ЯҢАЛЫКЛАР
Бүген Олы Мишә урта мәктәбендә Ру стеле көне уңаеннан әдәби кичә үткәрелде. Кичәдә мәктәбебезнең яшь артистлары, яшь тел белгечләре катнашты.
Бөек рус шагыйре Александр Сергеевич Пушкинның иҗаты безне гомер буе озата бара. Аның әсәрләре төрле яшьтәге кешеләрне берләштерә. Аның әкиятләре белән һәркем укырга өйрәнгәнче үк таныша башлый. Акция кысаларында Әбде авыл китапханәсе мәктәп белән берлектә «Ода А.С. Пушкину» дип исемләнгән чара оештырды, ул шагыйрьнең тормыш юлы һәм иҗаты турында презентация, «Пушкин укыйбыз» флешмобы һәм А. С. Пушкинның әкиятләре буенча кызыклы викторина белән үрелеп барды.
Шул уңайдан мәдәният һәм ял паркына балалар китапханәсенең иң актив китап укучылары чакырылды. Алар белән «Я помню чудное мгновенье...» дип исемләнгән кычкырып укулар үткәрелде. Башта язучының кыскача тормыш юлы һәм иҗаты белән таныштырылды. Балалар Пушкин әсәрләреннән өзекләр укып кына калмады, викторина сорауларына да актив җавап бирде. Һәркем үз фикерен әйтте, Пушкинның яраткан шигырьләрен яттан сөйләделәр, әкиятләрен искә төшерделәр. Шулай ук, Теләче үзәк китапханәсенең уку залында күргәзмә куелды һәм укучылар белән бөек язучының иҗаты буенча әңгәмә үткәрелде.
Без - мәдәният хезмәткәрләре һәм авыл яшьләре, атлар җигеп, 4 июнь көнне Сабантуй бәйрәме өчен бирнә җыйдык. Бу традиция буыннан - буынга күчеп, үз кыйммәтен югалтмыйча, безнең көннәргә кадәр килеп җиткән. Традиция буенча, бүләк сыйфатында яшь кызлар чиккән кулъяулыклар, ә яшь киленнәр чиккән сөлгеләр бүләк иттеләр. Бу чара күңелле җырлар, биюләр белән үрелеп барды. Бирнә җыючыларны киң күңелле авылдашларыбыз милли ризыклар һәм самавыр чәе белән сыйладылар.
1 июнь көнне «Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү бүлеге хезмәткәрләре «Ирекле Волонтер» оешмасы белән берлектә Балаларны яклау көненә багышланган бәйрәм чарасы үткәрделәр. Бу көнне кунакларны әкият персонажлары каршы алды. Белгечләр төрле уеннар һәм күңел ачу оештырдылар.Чараның көтеп алынган кунагы аниматор булды. Бәйрәм ахырында балаларны туңдырма, азык-төлек җыелмасы һәм спонсордан күчтәнәчләр белән сыйладылар. Бер генә бала да бүләксез китмәде
5 июнь көнне Югары Кибәхуҗа авыл китапханәсендә мәдәният хезмәткәрләре белән берлектә бөек рус шагыйре А.С.Пушкинның туган көненә багышлап «Читаем Пушкина сегодня» дип исемләнгән шигырь конкурсы үткәрелде. Әлеге кичәдә җәйге сәламәтләндерү лагерендә тәрбияләнүчеләр катнашты. Китапханәче Махмутова Г. В. язучының иҗаты һәм тормыш юлы белән таныштырды. Китап күргәзмәсе буенча әдәби экскурсия үткәрелде.
Әлеге дата кысаларында Күкчә авыл китапханәсе клуб белән берлектә Пушкин әкиятләренең тылсымлы дөньясына сәяхәт оештырдылар. Балалар шагыйрьнең тормыш юлы һәм иҗаты белән таныштылар. А.С. Пушкинның матур әкиятләрен укуда актив катнаштылар. Китапханәче балаларга бу бәйрәмнең барлыкка килүе турында сөйләде, А.С.Пушкинның рус теле үсешенә керткән өлеше, аның Ватанга һәм үз халкына булган мәхәббәте турында сөйләде.
6 июнь – бөек рус шагыйре Александр Сергеевич Пушкинның туган көне, аның иҗатын кечкенә һәм олылар да ярата, шуңа күрә бу көнне бөтен ил буенча Пушкин көнен билгеләп үтәләр. 5 июнь көнне Максабаш авылы китапханәсе мәдәният йорты белән берлектә «Пушкинны укыйбыз» дип исемләнгән әдәби сәгать үткәрделәр. Әңгәмә яшь укучыларга Пушкиннның тормыш һәм иҗат юлы, әкиятләр сюжетларын искә төшерде, ә ахырда узган күңелле викторина белемнәрен ныгытты. Балалар тәкъдим ителгән әкияттән өзекләрне дәвам иттеләр, иллюстрацияләр буенча әкиятләрне таныдылар.
Без табигатьтән, табигать бездән башка яши алмый. Ләкин ул безнең игътибарга, яратуга, саклауга мохтаҗ. Безнең төп максат: әйләнә-тирәдәге яшеллекне, зәңгәр күк йөзен, саф һаваны һәм дусларыбыз – хайваннар, кошлар, бөҗәкләрне саклап калу. Әлеге дата уңаеннан Урта Мишә авылы мәдәният хезмәткәрләре балалар белән авылыбыздагы “Изгеләр чишмәсе”нә экскурсия оештырды. Чишмәнең әйләнә-тирәсе чүп үләннәреннән һәм чүп-чардан чистартылды. “Туган якның табигатен саклыйк” исемле темага шигырьләр укылды.
Балалар өчен Александр Сергеевич әкиятләре буенча кычкырып укулар узды. Әкият геройлары үз гамәлләре белән безгә яхшылык, хакыйкатьне явызлыктан аерырга, гадел, кыю булырга өйрәнергә ярдәм итә. Башта балалар Александр Сергеевичның барлык әкиятләрен искә төшерделәр, шулай ук викторина сорауларына җавап бирделәр. Чара барышында «Алтын әтәч», «Алтын балык» әкиятләрен кычкырып укыдылар.