ЯҢАЛЫКЛАР
2026 нче елның 11 нче гыйнварыннан 14 нче гыйнварына кадәр Теләче муниципаль районы укучылары Иске Җөри урта мәктәбенең укытучысы Хөсәенов Зиннур Зөфәр улы җитәкчелегендә инглиз теле буенча «Олимпка юл» дип исемләнгән республика олимпиадасының йомгаклау этабында катнаштылар.
Теләче үзәк китапханәсе #"ТукайныБергәләпУкыйбыз" республикакүләм проектына кушылды. 15 гыйнвар көнне Габдулла Тукайның “Ай һәм Кояш” шигыре укылды. Әйе, бергәләшеп Тукай шигырьләрен укуыбыз, "Туган тел" җыры белән тәмамлануы - туган телебезне һәм бай мәдәниятебезне саклауга булган тугрылыгыбызның ачык дәлиле.
Күргәзмәдә дөрес туклану, спорт белән шөгыльләнү, гигиена кагыйдәләрен үтәү һәм авыруларны профилактикалау турында китаплар тәкъдим ителде. Үсмерләр үз сәламәтлекләрен саклау һәм ныгыту турында күп файдалы мәгълүмат алдылар. Балалар өчен шулай ук уен да үткәрелде. Әлеге чара үсмерләрне яңа белемнәр белән баетып кына калмады, ә сәламәт яшәү рәвешен алып барырга да этәргеч бирде. Китапханәче алынган белемнәр яшь укучылар арасында дөрес тормыш рәвеше сайлау өчен стимул булыр дип өметләнә.
Кышкы табигать матурлыгыннан ләззәтләнеп, аңа композиторлар, рәссамнар, язучылар һәм шагыйрьләр мәдхия җырлыйлар. Айдар авылы мәдәният хезмәткәрләре укучыларга күңел җылысын бүләк итү өчен кыш турында иң матур һәм илһамландыргыч шигырьләр җыйды. Яңа ел бәйрәме көннәрендә, 9 гыйнвар көнне Айдар авыл китапханәсендә «Яңа ел шигырьләре кәрҗине» дип исемләнгән әдәби-шигъри марафон үткәрелде. Бу көнне марафонда катнашучылар Яңа ел, кыш турындагы матур шигырьләрне укыдылар.
Кышкы табигать үзенчәлекле, бөтен дөньяда матурлык, аклык, сихри тынлык хөкем сөрә, агачлар бәс белән каплана.
8 гыйнвар көнне Айдар авыл китапханәсендә "Кышкы әкият ясыйбыз" исемле иҗат сәгате үткәрелде. Чарада катнашучылар елның бик матур вакыты - кыш иленә кунакка килделәр! Китапханәче белән бергә балалар кыш һәм Яңа ел бәйрәмнәре турында иң яхшы әсәрләрне искә төшерделәр: П.Бажовның "Көмеш тояк", Э. Успенскийның "Простоквашинода Кыш", Г. Х. Андерсенның «Кар патшабикәсе», рус халык әкиятләре "Морозко", "Кар кызы", "По щучьему велению" һәм башкалар. Аннары иҗат белән шөгыльләнделәр: балалар рәсемнәрдә кышкы табигатьне, йомшак кар көртләрен, кар бабайны, чыршыны сурәтләделәр. Һәрбер рәсемдә табигатькә һәм туган якка мәхәббәт сизелә. Чарадан соң кыш турындагы күп кенә әкиятләр үз укучыларын тапты.
6 гыйнвар көнне Сауш авыл китапханәсендә "Ак калфак" берләшмәсе активлары катнашында Татарстан Республикасының күренекле халык язучысы, Г.Тукай исемендәге Дәүләт премиясе лауреаты Г.Бәшировның тууына 125 ел тулуга багышлап "Туган як һәм гүзәллек җырчысы" дигән әдәби кичә үткәрелде. Чарада катнашучылар язучының биографиясе, беренче хикәяләре – туган җир темасын чагылдырган беренче "Яңа сугыш" китабы белән таныштылар. Шулай ук "Туган ягым – яшел бишегем" повестеннан өзекләр дә укылды. Анда әдип милли гореф-гадәтләрне бик яхшы итеп тасвирлый. Китапханәдә Г.Бәширов иҗаты буенча китап күргәзмәсе куелып, язучының иҗатына күзәтү дә үткәрелде.
