ЯҢАЛЫКЛАР
2026 елның 13 февралендә Иске Җөри урта мәктәбе белән берлектә Теләче муниципаль районы гомуми белем бирү учреждениеләре укучылары арасында сугышчы – интернационалист Илшат Гыйлемхан улы Хәйруллин истәлегенә багышланган шахмат буенча Беренчелек үткәрелде. Турнирда 78 катнашучы катнашты.
Бүген Теләче 3нче номерлы балалар бакчасында Советлар Союзы Герое Муса Җәлилнең тууына 120 ел тулуга багышланган чара узды. Чараның максаты- балаларда якташлары, үз Ватаннары өчен милли горурлык хисе тәрбияләү. Әлеге чарада музыка җитәкчесе Нуртдинова Р.С. балаларны Муса Җәлилнең тормыш юлы һәм иҗаты белән таныштырды. Балалар Муса Җәлилнең шигырьләренә иҗат ителгән җырлар тыңладылар,кушылып җырладылар, шулай ук балачакта шагыйрь үзе уйнаган уеннарны уйнадылар, шигырьләр сөйләделәр.
2026 елның 10 февралендә Теләче 3 нче номерлы балалар бакчасында зурлар төркеме балалары (тәрбиячесе Хафизова А.Р.) белән ДБУнең Казан шәһәре территориаль идарәсенең профилактика бүлеге Саба районы бүлеге җитәкчесе Ягъфәрова Г.Н. юл хәрәкәте кагыйдәләре турында профилактик әңгәмә үткәрде.
10-12 февральдә Теләченең 1,2,3 нче балалар бакчалары базасында мәктәпкәчә яшьтәге балалар өчен «Яшь мастер»төбәкара чемпионатының муниципаль этабы узды. Чемпионатта районның 7 белем бирү учреждениесеннән 15 балалар бакчасы тәрбияләнүчесе катнашты.
Бүген, 2026 елның 12 февралендә Казан шәхәрендә «Ел укытучысы -2026» Бөтенроссия конкурсының зона этабы узды. «Ел укытучысы» номинациясендә безнең районны Иске Җөри урта мәктәбенең физика укытучысы Гарифуллин Римат Мөдәрис улы һәм «Педагогик дебют» номинациясендә Олы Мишә урта мәктәбенең география укытучысы Миңнебаева Ләйсән Марат кызы тәкъдим итте. Педагоглар ачык дәресләр күрсәттеләр, шулай ук конкурсантлар белән педагогик интервью үткәрелде. Зона этабындагы чыгышларның нәтиҗәләре март аенда игълан ителәчәк.
«Ел тәрбиячесе-2026» республика конкурсының зона этабы 06 февральдә Арча муниципаль районының 11 нче балалар бакчасы базасында узды. Үзләренең һөнәри осталыкларын Теләче, Әтнә, Саба,Кукмара, Балтач, Арча районнарыннан 12 тәрбияче күрсәтте. Комиссия членнарына тәрбиячеләр тарафыннан ачык дәрес, дәрескә анализ, «Ата-аналар белән мәгърифәтчелек чарасы» тәкъдим ителде. Безнең районны яклап 2 тәрбияче:
7 февраль көнне Теләче үзәк район хастаханәсендә 9 һәм 11 класс укучылары өчен "Ак халатлы фәрештәләр – Ангелы в белых халатах" дип исемләнгән масштаблы һөнәри юнәлеш бирү чарасы үткәрелде. Фестивальне оештыручылар: Казан дәүләт медицина университеты, Татарстан Республикасы Сәламәтлек саклау министрлыгы, Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек буенча Федераль хезмәт һәм "Таттехмедфарм"Дәүләт унитар предприятиесе.
2026 нче елның 10 нче февраленда Теләченең «Батыр» спорткомплексында Татарстан Республикасы гомуми белем бирү оешмалары укучылары арасында волейбол турнирының муниципаль этабы булып узды. Ярышларда Теләче, Үзәк, Алан, Иске Җөри, Шәтке, Олы Мәтәскә урта мәктәпләреннән егетләр һәм кызлар командалары катнашты.
Чыннан да, балалар бакчасыннан ук укучыларга юл йөрү кагыйдәләре өйрәтелә. Шул уңайдан, 11 февраль көнне Олы Мәтәскә авылы мәдәният хезмәткәрләре башлангыч сыйныф укучылары белән «Юл йөрү кагыйдәләрен беләсеңме?» дип исемләнгән әңгәмә үткәрделәр. Мәдәният хезмәткәрләре балаларга урамда һәм юлда үз-үзләрен дөрес тоту, бер-берсенә игътибарлы булу мөһимлеген аңлаттылар, юл йөрү кагыйдәләрен ныгыту һәм аларны гамәлдә куллана белү кирәклеген ассызыкладылар. Әңгәмә балаларда юл хәрәкәте иминлегенә җаваплы караш тәрбияләүгә юнәлтелгән җылы һәм файдалы очрашу булып узды.
6 февраль көнне "Гомуми үсеш бирү төрендәге Арча 11 нче номерлы балалар бакчасы" муниципаль бюджет мәктәпкәчә белем учреждениесе базасында 2025-2026 уку елында "Россиянең Ел тәрбиячесе" республика һөнәри бәйгенең зона этабы узды. Анда республиканың алты районыннан: Балтач, Арча, Кукмара, Саба, Теләче һәм Әтнә районнарыннан талантлы педагоглар катнашты. Конкурс өч этаптан торды:Балалар белән чара; педагогик эшчәнлеккә үз-үзеңне анализлау; ата-аналар белән эшләү.