Өлкәннәр көне.

Илебез буенча октябрь аенда  Өлкәннәр  көне уздырыла. Төрле җирләрдә  өлкәннәрне  котлаулар, искә алулар бара. Өлкән  кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Бу айда  гына түгел, ә һәрвакыт без өлкәннәргә игътибар итеп, хөрмәт күрсәтергә, рәхмәтләребезне әйтергә тиешбез. Шушы бәйрәм уңаеннан  безнең Баландыш төп мәктәбе укучылары авыл җирлеге үзешчәннәре  белән берлектә оештырылган концерт-тамашада катнаштылар, хөрмәтле өлкәннәребезне үзләренең җыр-биюләре белән сөендерделәр.