Сәламәтлек - зур байлык» дигән темага сәламәтлек сәгате үткәрелде. Катнашучылар сәламәт яшәү рәвешен ничек алып бар, сәламәт туклану һәм физик йөкләмәләр ярдәмендә тормышны ничек озайтырга кирәклеге турында үзләренең белемнәре белән уртаклаштылар.
5 нче декабрь көнне Үзәк авыл китапханәсендә Халыкара коррупциягә каршы көрәш көненә багышланган «Коррупция балалар күзлегеннән» дип исемләнгән балалар рәсемнәре конкурсы үткәрелде. Үз эшләрендә балалар коррупциянең нәрсә икәнен һәм аңа үз карашын күрсәтергә тырыштылар.
Бу көнне мәдәният хезмәткәрләре “Коррупция-ул явызлык! Намуслы яшәргә кирәк!" дип исемләнгән әңгәмә үткәрделәр. Бу чарада клуб берләшмәсенә йөрүчеләр катнашты. Илдә ришвәтчелек чәчәк ата. Моңа каршы көрәшү бик авыр. Аны тиз генә туктату мөмкин түгел. Шушылар турында яшьләргә кыскача аңлату эше алып барылды.
29 ноябрьдән 6 декабрьгә кадәр Теләче урта мәктәбе укучылары Халыкара акция “ Географик диктант “та катнаштылар. Диктант язу diktant.rgo.ru сайтында онлайн оештырылган иде. 100 дән артык укучы Туган илебез, җиребез турында сорауларга җавап бирделәр, географиядән белемнәрен тикшерделәр. Туган илебезне яратырга, аның географиясен, тарихын белергә кирәк. Уңышлар телибез!
Россиядә яшәүче һәр кеше дәүләт дәрәҗәсендәге карарларны кабул итүгә ничек йогынты ясарга мөмкин? Исәпкә алу битендәге сорауларга тулы һәм дөрес җаваплар биреп , халык санын алуда катнашырга. Халык санын алуда катнашыгыз - «үзеңне Россия тарихына яз!» ( ВПН – 2002 ел). Илнең бердәмлеге һәм анда яшәүче халыкларның бергәлеге 2010 елгы халык санын алу девизында чагылыш тапты - »Россиягә һәркем мөһим". Ә исәпкә алуның девизы - «киләчәк булдырабыз«.
Шуның белән узган халык санын алу һәм алда торган халык санын алу девизлары белән танышуны тәмамлыйбыз.
«Шәфкатълелек бизи кешене!» - девизы астында, Баландыш мәдәният хезмәткәрләре, китапханәче белән берлектә 4 нче декабрь көнне, инвалидларның тормыш-көнкүреше белән танышу, хәлләрен белү максатыннан, мөмкинлеге чикле булган авылдашлары Гарипов Рәмис янында булып, аңа дип әзерләгән күчтәнәчләрен тапшырып, хәлләрен белеп кайттылар. Рәмис аларны сөенеп каршы алды, рәхмәтләрен җиткерде.
Хәлләрен белеп, район, авыл, мәдәният яңалыклары, китапханәгә кайтучы китаплар, журналлар белән таныштырдылар. Үз исемнәреннән күчтәнәч – пакет тапшырдылар. Китапханәдә инвалид язучыларның китапларыннан “Көчлелегең белән горурланма, кешелегең белән горурлан” исемле китап күргәзмәсе куелды.