ЯҢАЛЫКЛАР
Быел Бөек Ватан сугышында Җиңүнең 80 еллыгы уңаеннан, 14 ноябрь көнне Олы Мәтәскә авылы мәдәният хезмәткәрләре “Без тынычлык яклы” дип исемләнгән рәсем конкурсы үткәрделәр. Җиңү көне - ул күз яшьләре белән искә ала торган бәйрәм, анда шатлык, горурлык, югалту яшьләре белән бергә кушыла. Без, хәзерге буын, тыныч күк астында яшәвебез белән бәхетле, безнең әби-бабаларыбыз кичергән язмыш сынауларын беркем һәм беркайчан да күрмәсен. Конкурсның максаты - Җиңү көненең кыйммәтен аңлату һәм яшь буынның игътибарын халкыбыз тарихына җәлеп итү. Чарада 4 нче сыйныф укучылары катнаштылар. Балалар үзләренең рәсемнәре белән бөтен кешене тынычлыкка һәм яхшылыкка - бәхетле балачак нигезенә өндиләр. Аларның иҗатлары, безнең киләчәгебез өчен тыныч һәм матур дөнья теләген чагылдыра.
Күкчә авылы китапханәсендә актер, педагог һәм ТАССРның атказанган артисты Шамил Бариевның тууына 75 ел тулу уңаеннан “Актер һәм педагог Шамил Бариев” дип исемләнгән әңгәмә үткәрелде. Чара вакытында балаларга актер, драматург, пьеса, театр, спектакль сүзләренең мәгънәләре җентекләп аңлатылды. Катнашучылар Шамил Бариевның тормыш юлына һәм иҗатына күзәтү ясап, аның татар мәдәниятенә керткән өлешен өйрәнделәр. Шамил Бариевның башкаруында җырлар тыңланды, шулай ук спектакльләрдән җырлар яңгырады. Чара ахырында Шамил Бариевның кызы - Айгөл Бариева иҗатына да тукталыш ясалды.
16 ноябрьдә «Сюрприз» үрнәк балалар хореография коллективы «Изумруд» һәм «Наркиз» төркемнәре «В ритме жизни!» проекты кысаларында «Прорыв " Х Республика заманча сәнгать конкурсында катнаштылар. «Наркиз» төркеме II дәрәҗә лауреат, ә «Изумруд» төркеме III дәрәҗә лауреат булды. Алда зур җиңүләр телибез!
Яшь укучылар туган авылларының тарихы белән таныштылар: ул кем тарафыннан нигезләнгән, ничек үскән, кешеләр нәрсә белән шөгыльләнгән. Чара барышында катнашучылар авылыбызны данга күмгән һәм авыл үсешенә үз өлешләрен керткән күренекле шәхесләр турында кызыклы мәгълүматлар алдылар. Китапханәче, шулай ук, һәр кешенең үзенең кече Ватаны — авылы, шәһәре яки районы тарихын белүенең мөһимлеген ассызыклады. Шәҗәрәне истә тоту, туган якның традицияләрен һәм мәдәниятен саклау — патриотизмның нигезе булып тора. Укучылар авылларының киләчәген яхшырту өчен тырышу кирәклеген аңладылар.
Диктант Каюм Насыйриның «Кабуснамә» хикәясеннән алынган өзекләр буенча язылды. Акциянең төп максаты – татар теленә һәм мәдәниятенә игътибарны җәлеп итү, бөтен дөньяда яшәүче татарларны берләштерү, тел белемен тикшерү, әдәби татар телен кулланучылар даирәсен киңәйтү һәм татар теленә мәхәббәт тәрбияләү.
Быел «Татарча диктант» акциясе унынчы тапкыр үткәрелә һәм күренекле галим, мәгърифәтче Каюм Насыйриның 200 еллыгына багышлана.
Акциянең максаты - татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, шулай ук дөнья буенча таралып яшәгән татарларны берләштерү, әдәби татар телен кулланучыларның даирәсен арттыру. Катнашучылар үз белемнәрен тикшереп кенә калмыйча, туган телгә мәхәббәт һәм горурлык хисләре белән бергә, бердәмлек атмосферасын да тоя алдылар.
Акциянең максаты-татар теленә һәм мәдәниятенә игътибарны җәлеп итү, бөтен дөнья буйлап татарларны берләштерү. Акция тел белемен тикшерергә һәм туган татар теленә мәхәббәт тәрбияләргә мөмкинлек бирә. Диктантның темасы-танылган татар язучысы Каюм Насыйри әсәреннән өзек («Кабуснамәдән» хикәтләр). Аны аңлаешлы һәм төгәл итеп Айдар башлангыч мәктәбендә балаларга 38 ел белем һәм тәрбия биргән укытучы Фаттахова Райхана Вәлиәхмәт кызы укыды. Мондый чараларның массакүләм уздырылуы күңелне үстерә, туган телебезгә, мәдәниятебезгә, язучыларыбызга булган кадер-хөрмәтне арттыра.
Район хуҗалыкларында кыр эшләрен үткәргәннән соң, бушаган авыл хуҗалыгы техникасын кышкы саклауга кую буенча, авыл хуҗалыгы машиналарын ремонтлау пунктларын хәм мастерскойларны кышкы сезонга әзерлеген, салкыннар башланганчы авыл хуҗалыгы техникасын ремонтлау хәм машина-трактор парклары территориясендә тәртип урнаштыру буенча актив эшләр алып барыла.
Әлеге чара балаларда туган телгә һәм илгә мәхәббәт тәрбияләү, язучы-шагыйрьләрнең әсәрләрен өйрәнү, сәләтле нәфис сүз осталарын барлау максатыннан оештырылган иде. Бәйгегә балалар тырышып әзерләнгәннәр, шигырьләрне сәнгатьле итеп башкардылар. Конкурс ахырында һәр катнашучы китап бирү пунктында өйләрендә уку өчен матур әдәбият китаплары алдылар.
Салкыннар башлану белән песнәк, саескан һәм чыпчык кебек кышлаучы кошлар азык җитмәү белән очраша. 12 ноябрьдә Россиядә «Песнәк көне» билгеләп үтелә, Шармыш авылы китапханәсендә бу көн уңаеннан «Песнәк битләре» дип исемләнгән экологик сәгать үткәрелде. Бу чарада «Почемучки» клубы балалары кышлаучы кошлар турында бик күп кызыклы мәгълүмәт белделәр. Китапханәче кошларның салкыннарга ничек җайлашуы, кыш көне нинди төрләрне очратырга мөмкин булуы һәм аларның кешеләргә нинди файда китерүе турында сөйләде. Балалар шулай ук кошлар белән бәйле халык билгеләре белән таныштылар. Дәрес ахырында балалар чыршы ботакларына җимлекләр элеп куйдылар һәм аларга канатлы дуслар өчен тәм-томнар салдылар.