ЯҢАЛЫКЛАР
25 июньдә Спорт паркында «Татарстанда җәй» акциясе кысаларында 2012-2013, 2014-2015 елгы яшүсмерләр арасында «Күңелле футбол турниры» узды.Турнирда илледән артык бала катнашты. Балалар уеннан уңай хис-кичерешләр алдылар. Һәм ахырда катнашучыларның һәркайсы татлы бүләкләр алды.
Пушкин картасы кысаларында 21 июнь көнне Шәдке авыл китапханәсе яшьләрне «Китапларны без укырга һәм геройларны белергә яратабыз» дигән әдәби калейдоскопта катнашырга чакырды. Чара башында балалар язучыларның әсәрләрен анализладылар, яраткан әсәрләренең геройларын искә алдылар, табышмакларга җаваплар таптылар. Яшьләр шулай ук «Герой кайсы әкияттән икәнен бел» дигән викторинада да бик теләп катнаштылар. Уенда катнашучыларның барысы да биремнәрне үтәделәр, әкиятләрне яхшы белүләрен күрсәттеләр. Чара азагында балалар китап күргәзмәсендә тәкъдим ителгән китаплар белән таныштылар һәм уку – файдалы, күңелле һәм кызыклы шөгыль дигән нәтиҗә ясадылар.
Балалар зарарлы гадәтләрнең һәм наркотикларның организмга зыяны һәм сәламәт яшәү рәвешенең файдасы турында белделәр. Китапханәче, наркотиклар - хәзерге заманның иң җитди проблемаларының берсе, алар тормышны, сәламәтлекне җимерә һәм үлемгә китерергә мөмкин, шуңа күрә уяу булырга һәм наркотиклар таралуга каршы көрәштә ярдәм итәргә кирәклеге турында сөйләде. Акциядә катнашучыларның һәрберсенә буклетлар таратылды һәм әлеге чара «Без наркотикларга “ЮК!” дибез» сүзләре белән тәмамланды.
Халыкара наркоманиягә һәм наркотикларның законсыз әйләнешенә каршы көрәш көненә багышлап, Субаш авыл китапханәсендә «Җирнең бөтен төсләре — наркотикларга каршы» дигән күргәзмә эшлщнде. Бу күргәзмә наркотикларның зыяны турында җәмәгатьчелекне хәбәрдар итү һәм яшь буынны сәламәт яшәү рәвешенә өндәү максатын күздә тота.
Шулай ук китапханәче кече яшьтәге китап укучы балалар белән әңгәмә үткәрде, анда ул наркоманиянең зыяны, наркоманнарда таралган авырулар турында сөйләде. Балалар бу темага игътибар белән колак салдылар, наркотикларның куркыныч нәтиҗәләре турында мәгълүмат алдылар.
Бу чаралар яшь буынга җаваплы һәм аңлы сайлау ясарга ярдәм итәр, сәламәтлекне саклауның никадәр мөһим икәнен аңлатыр. Наркотикларга каршы көрәш — безнең һәрберебезнең бурычы, һәм безнең киләчәгебез өчен җаваплылык тойгысы белән яшәү кирәк.
22 июнь көнне Сауш авыл китапханәчесе мәдәният йорты директоры белән берлектә Хәтер һәм кайгы көненә багышлап "Сугыш кайтавазы, безнең йөрәкләрдә" дип исемләнгән хәтер сәгате үткәрде. Чараның төп максаты үсеп килүче буынны совет халкының батырлыгына хөрмәт хисе тәрбияләү, җиңүнең нинди авыр бәя яуланганын күрсәтергә омтылу булды. Балаларга сугышның халкыбызга күпме кайгы китергәне, ул елларда балалар җилкәсенә төшкән сынауларның авырлыгы турында сөйләнелде. Катнашучылар «Хәтер шәме» акциясенә кушылып, стеллага чәчәкләр салдылар һәм шәмнәр кабыздылар. Бөек Ватан сугышында һәлак булганнарны бер минут тынлык белән искә алдылар.
