ЯҢАЛЫКЛАР

29
сентябрь, 2015 ел
сишәмбе
22 сентябрь көнне Олы Нырсы авыл китапханәчесе Сафина Фәния балалар бакчасына йөрүче нәниләргә китап дөньясына сәяхәт оештырды.
Балалар китапларны зур кызыксыну белән карадылар. Китапханәче китаплар буенча күзәтүләр уткәрде, кызыклы әкият һәм шигырьләрне кычкырып укып та күрсәтте.  Балалар бу очрашудан  канәгатъ калдылар.
22 сентябрь көнне Урта Мишә авыл китапханәсендә “Урман һәм Кеше” исемле экологик сәгате узды.
Китапханәче Мухаметшина Г.И. “Урман –безнең байлыгыбыз” исемле китап күргәзмәсенә күзәтү ясады. Урмандагы табигать бердәмлеге, урман төрләре, агачлар, гөмбәләр, кошлар, җәнлекләр турында сөйләнде. Кичә “Урман зур байлык” презентациясе белән үрелеп алып барылды. Укучылар урманда үзләрен тоту кагыйдәләрен искә төшерделәр.  
"Әкият иленең тылсымлы серләре"

Шәтке авылы китапханәсендә 19 сентябрь көнне "Кояшкай" берләшмәсенә йөрүче балалар белән  "Әкият иленең тылсымлы серләре" дип исемләнгән әдәби дәрес үткәрелде.  Әлеге дәрестә балалар  укыган әкиятләрен сөйләделәр. Аерым геройларга анализлар ясалды.
21 сентябрь көнне Әбде авыл китапханәсендә “Серләр тулы урманга сәяхәт” дип аталган экологик уен уздырылды.
Уенда катнашучыларга кызыклы сораулар, табышмаклар тәкъдим ителде. Балалар Кызыл китап белән таныштылар. Уен барышында балалар урман тормышы, анда яшәүче җәнлекләр турында мәгълүмат алдылар һәм урманда, табигатьтә үз –үзеңне тоту кагыйдәләрен өйрәнделәр.
Егерменче йөзнең икенче яртысындагы татар әдәбиятын Татарстанның халык язучысы Гариф Ахунов иҗатыннан башка күз алдына китереп булмый.
Китап укучыларга ул прозаик буларак кына түгел, журналист, әдәби тәнкыйтьче, тәрҗемәче, драма әсәрләре авторы буларак та билгеле.   17, 18 сентябрь  көннәрендә Олы Мәтәскә, Иске Җөри, Айдар, Олы Мишә,  Урта Мишә авылы китапханәләрендә һәм Теләче җирлекара китапханәсендә бөек әдипнең тууына 90 ел тулуга багышланган күргәзмәләр эшләнде. 
«Терроризм – угроза обществу!»

17 сентябрь көнне Максабаш авылы китапханәсендә «Терроризм – угроза обществу!»  дигән почмак эшләнде. Анда буклет, брошюралар куелды. Монда кеше күп йөри торган җирләрдә шикле пакет - сумкалар күргән очракларда үзеңне ничек тотарга кирәклеге турында мәгълүмат бирелгән, шалтырату өчен телефон номеры да күрсәтелгән. 
"Сәламәт булып үсәбез"
17 сентябрь көнне Ю.Кибәхуҗа авыл китапханәсе мәдәният хезмәткәре  белән берлектә "Сәламәт булып үсәбез" күңелле стартлар уены уздырды. Ярышлар башланыр алдыннан китапханәче "Халык һәм спорт уеннары " китабына күзәтү ясады, балаларны уеннар тәртибе белән таныштырды.
“Экстремизмга - юк”

18 сентябрь көнне “Экстремизмга - юк” айлыгы кысаларында Максабаш  авыл мәдәният йорты хезмәткәрләре тарафыннан  “Халыклар дуслыгы яклы без. Көч куллануга каршы без” дигән темага рәсем конкурсы үткәрелде. Башта “Сак бул, экстремизм” темасына әңгәмә оештырылды. Барыбызның да теләгебез бер: халыклар дус яшәсен, дөньялар тыныч булсын. Конкурска нәтиҗә ясалды, бүләкләр тапшырылды.
«Добро пожаловать в Хранилище добра и знаний!».
23 сентябрь көнне Теләче Үзәк балалар китапханәсендә беренче сыйныф укучылары белән “Добро пожаловать в Хранилище добра и знаний!” экскурсия булып үтте. Балалар өчен китаплар йортына мавыктыргыч сәяхәт әзерләнде, китапханә, китапка сакчыл караш төшенчәләренең мәгънәсе аңлатылды, әбүнә һәм уку залы ни өчен кирәк, киштәдән кирәкле китапны ничек эзләп табарга, китапханәнең куллану кагыйдәләре белән таныштырылды.
«Библиотека, книжка, я – вместе верные друзья».
2015 елның 21 сентябренда  Теләче Үзәк балалар китапханәсендә мәктәпкәчә яшьтәге балалар өчен “Библиотека, книжка, я – вместе верные друзья” дип исемләнгән экскурсия үткәрелде. Теләченең 3 нче номерлы балалар бакчасының мәктәпкә хәзерлек төркеменә йөрүче балалар китаплар, журналлар һәм китапханә кагыйдәләре белән танышу максатыннан безнең китапханәгә килделәр. Алар зур кызыксыну белән балалар өчен булган китапларны, газеталарны һәм журналларны карадылар. Китапханә хезмәткәрләре нәниләр өчен танып белүгә корылган әңгәмә һәм бизәкле китаплар һәм журналлардан торган күргәзмә әзерләделәр. Ахырдан истәлек өчен фотога төшелде.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International