8 нче ноябрь көнне Үзәк авыл китапханәсендә беренче сыйныф укучылары катнашуында «Уңышлы түтәлләрдән күңелле табышмаклар»дигән темага танып белү-күңел ачу уены үткәрелде.
Балалар китапханәче Ф.А.Хазипова белән мавыктыргыч сәяхәткә кузгалдылар.Чәчәкләр,яшелчәләр,җиләк–җимешләр турында табышмаклар чиштеләр,урманда үзеңне ничек тотарга кирәклеге, нинди гөмбәләр, җиләкләр җыярга мөмкин икәнлеге турында искә төшерделәр, кроссворд чиштеләр, көз турында җырлар да җырладылар. Ахырдан «Яраткан яшелчәләр һәм җиләк –җимешләр » дигән темага рәсем конкурсы игълан ителде.