Муниципаль районнар Теләче муниципаль районы

ЯҢАЛЫКЛАР

октябрь, 2015 ел

пәнҗешәмбе

Күкчә авылы китапханәсендә “Табигатътән илһам алдык” дип исемләнгән китап күргәзмәсе эшләнде.

Күргәзмәгә В.Бианки, Е.Чарушин, Н.Сладковның хикәяләре, әкиятләре куелды. Язучыларның әсәрләре укучыларда табигатькә карата мәхәббәт тәрбиялиләр, табигатьнең язучы күзе генә күрә алган, язучы каләме генә сурәтли алган матурлыгын укучыгы җиткерәләр.

27 октябрь көнне Югары Кибәхуҗа мәдәният йорты каршында оешкан “Балачак” курчак театр-студиясенең яшь артистлары авыл китапханәсенә экскурсия оештырдылар.

Алар китапханә фондында сакланучы балалар өчен драма әсәрләре белән таныштылар.

Бүлмә гөлләрен тәрбиялибез.

Балаларыбыз кызыксынып бүлмәбездә үсүче гөлләрне тәрбияләргә яраталар. Су сибү, яфракларындагы тузаннарны сөртү, төпләрен йомшартуны балаларыбыз бик теләп башкаралар. Бүлмә гөлләрен тәрбияләп тору балаларда тәбигаткә сакчыл караш тәрбияли, мәхәббәт уята, балаларның бүлмә гөлләренә карата кызыксынучанлыкларын арттыра. Тәрбияче балалар бакчасында үсүче гөлләрне дөрес сайларга тиеш.

“Мин урамда югалсам...” темасына шөгыль үткәрелде.

2 нче номерлы Теләче балалар бакчасының мәктәпкә әзерлек төркеме балалары белән тормыш иминлеге нигезләре кагыйдәләрен ныгыту максатыннан , югалган очракта нәрсә эшләргә кирәклеген белү өчен, “Мин урамда югалсам...” темасына шөгыль үткәрелде.

Балалар үзләренең өй адресларын, телефоннарын, әти-әниләренең исем-фамилияләрен искә төшерделәр һәм югалган очракта кемгә мөрәҗәгать итәргә кирәклеген өйрәнделәр. Шөгыльнең икенче өлешендә һәр бала да үз өйләре рәсемен бик теләп ясады.

Шөгыль булачак укучылар өчен бик файдалы үтте.

Төрек – Тәмте авыл китапханәсендә ”Яңа китап – яңа дус” дигән исем астында балалар белән сәяхәт - дәрес оештырылды.

Балалар яңа кайткан китаплар белән таныштылар. Үзләренә охшаган китапларны укырга алдылар. Мондый дәрес балаларда китапка карата җылы караш тәрбияли, китапны ярату хисе уята, укучыларны китапханәгә күбрәк тарта.

Сәламәтлек турында кайгырту – тәрбия эшенең гаять әһәмиятле өлеше.

Яшьләрнең шат күңелле, тормыш сөючән булуы аның рухи тормышына, дөньяга карашына көчле йогынты ясый, акыл үсешенә уңай тәэсир итә, үз көченә ышаныч тудыра!

Олы Мәтәскә авылы мәдәният йортында китапханәче белән берлектә, башлангыч сыйныф укучылары өчен Фатих Хөсни музеена экскурсия үткәрелде.

Музейда алар Фатих Хөснинең тормыш юлы һәм аның иҗаты белән таныштылар. Бөек язучыбызга язылган хатлар укучыларда аеруча да зур кызыксыну уятты.

26 нчы октябрь көнне Кече Нырсы башлангыч мәктәбендә “Укучының мәдәни көндәлеге” дигән темага класс сәгате үткәрелде.

Дәрес барышында “Укучының мәдәни көндәлеге”н карадык һәм ул укучыга бик ошады. Бу көндәлек синең хәтереңдә бик күп мавыктыргыч сәяхәтләрне, хәтирәләрне, чараларны истә калдырырга ярдәм итәр. Дәресләрдә алган тәҗрибә, белем сиңа музыка, театр, сәнгать дөньясына керергә булышыр.

ЯРАТКАН МУЛЬТФИЛЬМНАР.

Татар мультфильмнары милли мәдәният усешен заманча чагылдыручы анимацион форма булып торалар. Бу мультфильмнар балаларга туган (татар) телен, татар халкының мәдәниятен, рәсем сәнгатен һәм иң яхшы татар язучыларның әсәрләрен тирәнрәк аңларга ярдәм итәләр. Мультфильмнар шулай ук туган (татар) телен өйрәнүдә дә зур ярдәмлек булып торалар. Шуңа күрә балалар бакчасында даими рәвештә балалар белән татарча мультфильмнар карыйлар. Бүген Үзәк балалар бакчасында татарчага тәрҗемә ителгән "Арслан баласы һәм Ташбака" дигән мультфильмны балалар бик кызыксынып карадылар.

Балалар бакчасында хезмәт тәрбиясе бирүнең әһәмиятле ягы бар: хезмәт белән шөгыльләнү баланы мәктәпкә тәрбияләргә ярдәм итә.

Кече яшьтән үк хезмәт тәрбиясе алган балалар мәктәптә дә мөстәкыйль, оешкан, актив, пөхтә һәм үзләренә хезмәт күрсәтә белүләре белән аерылып торалар. А.С.Макаренко әйтүенчә, хезмәт дөрес оештырылганда бала шатлык хисләре кичерә, хезмәтнең тәмен тоя. Шуңа күрә үзебезнең Теләченең беренче номерлы балалар бакчасында моңа бик нык әһәмият бирәбез. Хезмәт эшчәнлеген рациональ оештыру максатыннан, группада нәниләр белән төрле почмакларда сюжетлы-рольле уеннар уйныйбыз, курчакларның күлмәкләрен, кирәк-яракларын һәм уенчыкларны юабыз, өлкәннәрнең эшен күзәтү масатыннын экскурсияләргә йөрибез.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