29 сентябрь көнне Теләченең беренче номерлы балалар бакчасы тәрбиячеләре белән бергәлектә мәктәпкә экскурсиягә бардылар.

Балалар анда үзләренең булачак беренче укытучылары һәм сыйныф бүлмәләре белән таныштылар, хәтта парта артына утырып үзләрен чын укучылар итеп тә хис итә алдылар. Шулай ук балалар китапханәдә булдылар һәм соңыннан мәктәп янәшәсендәге парк белән дә таныштылар. Парктагы матурлыкка балалар шаккаттылар : монда ял итәр өчен эскәмияләр урнаштырылган, тирә-якта аллы-гөлле чәчәкләр үсеп утыра.Балаларга бигрәк тә Тукай һәм Пушкин шигырьләре язылган скультура композицияләре, парк уртасында урнашкан , хәтта анда авылыбыз Теләчене дә табып була торган,Җир шары макеты бик ошады. Балалар экскурсиядән үзләре өчен бик күп яңалык аладылар һәм тизрәк укырга керү теләге белән янып кайттылар.