ЯҢАЛЫКЛАР
26 декабрьдә Теләченең үзәк чыршысы янында "По щучьему велению, по Новогоднему хотению!», дип аталган Теләче муниципаль район башлыгының балалар Чыршы бәйрәме оештырылды. Яраткан әкият геройлары - Скомороха, Емеля, Чуртан, Убырлы Карчык, Кыш Бабай һәм Кар кызын бәйрәмдә катнашучылар җылы каршы алды.
2010-2011 елгы кызлар ярышында Галимова Нәфисә 1 урынны яулады. 2014-2015 елгы малайлар арасында Сәхәбиев Ильяс 1 урынны яулады. 2016-2017 елгы малайлар арасында Вәлиуллин Булат 2 урынны яулады
29 декабрь көнне Яңа ел каникуллары алдыннан 2018 елгы укучылар арасында мини – футбол буенча яңа ел турниры үткәрелде. Балалар әти – әниләренә матур мини-футбол күрсәттеләр. Барлык катнашучылар каникулларга яхшы кәеф һәм шатлык белән киттеләр.
Укучыларның коррупциягә каршы карашын формалаштыру, укучыларда коррупциягә карата тискәре мөнәсәбәт тәрбияләү, коррупциягә каршы тору күнекмәләрен үстерү максатында районда коррупциягә каршы юнәлештәге республика конкурсының муниципаль этабы үткәрелде.
Яңа ел алдыннан, 29 декабрьдә, Теләче балалар китапханәсенең китап укучылары өчен бәйрәм темасына «Яңа ел әкияткә охшаган» дип исемләнгән китап күргәзмәсе төзелде һәм аңа күзәтү үткәрелде. Күргәзмәгә Кыш Бабай һәм урман җәнлекләре турында күңелле шигырьләр, маҗаралы хикәяләр, әкиятләр, табышмаклар куелды. Күргәзмә белән танышканнан соң, балалар төрле персонажлар турында әкиятләр укыдылар. Ошаган теләсә кайсы китапны, кышкы әкият булсынмы ул яки яңа ел тарихымы, өйгә алырга һәм тыныч кышкы кичтә гаилә белән бергә кычкырып укырга мөмкин. Без сезне китап уку могҗизасына кушылырга чакырабыз. Яңа елны китаплар белән башлагыз!
Үз эшчәнлеге турында белешмәләрнең ачыклыгын һәм үтемлелеген арттыру максатларында 2025 елның 22 гыйнварында 12.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.
Бүген район Үзәк ял паркында сәләтле укучылар өчен искиткеч яңа ел чарасы – район башлыгы чыршысы узды. Бу көн бәйрәмдә катнашучылар өчен чын-чынлап үзенчәлекле көнгә әверелде. Бәйрәмгә район тормышының төрле өлкәләрендә үзләрен актив күрсәткән укучылар – уку отличниклары, олимпиадаларда һәм спорт ярышларында җиңүчеләр чакырылган иде. Чарада безнең мәктәптән 15 укучы катнашты. Бу көн балалар өчен якты һәм шатлыклы истәлек булсын, ул аларның йөрәкләрен ел дәвамында җылытып торсын.
24 нче декабрь көнне китапханәдә иң актив, иң талантлы укучылар җыелып, узган елга нәтиҗә ясадылар. Балалар үзләренең гади укучылар гына түгел, ә чын мәгънәсендә иҗади һәм сәләтле шәхесләр икәнлекләрен күрсәттеләр.
Мәктәптә хезмәт дәресләрендә аларны ничек итеп оста итеп кисүне һәркем җылы хәтерли. Әлеге көндә һәр укучының иң матур һәм үзенчәлекле «кар бөртеге» ясау мөмкинлеге туды. 25 декабрьдә Олы Мәтәскә авылы мәдәният хезмәткәрләре «Серле кар бөртеге» дип исемләнгән мастер-класс үткәрделәр. Дустанә һәм җылы атмосферада балалар кәгазьдән нәфис кар бөртекләре кисеп, иҗат дөньясына чумдылар. Мәдәният хезмәткәрләре катнашучыларны кар бөртекләре ясау серләре һәм техникасы белән таныштырдылар. Балаларга матур, серле һәм үзенчәлекле кар бөртекләре ясау процессы бик ошады.
Балалар дөньяга кызыклы һәм гыйбрәтле әкиятләр бүләк иткән язучының тормыш юлы һәм иҗаты белән таныштылар. Булачак язучының балачагы Һиндстанда - табигате һәм хайваннары аның иҗатында чагылыш табачак чишелмәгән серләр, табышмаклар һәм кызыктыргыч маҗаралар илендә узган.