Муниципаль районнар Теләче муниципаль районы

Табигатьне күзәтәбез

2016 елның 16 сентябре, җомга

Балаларга әйләнә-тирә дөньяны өйрәтү ,табигатьне күзәтүне шөгыльләр вакытында гына түгел урамда,прогулкада үткәрсәң күбрәк нәтиҗә бирә.Чөнки әйберне чынбарлыкта күрү,танышу,тою баланың акыл сәләтен үстерергә,белемен ныгытырга ярдәм итә.Бүген без Сауш балалар бакчасында прогулкага чыккач балалар белән гөлҗимеш куагы һәм аның җимешләре белән таныштык.Балалар куакның шифалы үзлекләре:җимешенең С витаминына бай, тамырының күп төрле авыруларга дәва булуын белделәр,аның чәнечкеләренең кайдан килеп чыгуы турында әкият тыңладылар,җимешен җыеп бакчага алып кайттылар.Прогулка барысына да бик ошады.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

октябрь, 2024 ел

Мастер-класс узды.

24 октябрь көнне «Пушкин картасы» федераль проекты кысаларында Иске Җөри авылы модель китапханәсендә «Волшебная нить» дип исемләнгән мастер-класс узды. Китапханәчеләр ыргак белән бәйләү буенча мастер-класс үткәрделәр. Чарада катнашучыларга эш өчен җепне ничек сайларга, бәйләү өчен ыргакны ничек дөрес тотарга, элмәкләрне ничек җыярга, нинди ыргаклар була һәм кайсылары иң уңайлы икәнен аңлаттылар. Алар һәр бала янына килеп, элмәкләрне һәм баганаларны бәйләргә өйрәттеләр. Барлык кызлар да бик тырыштылар. Нәтиҗәдә, алар ыргак белән бәйләү күнекмәләрен өйрәнделәр.

Гаилә укуы булып узды.

Гаилә белән уку-балага ошаган үзенчәлекле һәм күңелле атмосфера, Ул бит китаплар укыганда үсә, димәк, нәрсә начар, ә нәрсә яхшы икәнен аңлый башлый. 24 октябрь көнне Үзәк авыл китапханәсендә «Сказка-друг моей семьи» исемле гаилә укуы булып узды. Балалар үзләренең туганнары белән бергә китаплар укыдылар, яңа геройлар турында белделәр һәм аларның гамәлләренә анализ ясадылар.

Теләченең беренче номерлы балалар бакчасы үзендә тәрбияләнүче балалар һәм аларның әти – әниләре белән берлектә күп кенә бәйгеләрдә актив катнашып килә.

Мәктәпкәчә әзерлек төркеме тәрбиячесе Хисамутдинова Ләйсән Наил кызы һәм Муталлаповлар гаиләсе "Гасырлар дәвамында яңгыра, Туган тел!" дип исемләнгән Бөтенроссия гаилә иҗаты конкурсында катнашып, җиңүчеләр исемлегенә керделәр.

«Туган ягыңны бел һәм ярат»

24 октябрь көнне Сауш авыл китапханәсендә "Пушкин картасы" программасы кысаларында «Туган ягыңны бел һәм ярат» темасы белән туган якны өйрәнү сәгате үткәрелде. Катнашучылар видеоролик ярдәмендә Сауш авылы үсешендә эз калдырган күренекле якташларыбыз белән таныштылар.

ЯҢАЛЫКЛАРГА ЯЗЫЛУ