Муниципаль районнар Теләче муниципаль районы

ЯҢАЛЫКЛАР

октябрь, 2015 ел

чәршәмбе

22 – 24 октябрь көннәрендә Казан шәһәренең “Ак Барс” көрәш сараенда Авыл хуҗалыгы һәм азык-төлек министрлыгы призына татарча көрәш ярышлары булып узды.

Әлеге ярышларга Телэче муниципаль районы 2 команда куйды. Гомуми нәтиҗәлэр буенча “Теләче” командасы II, “Сот иле” командасы 17 урынны яулады.

Укыту процессы педагог – психологларның ярдәменә мохтаҗ.

Шул уңайдан, Олы Мишә урта мәктәбендә педагог – психолог унөч яше тулган укучыларга шәхси психологик тест үткәрде. Киләчәктә аның нәтиҗәләрен укучы шәхесен үстерүдә, фәннәрне уңышлы үзләштерүдә кулланырбыз.

28 нче октябрь көнне районыбызда Татарстан Республикасы Дәуләт Советының инвестицияләр, икүтисад һәм эшмәкәрлек буенча Комитет әгъзалары булып киттеләр.

Алар “Теләче” икътисад Паркы эшчәнлеге белән таныштылар. Соңыннан Теләче муниципаль район хакимиятенең утырышлар залында “Җирле товар җитештерүчеләр, шул исәптән кече һәм урта эшмәкәрлек субъектларына дәүләт ярдәме күрсәтү” дигән темага “Түгәрәк өстәл” узды. Утырышны комитет рәисе Борһанов Рафис Тимерханович алып барды.

22-25 октябрь көннәрендә Биектау районында « Байтик» с әламәтләндерү үзәгендә чираттагы республикакүләм ярыш узды. «ФОРПОСТ» җәмәгать тәртибен саклау оешмасы инициативасы белән узучы спартакиада 15 нче тапкыр үтте.

Барлык уен нәтиҗәләре буенча Теләче командасы өченче урынга лаек булды. Чара ахырында командага Мактау грамотасы,җылыткыч мич бүләк ителде.

2015 елның 30-31 октябрь көннәрендә республикада елдагыча яшь авыл хуҗалыгы белгечләре арасында конкурс уздырыла.

Конкурсның максаты булып авыл хуҗалыгында эшләүнең данын күтәрү һәм авыл хуҗалыгында эшләүчеләрнең һөнәрлеген арттыру тора.

Бу конкурста безнең район хуҗалыкларныннан 8 белгече катнашачак.

Конкурс нәтиҗәләре 31 октябрь көнне билгеле булачак.

октябрь, 2015 ел

сишәмбе

27 нче октябрь көнне 07.00 сәгатьтә район хакимиятенең утырышлар залында өченче чакырылыш Теләче муниципаль район Советының чираттагы өченче утырышы узды.

Утырышның көн тәртибендә 9 мәсьәлә каралды.

Утырышта Теләче муниципаль районы Башкарма комитетының финанс - бюджет рәисе Р.Р Яхин, муниципаль район Башлыгы урынбасары Фатхуллин А.Г., Башкарма комитетының җир һәм мөлкәти мөнәсәбәтләр палатасы рәисе Н.М. Сөнгатуллин, Теләче муниципаль районы Башлыгының коррупциягә каршы мәсьәләләр буенча ярдәмчесе Шиһабетдинова Ч.И., Теләче муниципаль районы Башкарма комитетының юридик бүлек җитәкчесе Емельянов Ю.И., район Башкарма комитетының инфраструктур үсеш буенча бүлек җитәкчесе Ф.С. Вәлиев –ләр чыгыш ясадылар, алар буенча тиешле карарлар кабул ителде.

24 октябрь көнне Лесной авылы клубында «Игътибарлы булыйк» дип аталган чара уздырылды.

Чарада җылы якка китүче кошлар һәм туган якларында кала торган кошлар турында сөләштеләр. Кышка кала торган кошларга ярдәм итү йөзеннән балалар белән оялар, кормушкалар ясадык. Балаларга уздырылган чара бик ошады.

23 октябрь көнне Шәтке авылы мәдәният йортында узган “Авыл хуҗалыгы хезмәткәрләре” көне уңаеннан авыл халкына концерт куелды.

Айдар мәдәният йортында эшләп килүче "Оста куллар" берләшмәсенә йөрүчеләрнең теләкләре зур.

Бәйләргә яратучылар үзләренең осталыкларын гына түгел, ә башкалардан да үзенчәлекле бәйләү алымнарын өйрәнәләр, бергәләшеп аралашу да җаннарына тынычлык өсти. Крючоклар белән бәйләү,бисерлар кулланып эшләү кебек биремнәрне дә теләп башкаралар, үрнәкләрен өйрәнәләр. Уздырылган бәйрәм чараларында бәйләнгән эшләрдән күргәзмәләрдә катнашып киләләр.

2015 ел - Россиядә әдәбият елы дип игълан ителде.

Шул уңайдан Олы Мәтәскә авыл китапханәсендә мәдәни чаралар һәрвакыт үткәрелеп тора. 11 апрель көнне “Шушы яктан, шушы туфрактан без”дип исемләнгән авылыбызның каләм тибрәтүчеләре белән бик матур әдәби-музыкаль кичә үткән иде. 25 октябрь көнне шушы ук исем белән күргәзмә эшләнде. Күргәзмә авылыбызның каләм осталарына багышланды. Алар төрле җирләрдә яшәп иҗат итсәләр дә, бу күргәзмә аларны берләштерде. Күргәзмәгә барысының да иҗат җимешләре: китаплары, папкалары, альбомнары куелды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