Узган шимбәдә Казанда авыл хуҗалыгы ярминкәләре гөрләде.

Районыбыз җитештерүчеләре бу көнне Кәрим Тинчурин урамында “Иске Шәһәр” префектурасы биләмәсендә сәүдә итте. Биредә авыл хуҗалыгы предприятиеләре казанлыларга ашлык, ит, сөт, бәрәңге, суган, кишер һәм чөгендер ише яшелчәләр тәкдим итсә, авыл җирлекләреннән килгән җитештерүчеләр бакча, урман җимешләре, умарта балы, төрле кайнатмалар, тозлыклар белән сәүдә итте. Әлеге чарада Олы Кибәхуҗа авыл мәдәният йорты хезмәткәрләре дә катнашты.