Муниципаль районнар Теләче муниципаль районы

“Хәзерге җәмгыятьтә терроризм”

2026 елның 18 мае, дүшәмбе

Терроризм җинаять, аның төп максаты-җәмәгать иминлеген бозу, ул гражданнарның тормышына һәм сәламәтлегенә, критик инфраструктура объектларына, табигый мөхиткә, мәгълүмати мөхиткә, дәүләт идарәсе органнарына, дәүләт һәм җәмәгать эшлеклеләренә һөҗүм итүдә чагыла. Терроризм төшенчәсен аңлату максатыннан 15 май көнне Олы Мәтәскә авылы мәдәният хезмәткәрләре “Хәзерге җәмгыятьтә терроризм” дигән исем белән әңгәмә үткәрделәр. Әңгәмә барышында яшьләргә терроризмның нәрсә икәнлеге, террорчылык оешмасына ничек эләкмәскә, теракт куркынычы булган очракта үзеңне ничек тотарга, террорчыларга каршы нинди чаралар күрергә кирәклеге турында сөйләнелде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2026 ел

Теләче муниципаль районының «Алан» АҖендә үзйөрешле һәм азык җыю ком-байннарына техник тикшерү уздырылды

2026 елның 1 июнь көнне Теләче муниципаль районы АҖ «Алан» хуҗалыгында үзйөрешле хәм азык әзерләү комбайннарына дәүләт техник карау үткәрелде. Әзерлекне тикшерүдә, Үзйөрешле машиналар хәм техниканың башка төрләренә техник торышына күзәтчелек итү идарәсе җитәкчесе-И.Р.Баев, хуҗалык җитәкчесе хәм белгечләре катнашты.

май, 2026 ел

29 май көнне Теләче балалар китапханәсенең «Шаркылдыклар» клубына йөрүче балалар белән «Төрле милләт кешеләреннән мин нәрсәгә өйрәнә алам?» дип исемләнгән дуслык дәресе уздырылды.

Дәрес барышында китапханәче нәниләргә илебездә яшәүче халыкларның күптөрлелеге турында сөйләде, аларның традицияләре һәм гореф-гадәтләре белән таныштырды. Балалар шулай ук дуслыкның кеше тормышындагы әһәмияте турында фикер алыштылар, кем чын дус булып саналырга мөмкин һәм аның нинди сыйфатларга ия булырга тиешлеген белделәр. Шуннан соң кечкенәләр рәхәтләнеп «Безнең көч дуслыкта» викторинасында көч сынаштылар, дуслык турындагы мәкальләрне һәм әйтемнәрне искә төшерделәр. Төрле милләт кешеләре арасындагы мөнәсәбәтләрнең төп кыйммәтләре - ул үзара ярдәмләшү, бер - береңне аңлау, дуслык һәм хөрмәт.

май, 2026 ел

Татар әдәбиятында Фәнис Яруллин үзенчәлекле урын алып тора.

Аның иҗаты — гади кеше хисләренең, тормыш чынбарлыгының тирән эстетик осталык белән чагылышы. Язучының әсәрләре укучыларны изгелеккә, гаделлеккә, намуслылыкка өнди. 29 май көнне Олы Мәтәскә авылы мәдәният хезмәткәләре китапханәдә Фәнис Яруллин китапларыннан торган «Көчлелегең белән горурланма, кешелегең белән горурлан» исемле күргәзмә оештырдылар. Күргәзмә Фәнис Яруллин иҗатының төп фикерен: чын көч — кулда түгел, күңелдә, кешелектә икәнен ачып бирә. Язучы һәркемне үз кешелеген сакларга, яхшылыкка омтылырга, башкаларның хакын хөрмәт итәргә чакыра.

26 май көнне Иске Җөри авылы китапханәчеләре «Йөгерүче китап» Бөтенроссия язгы интеллектуаль йөгерешенә кушылдылар!

Алар билгеләнгән маршрут буенча барып юлда очраган һәркемне китап сөюче итәргә тырыштылар, Россия тарихына, илебездә яшәүче халыкларга, аларның гореф-гадәтләренә һәм мәдәниятенә, шулай ук бу халыкларның күренекле вәкилләренә багышланган, эрудицияне тикшерүче сораулар бирделәр. «Йөгерүче китап» интеллектуаль йөгереше Россия халыклары бердәмлеге елына багышланган. Китапханәчеләрдә аеруча зур шатлык уятканы - авыл халкының китапханәгә китаплар һәм яңа тәэсирләр алырга килергә вәгъдә бирүе булды.

ЯҢАЛЫКЛАРГА ЯЗЫЛУ