Бүген барлык россиялеләр өчен бу Хәтер һәм кайгы көне-һәр гаиләдә Бөек Ватан сугышы геройларын искә алу көне. Әлеге көн уңаеннан Шәтке авыл китапханәсендә «Хәтерлибез һәм кайгырабыз!»исемле тематик чара үткәрелде. Анда Шәдке урта мәктәбенең мәктәп яны лагереннан балалар чакырылган иде. Очрашу башында китапханәче балаларга 1941 елның 22 июнь көненең беренче сәгатьләре, бу коточкыч сугышның ничек башлануы турында сөйләде. Аннары балалар фикер алышуда катнашып һәм сораулар биреп, Бөек Ватан сугышы турындагы белемнәрен күрсәтә алдылар. Чара азагында балалар, тынычлык һәм өмет символы буларак, Бөек Җиңү геройлары истәлегенә ак күгәрченнәр ясадылар. Бу иҗат хөрмәт күрсәтү генә түгел, ә дөньяның нәрсә өчен көрәшергә һәм нәрсәне сакларга кирәклеген искә төшерү дә булды.
Бу көнне Россия халыклары 1941–1945 еллардагы Бөек Ватан сугышы корбаннары булган һәм үз гомерләре бәрабәренә Ватаннарын яклаган ватандашларын искә ала. Бу көнне без фронтта катнашкан һәм һәлак булган авылдашларыбызны, фашист лагерьларында иза чиккәннәрне, тылда хезмәт куючыларны искә алабыз, Бөек Ватан сугышын үткәреп, Җиңү яулаганнар алдында баш иябез. 21 июнь көнне Айдар авыл китапханәчесе мәдәният йорты директоры белән берлектә “Сезнең батырлык үлемсез, сезнең дан мәңгелек!” исемле хәтер сәгате үткәрде. Чара барышында Бөек Ватан сугышы башлануның тарихи фактлары белән таныштырылды, бу көннең тарихыбыздагы иң кайгылы даталарның берсе булуы турында әйтелде. Шушы дәһшәтле сугышта Ватан өчен гомерләрен биргән, сугыш кырында ятып калган сугышчылар бер минутлык тынлык белән искә алынды.
Ил тарихына иң кайгылы көннәрнең берсе булып кереп калган, кара хәрефләр белән язылган 22 июньне Хәтер һәм кайгы көне буларак билгеләп үтәбез. Нәкъ шул көнне, дөресрәге 1941 елның 22 июнь таңында, фашист Германиясе илебезгә бәреп кергән. 1418 көн һәм төн дәвам иткән канкойгыч сугышта СССР 27 миллионлап кешесен югалткан. Хәтер һәм кайгы көне Олы Мәтәскә авылында да билгеләп үтелде. Обелиск янында узган чарада мәктәп укучылары, мәдәният хезмәткәрләре катнаштылар. Чара “Буыннар хәтере сүнмәс" дигән исем белән үтте. Кыскача бу көн турында мәгълүмәт бирелде, обелискка чәчәкләр салынды.
Шул уңайдан Олы Мишә авыл китапханәчесе, китап укучы балалар белән һәйкәл янында хәтер сәгате уздырды.
Балалар һәйкәлгә уеп язылган авылдашлар белән таныштылар, китаплардан өзекләр тыңладылар. Дәһшәтле еллар, киләчәгебез өчен гомерен корбан иткән геройларның батырлыгы турында истәлек мәңгегә безнең йөрәкләрдә! Хәтер сәгатендә Бөек Ватан сугышында һәлак булганнар бер минут тынлык белән искә алынды һәм шәм яндырылды.
Бу көнне Россиядә Хәтер һәм кайгы көне билгеләп үтелә. Безнең бурычыбыз - бу сугыш турында истәлекне саклау, аны балаларыбызга, оныкларыбызга һәм оныкчыкларыбызга җиткерү. Без аларны, яклаучыларыбызны һәм коткаручыларыбызны хәтерләребездә сакларга тиешбез. Бу датаны без ел саен рәхимсез сугыш кичерүчеләрне, Ватан азатлыгы һәм бәйсезлеге өчен канлы сугыш кырларыннан әйләнеп кайтмаганнарны искә алу һәм кайгы көне буларак билгеләп үтәбез. Олы Нырсы авыл китапханәсе үз укучылары өчен «Изге Буыннар хәтере» дип исемләнгән күргәзмә әзерләде. Катнашучыларның һәркайсы беркайчан да сугыш булмасын өчен тыныч, игелекле һәм үзара аңлашып яшәргә дигән теләкләрен җиткерде. Бу очрашу уйланырга мөмкинлек бирде.