3 декабрьдә бөтен дөньяда Халыкара инвалидлар көне буларак билгеләп үтелә.

2025 елның 11 декабре, пәнҗешәмбе

3 декабрьдә бөтен дөньяда Халыкара инвалидлар көне буларак билгеләп үтелә. Бу көн — авырлыкларга карамастан, актив һәм тулы тормыш алып барырга омтылган, сабырлык үрнәге күрсәткән кешеләргә хөрмәт белдерү символы. Инвалидлар көне уңаеннан, 4 декабрьдә Әбде авылы китапханәчесе мөмкинлекләре чикләнгән авылдашларының өйләренә барып, аларга яңа китаплар һәм яңа гәҗитләр алып килде. Алар белән бергәләп китаплар укып, җылы һәм күңелле аралашу мохите тудырылды. Китапханәче аларга ныклы сәламәтлек, бәхетле һәм озын гомер теләде, шулай ук китапханәнең төрле хезмәтләре һәм киләчәк планлаштырылган чаралары турында мәгълүмат бирде. Бу очрашу күңелләрдә җылы хисләр уятты һәм бердәмлек рухын ныгытуга хезмәт итте.