9 гыйнвар көнне Теләче балалар китапханәсе хезмәткәрләре балалар өчен «Яраткан китапларыбыз шатлык бүләк итә» дип исемләнгән кычкырып китап уку сәгате оештырдылар. Чарага кече яшьтәге мәктәп укучылары чакырылган иде. Башта китапханәче укуның файдасы, китапларның тәрбияви роле, фикерләү сәләтен үстерүе турында сөйләде. Балалар китапханәченең: Ни өчен китап укырга кирәк? Китап уку нәрсә бирә? Ни өчен мөмкин кадәр күбрәк кычкырып укырга кирәк? кебек сорауларына җавап бирделәр. Уку фикерләрне җиңел һәм төгәл итеп әйтеп бирергә мөмкинлек бирә, сүзлек запасын арттыра, дикцияне яхшырта. Шуңа күрә даими рәвештә кычкырып уку матур һәм грамоталы сөйләшергә өйрәтә. Китапханәдән кулланучы балалар Н. Носовның «Мишкина каша», В.Ю. Драгунскийның «Денискины рассказы» әсәрләрендәге геройларның күңелле маҗаралары турында өзекләр укыдылар. Шулай ук, «Яраткан китаплар патшалыгына сәяхәт» дип исемләнгән китап күргәзмәсе төзелде.
Табигатьнең могҗизалары күп. Шуларның берсе-ел фасылларының үзенчә матур һәм кызыклы алмашынуы. Һәр сезонның үз сере, табышмагы, әкияте. Елның иң матур чоры - кыш – Кыш безгә күпме шатлыклы мизгелләр бүләк итә – санап бетерерлек түгел! Карда уйнау, таудан чанада шуу, кар бабайлар ясау һәм, ниһаять, кыш темасына язылган әкиятләр уку! Балалар өчен үткәрелгән әлеге чарада кыш, Яңа ел, кар, буран турында табышмаклар әйтелде. Чарада катнашучылар иң элек кышкы әкиятләр буенча мультфильм карадылар, аннан «Морозко», «Мороз Иванович», «Госпожа Метелица» әкиятләренең геройларын таныдылар, шигырьләр һәм җырларны искә төшерделәр. Барлык сорауларга да дөрес җавап биргән өчен татлы призлар өләшенде. Чара азагында балалар «Карлы–кышның назлы әкияте» китап күргәзмәсендәге әле бер дә укымаган «кышкы» әкиятләр белән таныштылар һәм үзләренә ошаган китапларны өйләренә укырга алдылар.
Балаларның ялын кызыклы, белемле һәм күңелле итү уңаеннан 5 гыйнвар көнне Айдар авыл китапханәсендә «Яңа ел китап карнавалы» исемле күңелле китаплар уку сәгате үткәрелде. Әлеге чараның максаты балаларны интернеттан читкә юнәлтү һәм бер-берсе белән аралашырга мөмкинлек бирү, китап белән аралашуның мөһимлеген һәм кирәклеген күрсәтү, шулай ук китап уку теләген стимуллаштыру һәм китап төрлелеге турында дөньяга карашны киңәйтү. Чарада катнашучылар үзләре яраткан китапларны сайладылар. Һәркем яраткан хикәясен укыды һәм башкаларны да кызыксынып тыңлады. Чара ахырында китапханәче укуның файдасы, китапларның яхшылыкка һәм гаделлеккә өйрәтүе турында сөйләде.
Балалар бакчасында тәрбияләнүчеләр ел саен кышлаучы кошларга ярдәм күрсәтүдә актив катнашалар. " Кыш көнне кошларны ашатыгыз!" акциясе кысаларында ата-аналар белән бергә төрле материаллардан җимлекләр ясалды, әлегә бу эш дәвам итә. Балалар белән безнең якларда кышларга кала торган кошлар турында әңгәмәләр үткәрелде.