ЯҢАЛЫКЛАР
Быел ул 28 нче июньгә туры килде. Яшьләр көне-яшьләр бәйрәме. Бу бәйрәм энергия, идеяләр һәм яңа югарылыкка омтылыш белән тулы һәркемне берләштерә. Шул уңайдан Айдар авыл китапханәсе "2025 секунд уку чемпионаты" акциясе оештырды. Чемпионатның төп үзенчәлеге шунда, аңа алдан әзерләнәсе түгел, чөнки катнашучылар нинди текст укырга кирәклеген белмиләр. Катнашучылар бирелгән әсәрләрне рәхәтләнеп укыдылар, акция турында кызыклы мәгълүмат белән уртаклаштылар һәм анда ничек катнашырга мөмкин булуын күрсәттеләр. Акция китап укуның — күңелсез эш түгел, ә белем, хис-кичерешләр һәм яңа идеяләр дөньясына мавыктыргыч сәяхәт икәнлеген тагын бер кат искә төшерергә сәбәп булды. Яраткан язучыларыбызның китапларын кулга алырга кабат мөмкинлек туды.
Аларга нинди тәрбия бирсәк, нинди гамәлләргә өйрәтсәк, илебезнең, халкыбызның киләчәге дә шундый булыр. Балаларны иманлы итеп тәрбияләүдә Ислам диненең әһәмияте зур. Шуны күздә тотып 1 нче июль көнне Урта Мишә авылы мәдәният хезмәткәрләре балалар белән авылдагы “Наил мәчете”нә экскурсия оештырды. Мәчеткә кергән һәр кеше белергә тиешле әдәп-әхлак кагыйдәләре белән таныштырылды. Балалар исә үзләре яттан белгән сурәләрне сөйләп күрсәттеләр.
Җиңүнең 80 еллыгы һәм Ватанны саклаучылар елы кысаларында Айдар авыл китапханәсендә 1941-1945 еллардагы Бөек Ватан сугышы вакыйгаларының афәтен чагылдырган шагыйрьләргә багышланган «Сугыш турында дүрт юл» хәрби шигърият көне үткәрелде. Китапханәче шигырьләре Бөек Ватан сугышы вакытында туган фронтовик шагыйрьләр турында сөйләде. Катнашучыларга Бөек Ватан сугышы елларында халыкның рухи тормышында шигъриятнең әһәмияте һәм роле турында мәгълүмат бирелде. Шигырьләр сугышчан рухны күтәргән, дошманга каршы көрәшергә ярдәм иткән, туган илен сагынучы солдатларның күңелләрен җылыттып торган. Фронтовик шагыйрьләр турындагы сөйләшү шигырьләр уку белән үрелеп барды. Күп кенә шагыйрьләр май аенда Җиңү көненә юл тотканда батырларча һәлак булсалар да, алар бүген дә безнең белән, онытылмыйлар, аларның иҗаты үлемсез.
27 июнь көнне “Пушкин картасы” проекты кысаларында Иске Җөри авыл модель китапханәсе китапханәчеләре Иске Җөри урта гомуми белем бирү мәктәбе укучылары белән “Туган авылым” дип исемләнгән квиз-уены үткәрделәр.
Ата - аналарның (законлы вәкилләрнең) игътибарын балаларны йөрткәндә куркынычсызлык кагыйдәләрен үтәү проблемасына җәлеп итү максатыннан, зурлар һәм мәктәпкә әзерлек төркеме (тәрбиячесе Биккинина Р.Р.) балалары белән автомобиль салонында «Бала-төп пассажир»акциясе үткәрелде. Ата – аналарга буклет-белешмәләр тапшырылды. Шул ук максат белән " минем балам эләктерелгән, ә синеке?». Акция ДБУнең Казан шәһәре территориаль идарәсенең профилактика бүлеге Саба районы бүлеге начальнигы Ягъфәрова Г.Н. катнашында узды.
Нәкъ шул көнне, дөресрәге 1941 елның 22 июнь таңында, фашист Германиясе илебезгә бәреп кергән. 1418 көн һәм төн дәвам иткән канкойгыч сугышта СССР 27 миллионлап кешесен югалткан.
Үз эшчәнлеге турында белешмәләрнең ачыклыгын һәм үтемлелеген арттыру максатларында 2025 елның 10 июлендә 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.
26 июнь көнне, наркоманиягә һәм наркотикларның законсыз әйләнешенә каршы халыкара көрәш көне кысаларында, Югары Кибәхуҗа авыл китапханәсендә «Наркотикларга Кагылма – сәламәт кал»дип исемләнгән мәгълүмат сәгате үткәрелде. Чара яшьләрнең наркотикларның зыяны турында хәбәрдарлыгын арттыруга, шулай ук сәламәт яшәү рәвешен формалаштыруга юнәлдерелгән иде. Китапханәләрнең бурычы - үсеп килүче буынны бәладән саклау, кисәтүче мәгълүмат бирү. Мәгълүмат сәгате барышында укучылар яшьләрнең наркотик матдәләр куллануының төп сәбәпләре белән таныштылар, танышлары яки дуслары наркотикларга бәйле булса, үзләрен ничек тотарга һәм ярдәм сорап кая мөрәҗәгать итәргә икәнен белделәр. Мондый чаралар наркоманияне кисәтүдә мөһим адым ясый һәм яшьләрдә үз сәламәтлекләренә карата җаваплы мөнәсәбәт формалаштыруга ярдәм итә.
Килгән кунаклар “Киләчәк” яшьләр үзәге, шулай ук район балалар китапханәсе эшчәнлеше белән таныштылар. “Алёнушка” балалар бакчасыннан “Смешарики” кызыксындыру клубына йөрүче балалар татар телендә матур итеп шигырьләр сөйләделәр, төрле өстәл уеннарында катнаштылар. Әлеге чара телебезне саклау һәм үстерү максатыннан эшләнде.
25 июнь көнне Теләче балалар китапханәсе хезмәткәрләре балалар өчен «Ишегалдына укырга чык!» дигән акция үткәрделәр.
Чара барышында балалар фондта булган яңа, матур басмалар белән танышып кына калмадылар, үзләре дә яраткан китаплары турында сөйләделәр, журналлар актардылар. «Геройны танып бел!» дигән әдәби викторинадагы әкиятләрнең барысының да геройлары табылды. Балалар рәхәтләнеп китапханәгә яңа кайткан китаплар белән таныштылар, сораулар бирделәр, журналлардагы квестларны чиштеләр һәм лабиринтларны уздылар. Шулай итеп, китап укудан балалар ләззәт алса, ә җәйге очрашулар китапханәгә яңа укучылар җәлеп итәргә ярдәм итә.