ЯҢАЛЫКЛАР

Чара барышында катнашучылар «коррупция» төшенчәсе белән таныштылар, аның сәбәпләре, төрләре һәм формалары турында мәгълүмат алдылар. Яшьләрнең төп бурычы — коррупциянең төрләрен билгеләү булды. Алар ришвәт бирү, ришвәт алу, янап куркыту кебек гамәлләрне аерып чыгардылар һәм бу төр җинаятьләр өчен нинди җәза каралганын өйрәнделәр. Шулай ук коррупциягә бәйле җинаять җаваплылыгына кемнәрнең җәлеп ителергә мөмкин булуы турында фикер алыштылар. Чарада катнашучылар коррупциянең чын куркыныч икәнлеген аңлап, аңа тискәре мөнәсәбәттә булырга кирәклегенә төшенделәр. Моннан тыш, «Стоп коррупция!» дигән темага күргәзмә дә куелды, ул катнашучыларда коррупциягә каршы тору хисен тагын да ныгытты.

Алар яшүсмерләргә наркомания – үлемгә китерүче куркыныч авыру, аны дәвалау авыр һәм бүгенге көндә җитәрлек дәрәҗәдә нәтиҗәле методлары юк, дип сөйләделәр. Акциядә катнашучылар наркотиклар куллануның зарарлы нәтиҗәләре турында мәгълүмат һәм сәламәт яшәү рәвеше алып барырга чакыручы буклетлар алдылар. Тормыш бик тиз чаба, көн саен ниндидер яңа һәм гадәти булмаган хәлләр булып тора. Шуны истә тотарга кирәк, ул кешегә бер генә тапкыр бирелә, һәм аны дөрес яшәргә кирәк. Акцияне үткәрүчеләр мондый чаралар яшьләрне һәм өлкәннәрне үзләренең сәламәтлекләре һәм киләчәкләре турында уйланырга мәҗбүр итәр дип өметләнә.

2026 елның 11 мартында Теләче урта мәктәбе базасында Идел буе дәүләт физик культура, спорт һәм туризм университетының Халыкара кунакханә менеджменты һәм туризм институты укытучылары белән берлектә «Җиңү»-бөек сүз» дип исемләнгән I Республика фәнни - гамәли конференциясе үткәрелде.

10 март көнне язучыга 85 яшь тулу уңаеннан Олы Мәтәскә авылы мәдәният хезмәткәрләре “Янып яшә һәм иҗат ит” дип исемләнгән мәдәни чара үткәрделәр. Әлеге чарада берләшмәгә йөрүче укучылар актив катнашты. Аларны Фоат Садриевның тормыш юлы һәм иҗаты белән таныштырдылар. Соңыннан язучының “Тургай” исемле китабыннан хикәяләр укылып, катнашучыларга зур рухи азык бирде.

8 март -Халыкара хатын-кызлар көне һәм изге Рамазан ае уңаеннан, 5 нче март көнне Айдар авыл китапханәсе мәдәният йорты, авыл җирлеге  белән берлектә «Озакламам, әнкәй кайтырмын мин»  дип исемләнгән очрашу кичәсе-ифтар мәҗлесе уздырды. Очрашуга уллары армия сафларында хезмәт итүче егетләребезнең әниләре, Әфган, Чечен сугышларында катнашып, лаеклы хезмәт итеп кайткан авылдашларыбызның әниләре, бүгенге көндә уллары махсус хәрби операциядә булган, илебез тынычлыгы өчен көрәшкән батыр йөрәкле егетләр үстергән әниләр һәм егетләрнең зур ихтирамга лаек тормыш иптәшләре чакырылды.

12 март көнне Теләче үзәк китапханәсе хезмәткәрләре Орымширмә башлангыч мәктәбе укучылары белән бөек шагыйребез Габдулла Тукайның тууына 140 ел тулу уңаеннан "Без – Тукайлы халык" дип исемләнгән әдәби викторина уздырдылар. Чара барышында балаларның шагыйребезнең тормыш юлы һәм иҗаты белән яхшы таныш булулары аеруча куанычлы булды. Китапханәчеләр  укучыларга Г.Тукайның "Милли моңнар", "Туган җиремә" кебек шигырьләрен  кычкырып укып күрсәттеләр. Иң мөһиме, бу көнне һәр бала китапларны яздырып алды һәм туган телнең байлыгын тирәнтен аңлап, аны өйрәнүгә тагын да ныграк омтылыш белдерде.

Әлеге чараның максаты - яшь буында коррупциягә каршы дөньяга караш тәрбияләү һәм коррупциягә каршы тору бөтен җәмгыятьнең һәм аерым алганда һәр кешенең эше икәнен аңлау. Чара барышында балалар барлык илләргә һәм төбәкләргә кагыла торган бу катлаулы күренеш турында, коррупциянең Дәүләт төзелешен какшатуы һәм теләсә кайсы илнең, хәтта иң алга киткән илнең дә икътисадый үсешен туктатуы турында белделәр. Йомгаклап, балаларга «Коррупциягә каршы тору турында» Россия Федерациясе Федераль законының кайбер маддәләре укылды.

Ана мәхәббәте балага яшәү көче, тормыш мәгънәсе өсти, аңа канатлар куя, батырлыкка илһамландыра. Әдәбиятта ана образы-мәңгелек тема. Күп кенә язучылар үзләренең иҗатларына илхам чыганагы буларак балачак, туган нигез, әни турындагы истәлекләрне кулланалар. Язның гүзәл Халыкара хатын-кызлар көне уңаеннан Алан авылы китапханәсендә «2026 елның юбиляр язучылары әсәрләрендә әни образы» дигән әдәби сәгать үткәрелде. Китапханәче Ана образын тулысынча ачып бирергә ярдәм итү максатыннан төзелгән «Әни образын данлаучы китаплар» дип исемләнгән күргәзмә турында сөйләде. Бу көнне Г. Тукай һәм М. Җәлил әсәрләреннән әниләргә багышланган шигырьләр, өзекләр яңгырады.

Әлеге бәйрәм Рамазан аена туры килгәнлектән Олы Мишә авылы китапханәсендә мәдәният йорты белән берлектә ифтар мәҗлесе үткәрелде. Рамазан ае барышында мондый чаралар кешеләргә бергә җыелырга, күңелле һәм саваплы гамәлләр белән вакыт уздырырга мөмкинлек бирә. Барлык мәдәни чараларда актив катнашучы апаларыбызны котлау өчен авыл җирлеге башлыгы Ф.Б. Замалетдиновның килүе хезмәтебезгә карата ихтирам, кайгыртуы бигрәк сөендерде.  Тоткан уразаларыбыз кабул булсын, барлык кешегә дә күңел тынычлыгы белән яшәү насыйп булсын.

7 нче март көнне Баландыш авылы  китапханәсендә якынлашып килүче 8 март - Халыкара хатын-кызлар көне уңаеннан «Ни хәлең бар, солдат әнисе?» исеме астында җылы очрашу кичәсе үткәрелде. Әлеге кичәгә бүгенге көндә уллары хәрби хезмәттә һәм махсус хәрби операциядә булган егетләребезнең әниләре чакырылды. Бәйрәм уңаеннан әниләргә котлау сүзләре яңгырады, чәчәк бәйләмнәре һәм истәлекле бүләкләр тапшырылды. Бәйрәм чәй табыны артында җылы әңгәмә белән дәвам итте.