ЯҢАЛЫКЛАР

Иске Җөри авылы китапханәсендә Һади Такташның тууына 125 ел тулу уңаеннан “Такташ көчле талант, шигърият чишмәсе”- дип исемләнгән китап күргәзмәсе эшләнде. Һади Такташ иҗаты — сугышка кадәрге чор татар совет поэзиясенең иң югары ноктасы. Аның әдәби мирасы татар әдәбияты тарихында әһәмиятле урын алып тора. Күргәзмәдә Һади Такташның төрле елларда иҗат иткән әсәрләре урын алды. Күргәзмәгә күзәтү ясалды.

Күренекле татар язучысы Гомәр Бәшировның тууына 125 ел тулу уңаеннан  8 нче гыйнвар көнне Иске Җөри авылы китапханәсендә “Күренекле әдип” дип исемләнгән китап күргәзмәсе куелды һәм авыл яшьләре белән әдәби сәгать үткәрелде. Чара барышында язучының тормышы һәм иҗат юлы белән таныштырылды. Әсәрләренә күзәтү үткәрелде, шулай ук кайбер әсәрләреннән өзекләр кычкырып укылды.

Яңа ел бәйрәмендә бөтен гаилә җыела, барысы да бер-берсенә бүләкләр бирә. Барысы да Яңа ел кәефен тели. Һәм монда кыш һәм Яңа ел турындагы балалар китаплары ярдәм итәчәк. Нәкъ менә аларда яңа ел чоры тутырылган могҗизалар һәм тылсым табарга мөмкин. 8 нче гыйнвар көнне Иске Җөри авылы китапханәчеләре «У леса на опушке жила зима в избушке» дигән темага видеокүзәтү ясадылар. Презентациядә тәкъдим ителгән китаплар яңа ел кәефен тоярга, могҗиза буласын сиздерергә, тылсымга һәм гади кеше яхшылыгына ышанырга мөмкинлек бирде.

Балалар үзләренең белемнәрен, зирәклекләрен күрсәттеләр һәм дуслары белән күңелле вакыт үткәрделәр. Кайбер сораулар командаларда җанлы дискуссияләр уятты! Балаларның бер-берсе белән ничек аралашуларын, иптәшләренә ярдәм итүләрен күзәтү аеруча игътибарга лаек иде. Бу команда рухын ныгытуга һәм дуслык мөнәсәбәтләрен үстерүгә ярдәм итте. Иң актив катнашучыларга призлар тапшырылды. Әмма иң мөһим нәтиҗә-барлык катнашучылар да бик күп уңай хис-кичерешләр һәм яңа белемнәр алды.

6 январь көнне Иске Җөри  авылы мәдәният йортында китапханә белән берлектә "Төкле аягың белән Яңа ел” дигән исем астында балалар өчен чыршы бәйрәме үткәрелде. Бәйрәмдә барлык балалар әти-әниләре белән бергәләп бәйрәм кичәсендә күңел ачтылар. Чыршы әйләнәсендә җыр җырлап әйләнделәр, биеделәр, шигырьләрен сөйләделәр һәм уеннар уйнадылар. Кыш бабай бәйрәм барышында иң яхшы җырлаучы, шигырь сөйләүче балаларны бүләкләде.

6 гыйнвар көнне Үзәк авыл китапханәсендә балалар өчен күләмле кар бөртекләре ясау буенча «Үз кулларың белән күләмле кар бөртеге» дип исемләнгән мавыктыргыч мастер-класс узды. Балалар матур эшләнмәләр ясарга өйрәнделәр, алар кышкы бәйрәмнәрдә өй өчен бик шәп бизәк булды. Мастер-класс эшләнмәләр ясау дәресе генә түгел, ә кәгазь һәм фантазия дөньясына чын иҗади сәяхәт тә булды. Балалар кәгазь бөкләүнең төрле техникасы, кар бөртекләрен ничек дөрес кисү турында белделәр. Мастер-класс балаларга үзләренең иҗади сәләтләрен үстерергә генә түгел, китапханәдә җылы һәм дустанә атмосфера тудырырга да ярдәм итте. Балалар күңелле итеп вакыт уздырдылар, бер-берсе белән аралаштылар һәм үз идеяләре белән уртаклаштылар. Мастер-класс азагында барлык катнашучылар да матур эшләнмәләр генә түгел, бик күп уңай хис-кичерешләр дә алдылар.

Бу ел фасылы вакытында барысы да искитекеч матур! Хәттә кышның салкыннары да яхшы, чөнки нәкъ менә алар туган йортларының җылысын, рәхәтлеген яратырга һәм кадерен белергә өйрәтәләр. Ә кышкы күңел ачулар ни генә тора? Елның бу вакытында табигатьне тасвирлау — чын ләззәт. 6 гыйнвар көнне Урта Мишә авылы китапханәсендә, клуб белән берлектә балалар өчен “Кыш Бабайга рәсемнәр” дип исемләнгән рәсем конкурсы оештырылды. Балалар үзләренең кыш турындагы фантазияләрен ак кәгазь битләренә ясадылар.

Кышкы әкиятләр - мавыктыргыч Яңа ел алды тарихы гына түгел, алар тылсым, могҗиза һәм кызыклы маҗаралар да. Әкиятләрнең төп геройлары - явызлык, сихер, суык белән батырларча көрәшүче һәм әлбәттә, җиңеп чыгучы Кыш Бабай, Кар Кызы, җәнлекләр һәм кошлар.

 Күркәм гадәт буенча, Яңа елның беренче эш көнендә, Айдар авылы китапханәсендә «Яңа елга китап белән» акциясе үткәрелде. Аның шартлары буенча беренче 5 укучыга приз, ә калган китап укучыларга «Китаплы конфетлар» татлы күчтәнәче бирелде. Китапханәгә килүчеләр өчен бу көнне сюрпризлар һәм мавыктыргыч биремнәр, яңа китаплар тәкъдим ителде. Барысы да Яңа ел моһитен чагылдырды-китаплардан ясалган, хуш ис бөркеп торучы һәм җем-җем утлары белән балкып утыручы чыршы да, яхшылык һәм ел символы булган мәрхәмәтле-атка багышланган күргәзмә дә, тылсымлы тартмачыклар да. Китапханәгә килгән, акциядә катнашучы һәркем үзе белән китап-журналлар гына түгел, рухи җылылык һәм яхшы кәеф тә алып китте.

Бәйрәм программасы мавыктыргыч уеннар, җанлы музыкаль номерлар һәм дәртле биюләр белән баетылган иде. Балалар уеннарда актив катнашып, яраткан җырларын җырлап һәм биеп, күңелле, истәлекле мизгелләр бүләк иттеләр. Ә Кыш бабай белән Кар кызы бәйрәмнең чын бизәге булып, һәркемнең йөрәгенә җылылык һәм шатлык өстәде.