ЯҢАЛЫКЛАР

Бу көнне Сауш авыл китапханәсендә "Исемең билгесез, батырлыгың үлемсез" дигән тема белән батырлык дәресе үткәрелде. Чарада балалар әлеге истәлекле  көннең барлыкка килү тарихы белән таныштылар, ни өчен  нәкъ менә 3 декабрь көне Хәрби батырлар истәлеген саклау көне буларак сайланганын белделәр, китапханәче укучыларга «Билгесез солдат кабере» мемориалы турында сөйләде.

Инвалидлар ункөнлеге кысаларында Олы Мишә авыл китапханәсендә 3 декабрь көнне инвалид - балалар белән очрашу үткәрелде. Мөмкинлекләре чикле балаларга күңелле китаплар, газета-журналлардан өзекләр укылды. Аниматр белән күңелле уеннар оештырылды.

Ул безгә җәмгыятьнең хәлсез авыру һәм ярдәмгә мохтаҗ кешеләр турында кайгыртырга тиешлеген искә төшерә.

5 декабрь көнне Сауш авыл китапханәчесе балалар белән «Волонтер сүзе – горур яңгырый» дигән темага тематик әңгәмә үткәрде. Тематик әңгәмә 5 декабрьдә билгеләп үтелә торган волонтерлар көне уңаеннан оештырылды. Чарада китапханәче  волонтерлар көненең әһәмияте һәм волонтерларның җәмгыять үсешенә ничек өлеш кертүләре турында сөйләде. Катнашучылар өлкәннәргә ярдәм итү, балалар белән эшләү һәм төрле акцияләрдә катнашу кебек волонтерлык эшчәнлегендә катнашу мөмкинлекләре турында белделәр. Чараның максаты: волонтерлыкка һәм аның җәмгыятьтәге әһәмиятенә игътибарны җәлеп итү булды.

Бу көннәрдә аларга аеруча игътибарлы булырга кирәк. Билгеле булганча, безнең арада сәламәтлеге чикләнгән кешеләр аз түгел. Бигрәк тә балалар турында кайгырту беренче урында торырга тиеш. Шул уңайдан 5 декабрь көнне Сауш авылы китапханәсендә, "Мин тормышны яратам" дип исемләнгән очрашу кичә үткәрелде. Очрашуга авылыбызда яшәүче тумыштан һәм балачактан инвалид булган Хабибиуллина Гөлчәчәк һәм әнисе чакырылды. Гөлчәчәк китапханәдәге яңа китаплар, журналлар белән таныштырылды, аңа охшаган китаплар кычкырып укылды.

Инвалидлар декадасын дәвам итеп Шәтке авылы мәдәният хезмәткәрләре инвалид балалар тәрбияләүче әниләрне чакырып, 6 декабрь көнне мәдәният йортында “Минем кулым алтын” дип исемләнгән кичә үткәрделәр. Кичә барышында тумыштан инвалид Балантаева Гөлназ ясаган кул эшләре белән таныштылар. Ул үз куллары белән ясаган әйберләреннән күргәзмә эшләп торды.

"Беркем дә, бернәрсә онытылмый!" Бу - Россиянең һәр төбәгендә горур яңгырый торган сүзләр. Әлеге истәлекле дата уңаеннан 6 декабрь  көнне Шәдке авылы китапханәсендә тематик китап – күргәзмәсе ясалды.

Чарада балалар әлеге истәлекле датаның барлыкка килү тарихы белән таныштылар, ни өчен нәкъ менә 3 декабрьнең Хәрби батырлык истәлеген саклау өчен сайлануын белделәр, укучыларга «Билгесез солдат кабере» мемориалы турында сөйләделәр. Балалар Бөек сугышлар турындагы китаплар, илебезнең төрле шәһәрләрендә урнашкан Билгесез солдат һәйкәлләренең иллюстрацияләре белән таныштылар. Шулай ук Теләче районында туып-үскән, Бөек Ватан сугышында һәлак булган һәм хәбәрсез югалган авылдашларнын исемлеге белән таныштылар.

Бу көн 2004 елдан башлап ел саен билгеләп үтелә. 9 декабрь көнне Теләче үзәк китапханәсендә “Стоп коррупции!" дигән мәгълүмати күргәзмә оештырылды. Анда укучыга  коррупция турында вакытлы матбугатта чыккан мәгълүмат, буклетлар, ришвәтчелек проблемасы чагылдырылган әдәбият тәкъдим ителә. Күргәзмәдәге А. Грибоедовның «Горе от ума», А. Пушкинның «Дубровский», Н. Гогольнең «Ревизор», А. Островскийның «Гроза», «Пучина”,  Д. Мамин-Сибирякның «Хлеб», М. Салтыков-Щедринның «Господа Головлевы», «Письма к тетеньке», Ильф и Петровның «Золотой теленок» әсәрләре укучыларда кызыксыну уятты.

 

     Агымдагы елның 08 декабрендә  Байлар Сабасында  2014 елда һәм аннан яшьрәк,2012-2013 елларда туган укучылар арасында «Татарстанның бадминтон өметләре – 4 тур» республика ярышларының зона этабы узды. Әлеге ярышларда өстәмә белем бирү педагоглары Заббаров Алмаз Фоат улы, Галимҗанов Рәмис Рәфис улы җитәкчелегендә 16 тәрбияләнүчесе катнашты.

    2014 елда туган һәм аннан яшьрәк укучылар арасында Гыйләҗиева Мәдинә – 1 урын, Гайнетдинова Раилә – 3  урынны яуладылар.

    2012-2013 елгы укучылар арасында Галимова Зарина-3 урын.