ЯҢАЛЫКЛАР
26 апрель Габдулла Тукайның тууына 135 ел тулу уңаеннан Максабаш авылы китапханәсе мәдәният йорты хезмәткәрләре белән берлектә балалар бакчасында “Без Тукай оныклары” дип аталган чара үткәрделәр. Шагыйрьнең иҗаты, тормыш юлы белән якыннан таныштылар, шигырьләре һәм әкиятләрен кычкырып укыдылар.
Теләче муниципаль район Советы һәм Башкарма комитеты исеменнән барыгызны да
1 май яз һәм хезмәт бәйрәмебелән тәбрик итәм. Яз һәм хезмәт бәйрәме кешелекнең иң мөһим кыйммәтләре - ирек, гаделлек, теләктәшлек сыйфатларын чагылдыра. Ул - изге эшләргә, хезмәт казанышларына рухландыручы бәйрәм. Ә хезмәт, мәгълүм булганча, төрле буын һәм төрле карашлы кешеләрне берләштерә.
Шәдке балалар бакчасында бик маур гына музей төзелде,без бүген балалар белән мүзейга экскурсиягә бардык.Балалар татар халыкының милли киемнәрен,элкеге көн-күреш әйберләрен, бүгенге көндә нинди техника алыштырганын күреп белделәр.Бишек җырлары җырлап бишектә яраткан курчакларында йоклаттылар.
Теләче авылындагы КФҮдә консультация пункты 2021 елның 29 апрелендә Татарстан Республикасы Дәүләт алкоголь инспекциясенең Арча территориаль органы хезмәткәре Дәүләт алкоголь инспекциясенең Теләче районы филиалында консультация пунктында кабул итте.
28 нче апрель көнне безнең мәктәп укучылары Мортазина Г(8 нче сыйныф), Зарипова Н. (9 нчы сыйныф), Инглиз теле укытучысы Хөсәенов З. З. җитәкчелегендә Яшел Үзән шәһәрендә У. Шекспир иҗатына багышланган "Мәңгелек тел" - "Eternal Language" дигән Республика лингвистик форумында катнаштылар. Мортазина Гөлфия "Тел табышмаклары" лексик-грамматик конкурсында җиңүче булды.Зарипова Нурзилә "Шекспирны укыйбыз"шигырь укучылар конкурсы номинациясендә призер булды.
Ятимлектә үсеп, бу дөньяда нибары 27 ел гомер яшәп, күп томлы мәңгелек әсәрләр иҗат итеп калдырган, исеме Пушкин белән янәшә куелырлык бөек шагыйре булган татар халкының тарихта үз урыны бар. Тукай иҗатында - аның шигырьләрендә, проза әсәрләрендә - бүгенге көннең күп сорауларына җавап табып була. Аның иҗаты безгә һәрчак якын. 26 апрельдә Алан авылы китапханәсендә мәдәният йорты белән берлектә шагыйрьнең иҗатына багышланган әдәби-музыкаль кичә үткәрелде. Чарада “Әллүки”балалар бакчасында тәрбияләнүче балалар һәм мәктәп укучылары катнашты.
27 апрель көнне безнең балалар бакчасының зурлар төркеме балалары, тәрбиячеләр белән берлектә, район туган якны өйрәнү музеенда булдылар. Музей директоры Фаягөл Имамиева нәни кунакларга бик сөенде. Экскурсия алдыннан ул балалар белән Г.Тукай иҗаты буенча әңгәмә үткәрде.
29 нче апрель көнне Теләче урта гомумбелем мәктәбендә Бөтенроссия тарихи акциясе “Җиңү диктанты ” үтәчәк. Бөтенроссия тарихи акциясе “Җиңү диктантында ” барлык теләгәннәр катнаша ала .Сез диктантпобеды.рф сайтында регистрация ясап , онлайн катнаша аласыз. Уңышлар телибез!
Россиядә 2021 елда Бөтендөнья хезмәтне саклау көне 28 апрельдә билгеләп үтелә һәм 19 нчы тапкыр уздырыла. РФ законнарында бу бәйрәм рәсми дәрәҗәдә беркетелмәгән. Бәйрәмнең максаты-производствода бәхетсезлек очракларын һәм авыруларны булдырмауга ярдәм итү. Россиядә хезмәтне саклау хезмәткәрләре һөнәри эшчәнлек куркынычсызлыгы буенча закон нормаларын гамәлгә кертә һәм контрольдә тота. Алар предприятие хезмәткәрләрен куркынычсызлык техникасы кагыйдәләренә өйрәтә, корылмалардан, җайланмалардан файдалануны һәм санитария-гигиена нормаларының үтәлешен күзәтә, шәхси саклану чаралары билгели. Шул уңайдан , бүген Баландыш төп мәктәбендә сыйныф сәгатьләре һәм хезмәтне саклау турында рәсем конкурсы уздырылды.
26 апрель көнне Казаклар авылы китапханәсендә бөек шагыйребез Габдулла Тукайның тууына 135 ел тулу уңаеннан “Тукай – бөек, кабатланмас шагыйрь” дип исемләнгән кичә үткәрелде. Кичә “Укып барган һәрбер юлым, һәрбер сүзем була минем юл күрсәтүче йолдызым” дип исемләнгән китап күргәзмәсенә күзәтү белән башланып китте. Укучылар Г. Тукайның иҗатына һәм тормыш юлына багышланган презентация белән таныштылар, әсәрләренә багышланган викторина сорауларына җавап бирделәр. Чара бөек шагыйребезнең “Туган тел” җыры белән тәмамланды.