ЯҢАЛЫКЛАР
Бүген, 19 мартта, «Киләчәк» Яшьләр үзәгендә Балалар иҗат үзәге ел саен үткәрелә торган «Теләче йолдызчыгы» диеп исемләнгән конкурс-фестиваленең мәктәп яшендәге балалар арасында сайлап алу турын уздырды. Фестиваль-конкурска старт быелның 1 нче февраленнән бирелде. Әлеге чарада 1 нче сыйныфтан алып 11 нче сыйныфка кадәрге балалар катнашты, алар үзләрен төрле яктан сынап карый алдылар. Сайлап алу турында 7 төрле номинациядә барлыгы 250 дән артык бала катнашты.
«Пушкин картасы» проекты кысаларында Теләче үзәк китапханәсенең уку залында Теләче урта мәктәбенең 7 «А» сыйныфы укучылары өчен «Эбру-матурлык дөньясы» исемле мастер - класс үткәрелде.
Әлеге истәлекле датаны бәйрәм итү кысаларында Иске Җөри авылы модель китапханәсендә китап күргәзмәсе әзерләнде. Күргәзмәдә тәкъдим ителгән материаллар Кырымның Россия белән кушылуына сәбәп булган вакыйгалар турында сөйли. Күргәзмәдә Кырымның истәлекле урыннары турындагы басмалар белән танышырга мөмкин иде. Шулай ук укучылар Кырымның Россия белән кушылуы россиялеләр өчен халкыбызның какшамас бердәмлеге, Ватанга мәхәббәт һәм тарихи гаделлекне торгызу символы булуын белә алачак.
Күкчә авылы китапханәсе, авыл клубы белән берлектә әлеге проектка кушылдылар. Яшүсмерләр Фәнил Галиевнең «Судьбы солдатские» китабы турында фикер алыштылар, әлеге китапта автор үзенең балачагын, әтисенең Бөек Ватан сугышында җиңү белән кайтуы турында сөйли. Чара ахырында укучылар үзләренең китап турындагы тәэсирләре белән уртаклаштылар.
18 мартта безнең илдә мөһим дата – Кырымның Россия белән кушылуы көне билгеләп үтелә. Нәкъ 11 ел элек Кырымда референдум узды, аның нәтиҗәләре буенча ярымутрау Россия Федерациясе составына керде. Шул уңайдан, 18 март көнне Сауш авылы китапханәсендә «Кырымның Россиягә кушылуы көне» дип исемләнгән мәгълумәт сәгате үткәрелде. Китапханәче «Кырым Россия тарихында» дигән презентация әзерләде, биредә республика тарихындагы мөһим вакыйгалар, ярымутрауның Россия өчен әһәмияте турында җиткерелде. Чара барышында укучылар бик күп файдалы мәгълүмат алдылар. Шулай ук «Кырым» атамасының килеп чыгышы, аның ярымутрау тарихы, бай табигате һәм иң танылган истәлекле урыннары, Севастополь шәһәре, Кара диңгез флоты, 2014 елның 18 мартындагы тарихи вакыйганың әһәмияте турында сөйләнелде.
Нәкъ 11 ел элек Кырымда референдум узды, аның нәтиҗәләре буенча ярымутрау Россия Федерациясе составына керде. Бу истәлекле көн уңаеннан Айдар авылы китапханәсендә «Кырым һәм Россия бердәм язмыш» исемле тематик әңгәмә уздырылды. Чарада катнашучыларга китапханәче Кырым тарихы, 2014 елның мартында булган вакыйгалар, ярымутрауның истәлекле урыннары һәм табигате, хәзерге вакытта Кырымда яшәүче халыклар, аларның мәдәни мирасы турында мәгълүмат җиткерде. Шулай ук иҗатында шушы якны яктырткан классиклар турында да сөйләнде. Ул биредә рус язучыларының һәм шагыйрьләренең мәшһүр әсәрләре язылуын билгеләп үтте.
Бирегә «Сердәш» клубы әгъзалары чакырулы иде. Әле яңа гына Гомрә хаҗыннан кайткан мөслимә кардәшебез Әнисә Хуҗина үзенең уй-кичерешләре белән уртаклашты, Мәккә һәм Мәдинә шәһәрләрендәге изге урыннарны видео һәм фото материаллар аша күрсәтте. «Без – мөселманнар, бергә җыелып илебез җитәкчеләренә сабырлык, ихтыяр көче юлдаш булуын теләдек. Аллаһы Тәгаләдән Украина җирендә тынычлык урнашуын һәм ир-егетләребезнең исән-сау өйләренә әйләнеп кайтуларын сорап дога кылдык», - диде ул.
Өлкән буын үзләренең оныкларына һәм оныкчыкларына күп еллык тәҗрибәләрен тапшыралар, тарихның дистә елларын бер өзлексез чылбырына берләштерәләр. 18 март көнне Үзәк авылы китапханәсендә «Ә тормыш дәвам итә» дип исемләнгән ял кичәсе үткәрелде. Китапханәче кунакларга викторина үткәрде, алар «СССРда иң арзан товар нинди иде?» кебек сорауларга җавап бирделәр, үзләренең яшьлекләрен искә алдылар. Кунаклар китаплардан өзекләр укыдылар, кичә чәй өстәле артында күңелле һәм матур узды.
19нче март көнне квалификация күтәрү курслары кысаларында безнең Теләче 3нче номерлы балалар бакчасы базасында ш.т.б. Б. Сабасы, Арча һәм Теләче районның мәктәпкәчә белем бирү учреждениеләре тәрбиячеләре өчен “Педагогик диагностика нигезендә мәктәпкәчә белем бирүнең федераль белем бирү программасын гамәлгә ашыру" дигән темага республика күләм семинар булып узды. Семинар барышында педагогларга дәресләр, музыкаль күренешләр,чыгышлар күрсәтелде.
Һәр кешенең зарарлы гадәтләргә һәвәслеге бар. Кемгәдер алар зарарсыз тоела, ә кайберләрендә алар аркасында җитди проблемалар барлыкка килә. Барлык зарарлы гадәтләр организмга һәм үз-үзеңне тотышыңа тискәре йогынты ясый. Китапханәчеләр мәгълүмат сәгатендә катнашучыларга аңлаешлы формада «зарарлы гадәтләр» төшенчәсе турында сөйләделәр. Чара барышында балалар гадәтнең нәрсә икәнен, нинди гадәтләрнең файдалы дип саналуын, ә кайсыларының сәламәт булырга комачаулавын һәм аларның нәрсәгә йогынты ясавын белделәр.