ЯҢАЛЫКЛАР
17 октябрь көнне Баландыш төп мәктәбе базасында район география укытучыларының “Укучыларның белемлелек сыйфатын күтәрүгә ирешү өчен яңартылган федераль дәүләт стандартлары буенча дәрестә заманча педагогик технологияләрне куллану” темасына семинар – киңәшмәсе булып узды.
Теләче балалар китапханәсендә башлангыч сыйныф укучылары өчен әтиләргә багышланган танып белү сәгате уздырылды. Китапханә хезмәткәрләре балаларга бәйрәмнең тарихы, Әтиләр көнен бәйрәм итү традициясенең кайчан һәм кайдан килеп чыгуы, аны бүген нинди илләрдә билгеләп үтүләре турында сөйләде. Чарада катнашучыларның кайберләре әтиләренең Бөек Ватан сугышында катнашкан бабалары турында сөйләгән истәлекләре белән уртаклашты. Балалар үзләренең әтиләре һәм алар белән бергә үткәргән вакытлары турында ягымлы, матур сүзләр белән искә алдылар. Ахырда әлеге темага кагылышлы китаплар белән таныштырылды.
Казаклар авыл китапханәсе клуб белән берлектә урта яшьтәге укучылар өчен “Яшь буын наркотикларга каршы” дип исемләнгән мәгълүмати әңгәмә үткәрде. Чарада укучыларга наркотиклар һәм аларның кеше организмына тәэсире турында сөйләнде. Әңгәмә барышында яшьләрне наркотикларга кем һәм ничек тарта, психоактив матдәләрне сынап карарга тәкъдим итүчеләргә ничек каршы торырга, кешенең наркотикларга бәйлелеге, аларны куллану нәтиҗәсендә шәхеснең таркалуы турында белделәр. Чара барышында китапханәче «Бер ялгыш адым һәм… бер гомер» дигән китап күргәзмәсенә күзәтү ясады.
Олы Нырсы авыл китапханәсендә укучылар белән берлектә “Терроризм тормышка куркыныч тудыра” дип аталган өстәл артында әңгәмә уздырылды. Хәзерге вакытта экстремизм һәм терроризм милләт өчен куркыныч тудыра. Яшьләрнең психологик яктан җитлекмәгәннекләре,үз фикерләре булмаганлыктан, күп кенә каршылыклар китереп чыгару куркынычы бар. Бугенге көндә яшь буынга бар нәрсәгә дә сакчыл караш тәрбияләргә тиешлеге аңлатылды.
Хайваннар турындагы китаплар балаларда да, өлкәннәрдә дә зур кызыксыну уята. Мондый әдәбият игелекле булырга, мәрхәмәтлелеккә, табигатькә һәм кече кардәшләргә мәхәббәт белән карарга өйрәтә.
Укучылар кайчак бурычлар белән хокукларны бутыйлар. Нәрсә ул хокук? Хокук – ул кешеләрнең җәмгыятьтә үзара мөнәсәбәтләрен җайга салучы кагыйдәләр җыелмасы. Хокук дәүләт тарафыннан санкцияләнә, хокук бозган өчен җаваплылык каралган.
Үзәк авылы китапханәсе хезмәткәрләре яшүсмерләр өчен мәгълүмати – танып белү программасы үткәрү максатыннан, 7 сыйныф укучылары янында булдылар.
Дөнья белән ак кәгазь бите һәм каләм аша сөйләшүче, укучылар алдында күңелләрен ачып салып, хисләрен тыймый аралашучы ихлас кешеләр — ЯЗУЧЫЛАР! Язучылык — гомер буе өйрәнә торган профессия. Кемдер балачактан ук каләм чарлый, ә кемдер олыгайгач, тәҗрибә һәм зирәклек туплагач кына язучы була.
Шармыш авыл китапханәсендә нәни укучылар белән Сергей Тимофеевич Аксаковның "Аленький чветочек" әсәре буенча кычкырып укулар үткәрелде. Язучының биографиясе һәм иҗаты белән танышкач, балалар анимация дөньясына кереп киттеләр һәм "Аленький цветочек" әкиятен карадылар. Чара ахырында балалар әсәрнең уңай һәм тискәре персонажлары һәм мәхәббәт, мәрхәмәтлек, шәфкатьлелек кебек төшенчәләре турында сөйләштеләр, яхшылык һәрвакыт явызлыкны җиңә дигән нәтиҗәгә килделәр. Әлеге чарага китапханәдә «Чародей слова И.С. Аксаков» дигән күргәзмә дә эшләнгән иде.
Максабаш авыл китапханәсендә мәдәният йорты белән берлектә фельдшер катнашында "Сәламәт булуга ни җитә" исемле әңгәмә узды. Фельдшер балаларга файдалы продуктлар, спорт төрләре, шәхси гигиена турында мәгълүмат бирде. Шулай ук кеше тормышының кыйммәте турында һәм һәр кешенең сәламәтлеге үз кулында булуы турында сөйләде.