«Укырга, белергә һәм истә тотарга!»
2026 ел Россиядә хәрби һәм хезмәт батырлыгы елы дип игълан ителде. 2 май көнне Айдар авыл китапханәсендә Пушкин картасы проекты кысаларында «Укырга, белергә һәм истә тотарга!» дигән патриотик дәрес үткәрелде. Хәрби һәм хезмәт батырлыгы елына багышланган бу дәрестә Бөек Ватан сугышы турындагы китапларны кычкырып укылды. Бу китапларда сугышчан батырлык күрсәтү, илгә тынычлык килү, ирекле илдә һәм тыныч күк астында яшәү өчен Җиңүнең нинди бәя белән яулануы турында бәян ителгән иде. Чараны дәвам итеп «Бөек Ватан сугышы битләре буйлап» исеме белән танып белү викторинасы уздырылды. Катнашучылар төп сугышлар, аерым билгеләр, герой-шәһәрләр турындагы сорауларга җавап бирделәр, хәвефле кырыгынчы елларга бәйле булган фильмнарны, китапларны, җырларны искә алдылар. Викторина яшүсмерләргә Бөек Ватан сугышының Россия һәм аның халкы өчен әһәмиятен яхшырак аңларга ярдәм итте. Ватанны саклаганда һәлак булганнарны без беркайчан да онытмаячакбыз, геройларның якты истәлеге күңелләрдә, исәннәргә баш иябез. Безнең йөрәкләрдә бернинди сынаулар белән дә сындыра алмаган бөек халык өчен горурлык яшәсен!