ЯҢАЛЫКЛАР

     2025 елның 16 гыйнварында Теләче районының МБГУ «Ф.Хөсни исемендәге Олы Мәтәскә урта гомуми белем бирү мәктәбе»ендә «Кар чанасы» темасына «Куркынычсызлык дәресе» үткәрелде. Анда ТРның Теләче районы буенча Дәүләт техника күзәтчелеге бүлеге баш дәүләт инженеры-инспекторы Баев Ильфар Робертович тарафыннан квадроцикллар, кар чаналары белән идарә иткән вакытта юл һәлакәтләренә китерергә мөмкинлеге, шулай ук куркынычсызлык чаралар турында дәрес үткәрде. Әңгәмә барышында кар чанасын куллану өчен аларны теркәү, йөртү таныклыгына укыту һәм җәза чаралары, шулай ук соңгы елларда Татарстан Республикасында кар чаналары катнашындагы һәлакәтләр статистикасы турында сүз барды, кызыксындырган сорауларга җаваплар бирелде.

Украинада свода катнашучы Россия хәрби хезмәткәрләренә ярдәм йөзеннән авыл китапханәсе «Без бөтен дөньяда тынычлык өчен!» Чарада безнең солдатларның батырлыгы һәм каһарманлыгы турында сөйләнелде. Укучылар хәрби бурыч, Ватан хакына хезмәт итү һәм төрле сугыш елларында солдатларыбызның батырлыгы турында сөйләделәр. Рус халкы һәрвакыт үз Ватанының патриоты булды. Китапханәче чарада катнашучыларга Украинадагы СВО да катнашучы якташ солдатларыбызның батырлыклары турында сөйләде. Чын геройлар янәшә яши, батырлык һәм Ватанга мәхәббәт — патриот һәм Россиянең чын гражданины сыйфатлары.

15 нче гыйнвар көнне Субаш авыл китапханәсендә клуб белән берлектә Татарстанның халык артисткасы, авылдашыбыз Анастасия Васильева (Нәфисә Василова)ның туган көне уңаеннан,  "Җырланмаган җырым" дип исемләнгән әдәби сәгать үткәрелде. Н. Василова репертуарындагы жырлар тыңланды, аның туганнары белән авылда туып үскән, яшәгән вакыттагы хатирәләре яңартылды, күргәзмәгә күзәтү ясалды. Нәфисә Василовага багышлап альбом эшләнеп куелды.

Календарьда кызыл төс белән билгеләнмәсә дә, халык мәш килеп көтә бу көнне. Шул уңайдан 13 гыйнвар көнне Субаш авыл клубында клуб мөдире һәм китапханәче, авыл халкы белән берлектә Иске Яңа елны каршы алдылар. Яңа елда яңа теләкләр теләштеләр, чыршы тирәли җырлар җырланды, матур шигырьләр сөйләнелде. Шулай матур итеп күңел ачканнан соң, мул өстәл артында Иске Яңа елны каршы алдык.

2025 елның 27 гыйнварында рус сатирик язучысы – Михаил Евграфович Салтыков - Щедринның тууына 199 ел була. Әдип үзенең әкиятләре ярдәмендә халыкның дошманы булган - самодержавиегә һөҗүм ясый, Россиядәге тормышның кимчелекләрен һәм караңгы якларыннан көлә. Михаил Евграфович Салтыков-Щедрин - бөек рус язучысы, «История одного города», «Мелочи жизни», «Господа Головлевы», «Премудрый пескарь», «Дикий помещик» кебек атаклы әсәрләрнең авторы. Аның прозасы - дөнья сатирасының иң кыйммәтле үрнәкләренең берсе.

15 гыйнвар көнне Сауш авыл китапханәсендә "Ак калфак" клубы әгъзалары катнашында татар язучысы Мәхмүт Максудның тууына 125 ел тулу уңаеннан "Якташ язучыбыз" дигән темага әдәби сәгать үткәрелде. Кичәдә катнашучылар язучының тормышы һәм иҗаты белән таныштырылдылар. Китапханәче  китап укучыларны язучының әсәрләренә күзәтү үткәреп,  өзекләр дә укыды. Катнашучы китап укучылар үз фикерләрен уртаклаштылар, М. Максудның китапларын укырга өйләренә дә алдылар.

Шул уңайдан 9 гыйнвар көнне Сауш авыл китапханәсендә “Бөек һәм мәңгелек батырлык”темасына китап күргәзмәсе оештырылды, ул ел дәвамында укучыларга тәкъдим ителәчәк. Андагы китаплар сугышның кырыс чоры вакыйгаларын ачып бирәләр, үз көчләрен һәм гомерләрен кызганмыйча, каты сугышларда дошманны җиңгән, Ватаныбызның азатлыгын һәм бәйсезлеген яклаган, башка халыкларга фашист золымын котылырга ярдәм иткән кешеләр турында сөйлиләр. Танылган авторларның китапларын уку Бөек Ватан сугышы вакыйгаларын һәм җиңүнең бәясен аңларга ярдәм итәчәк.

Кышкы вакыт-күңелле бәйрәмнәр, таудан шаулап шуу, кар атышу гына түгел, ә көчле җил белән каты салкыннар да. Кышлаучы кошлар өчен бу иң авыр вакыт.

Бу көн кышкы спорт төрләренә һәм ачык һавада актив ял итүгә багышлана. Бөтендөнья кар көне-барлык кышкы спорт һәм ачык ял яратучылар өчен дуслары һәм якыннары белән очрашу, тәҗрибәләре белән уртаклашу һәм кышкы атмосфера белән ләззәтләнү өчен искиткеч сәбәп. Бүген Теләче 3нче номерлы балалар бакчасында күңелле булды, "Алдынгылар Хәрәкәте" вариатив компонентын тормышка ашыру кысаларында, мәктәпкә әзерлек төркеменә йөрүче балалар «Бөтендөнья кар көнен»дә катнаштылар.   

Бу дата уңаеннан Теләче үзәк китапханәсендә язучы Шәйхи Маннурның тууына 120 ел тулу уңаеннан китап күргәзмәсе оештырылды, анда авторның әсәрләре тәкъдим ителде. Ш. Маннурның мирасы чыннан да зур һәм күптөрле. Әдип исән чагында ук аның кырыкка якын китабы басылып чыга, шул исәптән балалар өчен махсус билгеләнгән әсәрләре дә.