Балалар бакчасында тәрбияләнүчеләр фәнни-гамәли конференция призерлары булдылар
Теләче 3 нче номерлы балалар бакчасында тәрбияләнүчеләр «Академик Т.К. Сираҗетдинов укулары» IV ачык фәнни-гамәли конференциясендә катнаштылар.
Зурлар төркеменнән Рафиков Раян һәм Шакиров Әмирхан (җитәкчеләре: Минһаҗева Г.Р., Шакирова Г. И.) «Конструктордан конструкцияләү» номинациясендә призерлар булдылар. Яшь инженерлар үзләренең осталыкларын, иҗади якын килүләрен һәм командада эшли белүләрен күрсәттеләр, жюри тарафыннан югары бәяләнгән оригиналь конструкцияне тәкъдим иттеләр.
Тәрбияләнүчеләрне һәм аларның остазларын лаеклы бүләкләре белән котлыйбыз һәм яңа иҗади уңышлар, кызыклы ачышлар һәм якты җиңүләр телибез! Балаларны әзерләгәннәре һәм аларның талантларына ярдәм иткәннәре өчен педагогларга рәхмәт белдерәбез.
Безнең тәрбияләнүчеләр белән горурланабыз!