ЯҢАЛЫКЛАР

5 нче декабрь көнне Теләче урта мәктәбендә башлангыч сыйныф укытучыларының  республика семинары булып үтте.  Семинарда Арча педагогия коллеждында белемнәрен  күтәрү курсларын үтүче укытучылар һәм Теләче муниципаль районы  башлангыч сыйныф укытучылары катнашты. Семинарда катнашучыларга   Теләче урта мәктәбе директоры А.Ф. Хафизов уңышлар теләде.  Укытучылар   Азимова Г.З., Фархуллина Г.З., Нигмәтҗанова Г.Ф.  , Салихова З.Х., Габдрахманова З.З., Моталлапова Г.Р. и Әхмәтова  З.Р.  ачык дәресләр һәм сыйныфтан тыш чаралар күрсәттеләр. Җиһаншина А.М. җитәкләгән “ Нур” театр коллективы бик матур чыгыш ясады. Директор урынбасары В.Г. Мифтахова башлангыч сыйныф укытучылары эшчәнлеге турында сөйләде. Семинар бик нәтиҗәле үтте.

     5-11 сыйныф укучылары арасында «Коррупциясез  киләчәк төзибез» темасына үткәрелгән Республикакүләм сочинениеләр конкурсында М.Мостафин исемендәге Олы Кибәхуҗа башлангыч мәктәбе укучысы Плеханов И. I урын яулады.

     4 декабрь көнне Плеханов И. укытучысы Шәяхмәтова И.Р. белән Кремльнең тантаналар залында бүләкләү чарасында  катнашты. Аңа  I дәрәҗә Диплом һәм истәлекле бүләк тапшырылды.  

Бу көн ВИЧ – инфекциясе таралуын һәм ВИЧ – инфекция эпидемиясенең афәтле нәтиҗәләрен киметү өчен, авыру турында халыкның хәбәрдар булырга тиешлеген  искәртү көне булып тора. Бу дата ел саен бөтен дөнья җәмәгатьчелеген әлеге авыру турында истән чыгармаска гына түгел, ә бу чирне йөртүче кешеләрне дә түземле булырга чакыра. Һәм, иң мөһиме, планетада яшәүче һәр кеше профилактиканың сәламәтлек өчен көрәштә бик мөһим булуын аңларга тиеш.Сәламәт  яшәү рәвешен пропагандалау максатыннан, Субаш авыл клубында,китапханә белән берлектә, яшүсмерләр өчен "СПИД перед нами" дип исемләнгән тематик әңгәмә узды. Бу чарага фельдшер Чернова Валентина да чакырылган иде. "ВИЧ-инфекциясе – ул, иммунодефицит вирусын (ВИЧ) барлыкка китергән хроник инфекцион авыру. Ул иммун системасын зарарлый һәм тарката торган, икенчел инфекция һәм яман шешләрне барлыкка китерүче  иммунитет дефициты синдромы." - дип мәгълүмәт бирде ул яшүсмерләргә.

Бүген, 5 нче декабрь көнне, Теләче 2 нче балалар бакчасында “Мәктәпкәчә белем бирү учреждениеләрендә эшләүче педагоглар коллективының һөнәри компитентлыгы -белем бирү хезмәтләре сыйфатын күтәрүнең төп факторы" темасына район семинары булып узды. Семинар барышында мәктәпкәчә белем бирү оешмаларында эшләүче педагогларының һөнәри компетентлыгын күтәрүгә бәйләнешле мәсьәләләр каралды.

Ул Берләшкән Милләтләр Оешмасы карары белән 1993 елдан 3 декабрьдә билгеләп үтелә торган Халыкара инвалидлар көненә багышланган. 4 декабрь көнне Әбде мәдәният йорты директоры Рахматуллин Н.Р. белән берлектә «Һәрвакыт иртәгә булсын» дип исемләнгән ял кичәсе үткәрелде. Бердәм ярышлар чәй өстәле артында тәмамланды, барысы да канәгать калды.

Бүген “Игелеклелек атнасы- игелек кылыйк җиһанга!” дигән акция кысаларында  өлкән яшьтәге кешеләр белән аралашу сәгате оештырылды. Китапханәгә килгән яңа җурналлар белән таныштыру максатыннан өлкәннәрнең өйләренә яңа җурналлар илтү оештырылды. 

Бүген педагоглар Хадиева Ф.Г., Мөбәрәкова Д. М., Сафина Е. В. «Мәктәпкәчә белем бирү учреждениеләрендәге педагогик коллективының һөнәри компетентлыгы-белем бирү хезмәтләренең сыйфатын арттыруның төп факторы буларак» дигән темага Теләче 2 нче балалар бакчасында узган район семинарында катнаштылар. Семинарның беренче өлешендә катнашучыларга мастер-класслар, балалар белән театральләштерелгән эшчәнлек, музыкаль чыгышлар, квэст-уеннар күрсәттеләр, икенче өлеш район педагогларының эш тәҗрибәсен уртаклашу буенча докладлар белән үрелеп барды.

Баландыш авыл җирлеге башлыгы, мәдәният хезмәткәрләре  авыл китапханәсе белән берлектә 4 декабрь көнне "Изгелек җирдә ятмый" дигән девиз астында инвалидларның тормыш - көнкүреше белән танышу максатыннан мөмкинлекләре чикләнгән авылдашлар янында булдылар һәм күчтәнәч пакетлар тараттылар.

Республика балалар китапханәсе уздырган «Читающие дети» дигән уку марафонында Баландыш авыл китапханәсеннән Ситдикова Камилә катнашты һәм дипломга ия булды.

5 нче декабрьдә Теләче урта мәктәбе укучылары  “ Үсеш ноктасы” цифралы һәм гуманитар белем бирү үзәкләрендә үтә торган  «Мәрхәмәтлелек дәресләре” Бөтенроссия акциясенә кушылды. Укучылар «Волонтеры будущего» дигән фильм карадылар. Укучыларга  мәрхәмәтлелек очкыннары сала торган, табигатьне сакларга  , кешеләргә ярдәм итәргә өйрәтүче фильм балаларга бик ошады.