Теләче Үзәк балалар китапханәсендә “Минем иң яраткан әдәби героем” темасына, иң яхшы кул эшләнмәләренә бәйге игълан ителгән иде.

Балаларның үз куллары белән ясалган яраткан әкият геройлары күргәзмәдә урын алды. Кулдан эшләнгән әйберләрне башкару техникасы төрле: оригами, чигү, пластилиннан, тозлы камырдан, агачтан һ.б. Усал Убырлы карчык, шат күңелле Йомрикмәк,  эшчән Көлсылу, куәтле Алтын балык, Сертотмас үрдәк, Укымышлы мәче сәләтле балалар кулында әйтерсең чып – чын җан иясенә әйләнәләр.

Күргәзмәдә тәкъдим ителгән ике иң яхшы эш, Республикакүләм балалар иҗаты бәйгесендә катнашачак, аның нәтиҗәләре буенча җиңүчеләрне Казан шәһәре Республика балалар китапханәсеннән дипломнар һәм бүләкләр көтә.