ЯҢАЛЫКЛАР
Кичә язучыга багышланган видеосюжет караудан башланды. Балалар булачак язучының Россия киңлекләре буйлап бик күп сәяхәт итүен һәм әлеге сәяхәтләр аның китапларында да чагылыш табуын күрделәр. Геннадий Яковлевичның гаҗәеп һәм гадәти булмаган биографиясен тыңлап, аны язучы гына түгел, ә хайваннар һәм кошларның үз-үзләрен тотышларын һәм үзенчәлекләрен яхшы аңлаучы, туган табигатебез буенча эзләнүче буларак та ачтылар. Балалар Г.Снегиревның хикәяләрен кычкырып укыдылар, кошлар һәм хайваннар турында табышмаклар әйтештеләр. Әлеге чара уңаеннан китап күргәзмәсе дә әзерләнгән иде.
Театр - ул тылсым дөньясы! Театрда хыяллар тормышка аша, күңелләр рухи азык ала... Театр сәнгате төрле халыклар арасында дуслыкны арттыра, берләштерә, халкыбызның рухын ныгыта, теленә, гореф-гадәтенә мәхәббәт уята.
Якташыбыз, Татарстан Республикасының атказанган мәдәният хезмәткәре, Татарстан Язучылар берлеге әгъзасы, “Рухият” фондының Саҗидә Сөләйманова исемендәге әдәби премиясе лауреаты Сәйдә Закир кызы Зыятдиновага 27 март көнне туган көне. Сәйдә Зыялы укучыларга “Айның тулган чагы”, “Сулар үргә акмый" дигән шигъри китаплар, проза әсәрләре – повестьлар: «Кайнар сукмаклар», «Кар карасы», «Кара таплы бизәк», «Югалту», хикәяләр «Юл читендә», «Буранлы төн», «Ике дөнья арасы», «Ачылмаган бөре», «Сыну», «Яз салкыннары» һ.б., шулай ук публицистик мәкаләләр авторы буларак та таныш. Китап укучыларыбызны якташыбыз иҗаты белән якыннанрак таныштыру максатыннан Теләче җирлекара китапханәсендә “Туган якның сайрар кошчыгы” дип исемләнгән күргәзмә эшләнде, презентация куелды.
Казан шәһәрендә «Укытучы булу-шәп!» дип аталган психоло-педагогик сыйныфлар өчен республика слеты булып узды.
Слетта Якупова Линара Кәниф кызы, мәгариф бүлегенең укыту-методик эш буенча җитәкче урынбасары һәм Теләче урта гомуми белем бирү мәктәбенең 7 сыйныф укучысы Шәйдуллина Иделия катнашты.
Максабаш авыл китапханәсендә «Батулла әкиятләре» дигән туган якны өйрәнү дәресе үткәрелде. Балалар язучының тормышы һәм иҗаты белән таныштылар. Рабит Батулла өч дистәдән артык китап авторы, шуларның егермедән артыгы балалар өчен. Балаларга аеруча аның маҗаралы әкиятләре ошый. Язучының әкиятләре кычкырып укылды. Аннары балалар әкият персонажларын нинди әкияттән икәнен таныдылар. Батулланың барлык әкиятләре игелек, юмартлык, табигатькә һәм барлык тереклеккә мәхәббәт тәрбияли.
Бу искиткеч бәйрәм алдыннан китапханәдә “Бөтен дөнья - театр!” дигән исем астында китап күргәзмәсе ачылды. Биредә театр сәнгате жанрлары: курчак театры, драма, балет, опера турында эчтәлекле китаплар урнаштырылды. Күргәзмәдәге китаплар театр сәнгатенең һәр төренең үзенчәлекләрен ачып бирә һәм театрның иң күренекле вәкилләре турында сөйли. Көн дәвамында күргәзмә янында сәнгать турында сөйләшүләр булды. Укучылар курчак театры атрибутлары белән аеруча кызыксынды, яраткан персонаж рольләрен башкарып карады.
МБГБУ - Олы Мишә урта гомуми белем бирү мәктәбенең башлангыч сыйныф укучылары каникулларда да төрле конкурсларда һәм чараларда катнашалар. 28 нче март көнне мәктәбебездә «Кошлар –безнең канатлы дусларыбыз» рәсем конкурсы үтте. Яз- кайткан кошларның күңелле тавышлары вакыты . Канатлы дусларыбызга булышу һәрвакыт рәхәт!
Югары Кибәхуҗа авыл китапханәсендә «Татар халкының гореф-гадәтләре һәм йолалары” исемле тематик сәгать үткәрелде. Китапханәче балаларны татар халкының мәдәнияте, гореф-гадәтләре, көнкүреше, бәйрәмнәре белән таныштырды. Чара барышында татар халкының милли киемнәре: камзул, калфак, түбәтәй сүзләренең мәгънәсе аңлаттылды. «Әбием сандыгы»ндагы бай мираслы киемнәр, чигүле сөлгеләр белән үзара фикер уртаклаштылар.
Район авыл хужалыгында эшлэуче хужалыклардагы трактор хэм тагылма арбаларга техник карау бара. 29 март конне мондый чара «Алан» ЖЧШ дэ башкарылды.
Югары Кибәхуҗа авыл китапханәсендә «Татар халкының гореф-гадәтләре һәм йолалары” исемле тематик сәгать үткәрелде. Китапханәче балаларны татар халкының мәдәнияте, гореф-гадәтләре, көнкүреше, бәйрәмнәре белән таныштырды. Чара барышында татар халкының милли киемнәре: камзул, калфак, түбәтәй сүзләренең мәгънәсе аңлаттылды. «Әбием сандыгы»ндагы бай мираслы киемнәр, чигүле сөлгеләр белән үзара фикер уртаклаштылар.