“Без тынычлык яклы” дип исемләнгән рәсем конкурсы үткәрделәр
Быел Бөек Ватан сугышында Җиңүнең 80 еллыгы уңаеннан, 14 ноябрь көнне Олы Мәтәскә авылы мәдәният хезмәткәрләре “Без тынычлык яклы” дип исемләнгән рәсем конкурсы үткәрделәр. Җиңү көне - ул күз яшьләре белән искә ала торган бәйрәм, анда шатлык, горурлык, югалту яшьләре белән бергә кушыла. Без, хәзерге буын, тыныч күк астында яшәвебез белән бәхетле, безнең әби-бабаларыбыз кичергән язмыш сынауларын беркем һәм беркайчан да күрмәсен. Конкурсның максаты - Җиңү көненең кыйммәтен аңлату һәм яшь буынның игътибарын халкыбыз тарихына җәлеп итү. Чарада 4 нче сыйныф укучылары катнаштылар. Балалар үзләренең рәсемнәре белән бөтен кешене тынычлыкка һәм яхшылыкка - бәхетле балачак нигезенә өндиләр. Аларның иҗатлары, безнең киләчәгебез өчен тыныч һәм матур дөнья теләген чагылдыра.