«Республикабыз тарихы»

2020 елның 20 марты, җомга

17 март көнне Шармыш авылы мәдәният хезмәткәрләре ТАССРның 100 еллыгына багышланган «Республикабыз тарихы» исемле туган якны өйрәнү сәгате үткәрделәр. «Почемучки» клубына йөрүче  балалар Татарстанның тарихи тарихына мавыктыргыч сәяхәт ясадылар. Шармыш авылы китапханәчесе балаларга Татарстанның Дәүләт символикасы - флаг, герб, гимн турында сөйләде. Казанның тарихи урыннары белән таныштырды. Авыл клубы мөдире, исемнәре Шармыш авылы елъязмасына язылган, фидакарь хезмәтләре белән матди һәм рухи кыйммәтләр тудырган, үрнәк алырга тиешле кешеләр  - Капитонов Н.М., Христофоров Н.Г. турында әңгәмә үткәрде. Әлеге очрашуга «Шармыш авылының танылган кешеләре» альбомы, «Татарстанның мәдәни мирасы»күргәзмәсе әзерләнгән иде.