28 нче март көнне Теләче балалар китапханәсендә, «Балалар китабы атналыгы» кысаларында «Отгадай загадки дедушки Корнея!» дигән әдәби ярыш үткәрелде.

Биредә кече һәм урта яшьтәге мәктәп укучылары катнашты. Әдәби ярышның максаты: язучы К.И. Чуковский иҗатына карата кызыксыну уяту иде. Шулай итеп, без балаларга К.И. Чуковскийның гаҗәеп бай әкиятләр дөньясын ачып бирергә, алардагы акыллылык һәм матурлыкны күрә белергә; әкиятләрен хөрмәт итәргә һәм яратырга өйрәттек. Китап укучыларда К.И. Чуковский әсәрләре аша яхшылыкның явызлыкны җиңүен, көчсезләргә һәм яклаучысызларга карата кызгану хисләре тәрбияләргә тырыштык.