ЯҢАЛЫКЛАР
28 январьда Теләче районы Югары Кибәхуҗа урта мәктәбенең барлык сыйныфларында "Юлларда сак бул" дигән тәрбия сәгатьләре үтте. Укучылар юл йөрү кагыйдәләрен искә төшерделәр, юл хәләкәтләренең килеп чыгу сәбәпләрен ачыкладылар, гомумән, юл йөрү кагыйдәләренең килеп чыгышы турында кызыклы мәгълүматлар алдылар.
2020 елның 28 гыйнвар көнендә Орымширмә авылында яшәүче тыл ветераны Салихова Зәйнәп Хафиз кызына 90 яшь тулды. Шул уңайдан Зәйнәп апага Теләче муниципаль районы башкарма комитеты җитәкчесе Нәҗип Хаҗипов, Россия Президенты Владимир Путинның тәбрикләмәсен, истәлекле буләк, чәчәк бәйләме тапшырды. Иске Җөри авыл җирлеге башлыгы да Зәйнәп апага шулай ук изге теләкләрен җиткерде.
Бүгенге рәсем шөгылендә зурлар төркеме балалары кышкы табигатьнең үзенчәлекле якларын кәгазьгә төшерделәр. Рәсем аркылы балалар кышкы табигатьнең матурлыгына ничек соклана белүләрен, күзәтүчәнлекләрен һәм кызыксынучанлык сыйфатларын чагылдырдылар.Рәсем аркылы алар сүзлек запасларын үстерделәр. Табышмаклар, шигырьләр өйрәнделәр. Бергәләп җырлы-уен "Кышкы урманга килдек" уенын уйнадылар.
23 январь көнне Олы Кибәхуҗа авылы клубында күренекле авылдашыбыз- РФАның мәртәбәле хезмәткәре, фәлсәфә фәннәре докторы, профессор Я.Г. Абдуллинның тууына 100 ел тулуга карата районкүләм чара үтте. Чарада якташыбызның тормыш юлы һәм фәнни хезмәтләре турында Кече Кибәхуҗа төп мәктәбенең татар теле һәм әдәбияты укытучысы Закирова Г.М. доклад белән чыгыш ясады. Укучылар һәм укытучылар коллективы концерт номерлары күрсәттеләр.
27 нче гыйнварда ГИБДД испекторы Р.Х. Назиров, юл йөрү кагыйдәләрен искә төшерү, юл һәлакәтләрен булдырмау максатыннан, Теләче урта мәктәбе башлангыч сыйныф укучылары белән очрашты. Р.Х. Назиров балаларга юл хәрәкәте кагыйдәләрен саклау, тәртип бозуларны булдырмау турында сөйләде. Очрашу бик файдалы булды.
24 январь көнне Кече Кибәхуҗа төп мәктәбендә “Бу- минем Ватаным” дигән тема астында, Бөек Җиңүнең 75еллыгына, ТАССР оешуның 100 еллыгына багышланган сәнгатьле уку конкурсы үтте. Конкурста укучыларыбыз күренекле язучыларның шигырьләрен һәм чәчмә әсәрләрен яттан укыдылар. 1 сыйныфтан Закиров Ф., 2 сыйныфтан Хуҗина Р., 4 сыйныфтан Мөхәмәтҗанова А. һәм Нигъмәтҗанова Р, 6 сыйныфтан Миннибаев Ә. җиңүче булды.
27 гыйнварда Россия Федерациясендә Россиянең Хәрби дан көне - Ленинград шәһәренең блокадасын өзү көне билгеләп үтелә. Ленинград блокадасы 1941 елның 8 сентябрендә башлана. 900 көн авырлыктан соң 1944 елның 27 гыйнвар көнендә Ленинград блокадасы өзелә. Шушы Ленинград блокадасын өзүдә катнашкан сугышчыларга Ленинградта һәйкәл куела. Шушы истәлекле көн уңаеннан «Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү бүлеге хезмәткәре Хөсәенова Л.З. балалар белән зур сугышның бары бер ноктасы - Ленинград блокадасы турында әңгәмә үткәрде.
2020 елның 28 гыйнварында «Батыр» спорт комплексы базасында «Инвалид, мөмкинлекләре чикләнгән балалар һәм аларның әти – әниләре өчен клуб» дип исемләнгән проект эшен башлап җибәрде. Бу проектта дәвалау физкультурасы буенча инвалид балалар белән тернәкләндерү дәресләре каралган.
Бүген, 28 гыйнвар көнне, Теләче 2 нче балалар бакчасында "Теләче-Арена" боз сарае җитәкчесе Галимов Н.М. белән берлектә хоккей буенча тренерлар булып китте. Алар балалар белән сәламәт яшәү рәвеше турында әңгәмә үткәрделәр һәм спортның мавыктыргыч төре- хоккей турында сөйләделәр. Әңгәмә ахырында тренерлар балаларны спорт белән шөгыльләнергә һәм "Теләче-Арена" боз сараенда эшләп килүче хоккей секциясенә язылырга чакырдылар.
76 ел элек, 1944 елның 27 гыйнварында, 872 көн дәвам иткән Ленинград блокадасы өзелә. Баландыш авыл китапханәсендә «Ленинград блокадасы балалары» дигән батырлык һәм патриотизм дәресенә башлангыч сыйныф укучылары чакырылды. Китапханәче сөйләвеннән балалар камалыш вакытында кешеләрнең ничек яшәгәнен, эшләгән һәм укыганнарын белделәр. Батырлык дәресе балалар алдында Ленинград һәм Бөек Ватан сугышы елларында совет халкының батырлыгының әһәмиятен ачып бирә, Бөек Ватан сугышының Азатлык сугышы булуын, патриотизм, үз ватаныңа мәхәббәт хисен тәрбияли, аны фашизмнан саклаучыларны хөрмәт итәргә өйрәтә.