ЯҢАЛЫКЛАР

1-2 ноябрь көннәрендә Түбән Кама шәһәрендә “Ватанны сакларга әзер бул!” дип исемләнгән Россия яшь ватанпәрвәрләре слеты кысаларында  мәктәп укучылары - яшь армия отрядлары арасында “Хезмәткә һәм оборонага әзерлек” (ГТО) фестиваленең республика этабы булып үтте. Әлеге чарада 29 муниципаль район командасы, шул исәптән районыбызның Шәтке урта мәктәбе командасы да катнашты. Безнең район командасын  бертуганнар Лиана һәм Диана Җәләевалар, Булат Гыймадиев һәм Илһам Габделхаевлар тәшкил итте. Җитәкчеләре Гөлфия Мөхәммәтвасыйл кызы Җәләева. Яшь армиячеләр әлеге ярышта спортның йөзү, ераклыкка сикерү, җирдән этенү, турникта тартылу, борысларда этенү, аягүрә басып торган хәлдә алга таба бөгелү кебек төрләрендә көч сынаштылар. Шәхси беренчелектә Диана Җәләева белән Булат Гыймадиев аягүрә басып торган хәлдә алга таба бөгелү төрендә икенче урынга лаек булдылар. Командалар беренчелегендә Шәтке урта мәктәбе командасы  призлы урынга лаек булды. Призлы урыннарны яулаган укучыларга һәм командаларга Дипломнар һәм Кубоклар тапшырылды.

8 ноябрь көнне Теләче 3нче номерлы балалар бакчасында, 2016-2020 елларга "Рус Теле" максатчан федераль программасы кысаларында, «Рус сөйләм телен һәм мәктәпкәчә яшьтәге балаларның социомәдәни компетенциясен үстерү чарасы буларак цифрлы укыту объектлары» дигән темага республикакүләм семинар-тренинг булып узды. Бу семинарда алман филологиясе кафедрасы доценты, К(П)ФУ “Лев Толстой исемендәге ИФМК” халыкара эшчәнлек бүлегенең директор урынбасары, филология фәннәре кандидаты Садыкова Г. В.; алман филологиясе кафедрасы доценты, К(П)ФУ “Лев Толстой исемендәге ИФМК” рус теле һәм чит телләр әдәбияты кафедрасы доценты, филология фәннәре кандидаты Вафина А. Х. катнашты.

8 ноябрьдә Алан урта гомумбелем бирү мәктәбендә “Сәламәт яшәү рәвеше” дип аталган тәрбия сәгате уздырылды. 11 сыйныф җитәкчесе Гатауллина Д.Г. әлеге чараны мавыктыргыч итеп әзерләгән иде. Укучылар һәркайсын борчыган сорауларга үзләре үк җавап бирделәр. Кәрәзле телефоннан еш файдалану, өзлексез интернетны куллану, шау-шулы музыка тыңлау сәламәтлек өчен зыянлы булса, саф һавада йөрү, китап уку, классик музыка тыңлау сәламәтлекне ныгыта.

Бердәмлекнең бүгенге көндә иң актуаль икәнлеге турында әңгәмә корылды.

Салисә Гәрәева — Татарстан Республикасының атказанган мәдәният хезмәткәре, Татарстан Республикасы Язучылар берлеге һәм журналистлар берлеге әгъзасы, Һ.Такташ исемендәге премия лауреаты . Күргәзмә шигърият сөюче китап укучыларга тәкъдим ителде.

Конституция - Татарстан халкының барлык мәнфәгатьләрен үз эченә туплап, өмет-хыялларын чагылдыра, киләчәккә ышанычын беркетә. Төрле милләт һәм дин вәкилләре арасында үзара аңлашу хакимлек иткән төбәк буларак, Татарстан көннән-көн киңрәк таныла бара, даны еракларга тарала. 7 ноябрь көнне Урта Мишә авыл китапханәсендә әлеге датага багышланган “Конституцияле халык – дәүләтле халык” исемле күргәзмә буенча, әңгәмә – сөйләшү үткәрелде.

Акция Архангель шәһәрендә туган, талантлы язучы, рәссам Борис Викторович Шергинны искә алу көне уңаеннан  үткәрелде. Теләче җирлекара китапханәсе, акциядә катнашкан өчен диплом белән бүләкләнде.

Китап укучылар кайткан китапка «сөйләшә торган кыстыргыч " рәвешендә шартлы төстә нигез салалар, шуның белән укылган китап турында үз фикерләрен калдыра: кызыл – «китап ошый», зәнгәр – «ошамый», сары – «тәэсир калдырмады», кара – «исәпли алмадым», яшел – «башка укучыларга киңәш итәм».

Күргәзмә Татарстан Республикасы көне уңаеннан эшләп куелды. Күргәзмәгә И.Таһиров, Ф.Сафиуллин китаплары куелды.