ЯҢАЛЫКЛАР
Террорчылык гамәлләре күпләп кеше корбаннары китерә, матди, рухи кыйммәтләрне җимерә, дәүләтләр, халыклар арасында дошманлык чәчә һәм сугышлар китереп чыгара. Шушы проблемаларны булдырмау максатыннан, Күкчә авылы клубында китапханә белән берлектә «Терроризм проблема века» дип исемләнгән әңгәмә үткәрелде. Балалар “терроризм" төшенчәсе, теракт куркынычы туганда үз-үзләрен тоту кагыйдәләре белән таныштылар. Чарада катнашучылар әлеге әңгәмәдә толерантлык, шәфкатьлелек, Ватанга хөрмәт тәрбияләү һәм иң мөһиме – террорчылык проблемасын булдырмауны аңладылар.
Вакытлы матбугат уку – замана белән бергә атлау ул. Шул уңайдан 14 нче гыйнвар көнне Урта Мишә авыл китапханәсендә, клуб белән берлектә “Вакытлы матбугат - заман көзгесе” дигән мәгълүмат көне үтте. Максаты: газета – журнал материалларын укучыга җиткерү, кирәкле, файдалы мәгълүматларын тормышта файдалану. Вакытлы матбугатның җәмгыять тормышында тоткан урыны гаять зур. Вакытлы матбугат басмалары китап укучыларның күзаллауларын киңәйтә, кызыклы һәм мавыктыргыч ял тудыра, кешенең белемен үстерә, зәвыгын формалашыра. Китапханәдә киң даирә укучылар өчен газета – журналлардан күргәзмә оештырылды. Бу күргәзмәдә китап укучылар китапханәгә килүче вакытлы матбугат белән якыннан таныштылар.
Яшьләр уеннар уйнап, биеп күңел ачтылар. Кызыклы уеннар белән үрелеп барган күңелле кичә яшьләр күңеленә хуш килгәндер, чөнки алар бик теләп бәйрәм чарасында үзләре дә актив катнаштылар.
Ватанны саклау ул - күп буын сугышчыларының батырлыгы, ул намус, хәрби бурычка тугрылык, Ватанга карата ихлас мәхәббәтне белдерә.
Без авыр сынаулар вакытында Ватанга тугры булган һәм бүген аның чикләрен саклауда торган ир - егетләргә хөрмәтебезне белдерәбез.
Шул уңайдан китапханәдә "Ватанны саклаучылар елы" исемле күргәзмә куелды. Илләребез тыныч, күкләребез аяз, өстәлләребез түгәрәк һәм мөбарәк булсын, дуслар!
10 гыйнвар көнне Сауш авыл китапханәсендә халык язучысы, драматург, шагыйрь Нәкый Исәнбәтнең тууына 125 ел тулу уңаеннан "Әдип белән галим"темасы белән китап күргәзмәсе оештырылды. Нәкый Исәнбәт әдәби мәйданга иртә килә. Унбер яшендә ул мәдрәсәдәге иптәшләре арасында «шигырь чыгаручы” булып таныла, ә унбиш яшеннән матбугатта бастыра башлый. Аның беренче шигырьләре 1914 елда Казанда чыга торган «Ак юл» балалар журналында басыла. Аның "Уракчы кыз", "Бормалы су", "Гармунчы егет", "Син сазыңны уйнадың" шигырьләре җыр булып яңгырый. 3 томлык "Татар халык мәкәльләре" җыентыгы, "Татар халык табышмаклары" китабы безнең өчен мирас булып тора. Еллар узу белән аның татар халкы тарихында урыны тагы да үсәчәк кенә, чөнки ул үз халкына зур мирас калдырган язучыларның берсе.
Быел без Бөек Җиңүнең 80 еллыгын билгеләп үтәчәкбез. Шул уңайдан китапханәбездә «2025 ел – Ватанны сакоаучылар елы" дип исемләнгән тематик почмак ясалды. Күргәзмәгә геройлар, махсус хәрби операциядә катнашучылар хөрмәтенә, Ватаныбыз өчен төрле тарихи чорларда сугышкан ата-бабаларыбызның батырлыклары истәлегенә багышланган китаплар, фото альбомнарга урын бирелде. Китап укучылар әлеге күргәзмә белән ел дәвамында таныша алачак.
Бу карар Бөек Ватан сугышында Җиңүнең 80 еллыгын бәйрәм итү алдыннан аеруча әһәмиятле. Быелгы ел тарихның төрле чорларында Ватан өчен көрәшкән барлык кешеләрнең батырлыгына, шулай ук хәзерге геройларга – махсус хәрби операциядә катнашучыларга хөрмәт күрсәтү елы булачак
Шармаш авыл китапханәсендә 14 гыйнвар көнне «Мой дом родной и улица родная» исемле туган якны өйрәнү буенча китап күргәзмәсе оештырылды. Китапханә мөдире күргәзмәдә тәкъдим ителгән күптөрле китапларга күзәтү ясады, төбәгебезнең мәдәнияте тарихы, туган җиребезне данга күмгән күренекле якташларыбыз турында сөйләде. Укучы төрле басмаларда тамырлары чал борынгылыкка барып тоташкан традицияләр һәм төбәгебезнең истәлекле урыннары турындагы китаплар турында мәгълүмат табачак.
Яңа ел һәм Раштуа көннәрендә балаларның һәм яшүсмерләрнең ялын оештыру максатларында, «Пушкин картасы» бөтенроссия проектын гамәлгә ашыру кысаларында, 2025 елның 13 гыйнварында Абде авыл китапханәсендә «Кышкы бәйрәм вакыты» дигән чара узды
2025 нче елның 10 нчы гыйнварыннан 13 нче гыйнварына кадәр Теләче муниципаль районы укучылары Иске Җөри урта мәктәбенең инглиз теле укытучысы Хөсәенов Зиннур Зөфәр улы җитәкчелегендә инглиз теле буенча «Олимпка юл» республика олимпиадасының йомгаклау этабында катнаштылар.