ЯҢАЛЫКЛАР

5
март, 2015 ел
пәнҗешәмбе
3 нче март көнне Олы Нырсы мәктәбендә 1 нче сыйныф укучыларының “Әлифба” бәйрәме булды.
Бәйрәмгә әкият геройлары төрле бирем һәм уеннар алып килделәр. Беренче сыйныф укучылары үзләренең тапкырлыкларын, күп нәрсәгә өйрәнгәнлекләрен күрсәттеләр. Бәйрәмгә шулай ук  4 нче сыйныф укучылары да килделәр. Алар нәни дусларына бүләкләр алып килделәр һәм бәйрәм белән котладылар.
Ветераннарга медаль тапшыру тантанасы үткәрелде.
Бөек Җиңүнең 70 еллыгы якынлашу уңаеннан 4 март көнне Айдар башлангыч мәктәбендә ветераннарга медаль тапшыру тантанасы үткәрелде. Район башлыгы урынбасары Фәтхуллин А.Г ветераннарга Бөек Җиңүнең 70 еллыгы медальләрен тапшырды. 
4 март көнне Иске Җөри авылы китапханәчесе Гильмутдинова Р. мәдәният йорты директоры Зиннатуллина Л. белән берлектә күмәк чана шуу ярышы уздырдылар.
«Иӊ тиз шуучылар» булып Гарифуллина Сөмбел һәм Муртазина Руфия, «Иӊ ерак шуучылар булып» Гильмутдинов Ә, Вахитов Рәмис һәм Зарипова  Камиләләр танылды. «Иӊ нәни шуучы» Гильмутдинова Әминә булды.  Әлеге ярыш «Кышкы һава-тәнгә дәва» девизы астында үткәрелде.
4 март көнне Олы Мишә авыл китапханәсендә авылдашыбыз, язучы, прозаик Рашат Низамиевныӊ 65 яшьлек юбилее уӊаеннан «Авылыбызның йөзек кашы» дип исемләнгән китап күргәзмәсенә куелган китапларына күзәтү үткәрелде.
Китапханәче Газизова Р.Ш укучыларны язучының тормыш юлы һәм иҗаты белән таныштырды. Укучылар бик теләп аның китапларын өйгә яздырып алып киттеләр.
Балалар иҗат үзәге администрациясе бу көннәрдә Бөек Ватан сугышына багышланган вертуаль музейдагы “Җиңүнең бөек исемнәре” дип исемләнгән бит өчен фотосурәтләр һәм материаллар җыю белән мәшгуль.
Районыбызда 17 исән ветеран бар. Һәрбер сугыш ветеранына барып аның хәзерге һәм элеккеге фотосурәтләре, кирәкле мәгълүматлар тупланды. Хәзерге вакытта җыелган мәгълүматларны эшкәртү өстендә эшлибез.
3 мартта Алан урта гомумбелем бирү мәктәбенең укытучылары сугыш ветераны Бари Галиевның өенә бардылар.
Үткәннәрне барлап, ветеран узган сугыш юлларын  искә алып озак сөйләштеләр. Хәзерге вакытта Алан авыл җирлегендә ике сугыш ветераны гына исән-сау. Без аларга сәламәтлек, озын гомер телибез. Рәхмәт сезгә, Ветераннар!
Шәтке авылы мәдәният йортында "Уйнагыз гармуннар" дигән кичә үткәрелде.

Әлеге кичәдә авылыбызда яшәүче 8 гармунчы катнашты. Кичә җыр - биюләр белән үрелеп барды.  Бу биюләрне берләшмәләргә йөрүче кызлар башкарды. Кичәдә җырларның күбесе гармунга башкарылды. 

 

 
Олы Мишә авылы мәдәният йортында вокал һәм хореография буенча эшли торган берләшмәләр эше дәвам итә.
Балалар бу түгәрәктә теләп һәм актив катнашалар. Берләшмәләрдә өйрәнгән һөнәрләрен алар мәдәният йортында уздырылган чараларда күрсәтәләр. Алар катнашкан соңгы чара “Сөт иле” Агрофирмасының отчет җыелышында  булды.
Казаклар авыл клубында даими рәвештә календарь бәйрәмнәр үткәрелеп тора.

Һәр кичә сценарий ярдәмендә сәхнәгэ куела. Төзегән һәр сценарий папкаларга туплана һәм методик бүлмәдә билгеле бер урынга урнаштырылып барыла.

 

 
4
март, 2015 ел
чәршәмбе
БӨЕК ҖИҢҮНЕҢ 70 ЕЛЛЫГЫНА БАГЫШЛАП.

3 март көнне Үзәк балалар бакчасының  уртанчылар һәм икенче төркеме балалары Үзәк урта мәктәбе музеена бардылар.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International