Безнең балалар бакчасында Бөтендөнья сәламәтлек көне
7 апрельдә Бөтендөнья сәламәтлек көне билгеләп үтелә. Әлеге дата кешеләрне үз сәламәтлегенә игътибар итәргә өнди. Көн формаль рәвештә генә уздырылмый, ә җәмәгатьчелекне актив тормышка җәлеп итүче чаралар белән үрелеп бара.
Ел саен Гомумроссия мәгариф профсоюзының “Подзарядка для всех!” дигән акциясе “Профсоюз — сәламәтлек территориясе” федераль проекты кысаларында уздырыла.
Безнең Теләче 3 нче номерлы балалар бакчасы да бу акциягә бик теләп кушылды. Бу көн бөтен дөньяда билгеләп үтелә һәм балачактан ук үзеңне кайгырту, актив тормыш рәвеше алып бару һәм сәламәтлекне саклауның мөһимлеген искә төшерә.
Безнең сәламәтлек көне ничек узды:
Иртә күңелле Бөтенроссия зарядкасы белән башланып китте — барысы бергә музыкага күнегүләр ясадылар!
Көн дәвамында тәрбиячеләр балалар белән сәламәт яшәү рәвеше турында әңгәмәләр үткәрделәр, матур әдәбият укыдылар һәм сәламәтлек темасына иллюстрацияләр карадылар.
Саф һавада балалар хәрәкәтчән уеннар уйнадылар, эстафеталарда һәм ярышларда катнаштылар.
Балалар ни өчен гигиенаны саклау, дөрес туклану һәм күбрәк хәрәкәт итү мөһим икәнен белделәр.