ЯҢАЛЫКЛАР

Нәүрүз бәйрәме яз башында елгалар ачылгач, көн белән төн тигезләшкән вакытта бәйрәм ителә. Бәйрәмгә кунак булып Нәүрүзбикә килде. Балалар Нәүрүзбикәгә яз турында шигырьләр һәм җырлар башкардылар, татар халкының мәкальләрен искә төшерделәр, уеннар уйнадылар. Бәйрәм ахырында балалар коймак белән сыйландылар.

Һәр ел саен барлык мөселманнар бу айны зур шатлык белән каршы алалар, ураза тоталар, хәер-сәдака бирәләр һәм догалар укыйлар. Айның озынлыгы 30 көн тәшкил итә һәм ай календаре белән бәйле. Казаклар авыл китапханәчесе "Ахирәтләр мәҗлесе" берләшмәсе әгъзалары белән берлектә мәчеттә “Изге рамазаннан иман нуры алыйк” дип исемләнгән әңгәмә үткәрде. Очрашуга Гөлсинә Гарипова чакырылган иде. Ул катнашучыларны изге Рамазан аенда ураза тоту кагыйдәләре белән таныштырды. Ураза бәйрәменең барлыкка килү тарихы һәм аны үткәрү традицияләре белән таныштырды. Уразаның файдасы турында сөйләде, ул кешегә тынычлык, сабырлык, үз-үзеңне тәрбияләүгә һәм үз-үзеңне тәрбияләүгә ярдәм итү кебек сыйфатлар бирә.

Чара матур концерт номерлары, төрле  халык уеннары белән чиратлашып барды.

Һәр бәйрәмнең үз тәртибе, гореф-гадәтләре, кыйммәте бар. Татар халкының милли йолаларын кечкенәдән белеп үссәләр, буыннар арасында дәвамлылык, миллилек хисе югалмас. Балалар, һичшиксез, үз телләрен, рухи байлыкларын саклаучылар булып үсәрләр. Бәйрәм  тәмле коймак белән чәй эчеп тәмамланды.

Россия Федерациясенең 57 субъектыннан 813 спортчы катнашкан әлеге ярышларда Татарстан Республикасы командасы составында Теләче спорт мәктәбе спортчылары да тренерлары Кыямов Айрат Әхмәт улы җитәкчелегендә  уңышлы чыгыш ясады.
Иске Җөри урта мәктәбеннән Гараев Тахир 3 урынга, Караширмә авылыннан Хуҗина Рания 4 урын, Алан авылыннан Җамалиева Азалия 5 урынга лаек булды.

21 март көнне «Пушкин картасы» проекты кысаларында Теләче үзәк китапханәсенең уку залында «Гарәп каллиграфиясе сәнгате» дип исемләнгән мастер - класс үткәрелде.                   «Каллиграфия» дип матур язу сәнгатен, сүз сурәтләү осталыгын атыйлар. Каллиграфияне кешеләрнең язуда иҗади үзенчәлекләрен чагылдыруга омтылышы барлыкка китерә. Гарәп каллиграфиясе ислам сәнгатендә мөһим урын алып тора. Әлеге чарада катнашучылар гарәп каллиграфиясе сәнгате белән таныштылар, гарәп язуының тарихын, аның каллиграф язу стильләрен, бу эш белән шөгыльләнүчене «хаттат» дип аталганын белделәр. Шулай ук, күренекле каллиграф Нәҗип Нәккашның туграсы белән таныштылар, маркер ярдәмендә үз исемнәрен язарга өйрәнделәр.

Китапханәче балаларга урманның үсемлекләр һәм хайваннар үзара бәйләнгән тулы бер экосистема буларак әһәмияте һәм аны саклау зарурлыгы турында сөйләде. Аннары балалар экологик викторинада катнаштылар, аның барышында хайваннар һәм үсемлекләр, кошлар, бөҗәкләр турындагы сорауларга җаваплар бирделәр. Балалар шулай ук хайваннарны һәм үсемлекләрне саклау өчен бөтен дөньяда тыюлыклар барлыгын, анда үлеп бара торган хайван һәм үсемлек төрләре кертелгән кызыл китап барлыгын белделәр. Үткәрелгән чара әйләнә - тирә мохиткә сакчыл караш тәрбияли.

Бөтендөнья шигърият көне кысаларында, Җиңүнең 80 еллыгына һәм Ватанны саклаучылар елына багышлап, 21 март көнне Әбде авылы китапханәсендә мәдәният йорты директоры һәм мәктәп белән берлектә «Пароль их Родина и лозунг их Победа» дип исемләнгән мәгълүмат сәгате үткәрелде.

Шул уңайдан, Теләче балалар китапханәсендә «Шигырь аша сөйләшәм...» дип исемләнгән әдәби сәгать үткәрелде. Китапханә хезмәткәрләре балаларга бәйрәмнең килеп чыгышы турында сөйләделәр, шигьриятнең кеше иҗат иткән иң бөек сәнгать әсәре икәненә төшендерделәр.

Китапханәче балаларга бәйләү кармакларының төрләре, схемаларны ничек укырга кирәклеге турында аңлатты һәм осталык серләре белән уртаклашты. Кайберәүләрне квадрат бәйләү техникасы кызыксындырды, икенчеләре тастымал бәйләп карадылар, бәйләүнең иң гади элементларына өйрәнделәр, шулай ук бәйләү буенча журналларга күзәтү үткәрделәр. Эш белән вакыт сизелмичә үтеп китте, катнашучылар үзләренә кечкенә матур тастымаллар бәйләделәр. Саубуллашып, барысы да яңа очрашулар өмет итеп калдылар.

Бу чара Ватаныбыз өчен көрәшүчеләргә хөрмәт күрсәтте, авыл халкы өчен чын бәйрәмгә әйләнде. Концертта сугыш елларының мәшһүр җырлары, шигырьләре яңгырады, алар иң авыр һәм иң караңгы вакытта сугыш кырында солдатларга ярдәм итте, җиңүгә өмет бирде. Фестивальдә күргәзмәләр дә тәкъдим ителде, кунаклар әлеге эшләр белән таныша алдылар. Бәйрәм концерты хис-кичерешләргә бай булды һәм тамашачыларның йөрәкләрендә тирән тәэсир калдырды. Мондый чаралар балалар һәм яшүсмерләр күңелендә эз калдыра, тарихны истә тотарга ярдәм итә, ихлас патриотлык һәм иң яхшы кешелек сыйфатларына ышаныч тәрбияли дип ышанасы килә.