ЯҢАЛЫКЛАР
Хәзерге чорда әлеге куркыныч афәтнең килүе кызганычка каршы, безнең планетада ышанычлы атлый, күбрәк кешеләрне яулап ала. Әңгәмә яшүсмерләрдә сәламәт яшәү рәвешенең карашлары, принциплары, нормалары булдыру максатыннан оештырылды.
26 июнь көнне Теләче районы балалар китапханәсе хезмәткәрләре тарафыннан, Халыкара наркоманиягә һәм наркотикларның законсыз әйләнешенә каршы көрәш көне кысаларында, балалар һәм яшүсмерләр арасында «Наркотикларсыз киләчәк» дигән буклетлар таратылды. Буклетта илебез халкының сәламәтлегенә һәм милли иминлегенә глобаль куркыныч янаган наркомания проблемасы турында күрсәтмә материал тупланды, шулай ук наркоманиянең балалар һәм яшьләрнең физик һәм рухи сәламәтлегенә тискәре йогынты ясавы буенча мәгълүмат бирелде.
«Мин тормышны сайлыйм!" шул исем астында 26 июнь көнне Шәтке авылы китапханәсендә Халыкара наркоманиягә һәм наркотикларның законсыз әйләнешенә каршы көрәш көненә багышланган күргәзмә-призыв оештырылды. Күргәзмәдә наркотик кулланучы кешенең ничек үзгәрүе, дөнья акрынлап аннан качып китүе һәм ул үзенең киләчәген югалтуы турында мәгълүмат тәкъдим ителде.
Шул уңайдан Югары Кибәхуҗа авыл китапханәсендә “Күңелле балачак” клуб берләшмәсенә йөрүче балалар белән хәтер сәгате үткәрелде. Шулай ук китапханәдә "Хәтер көне " дип исемләнгән китап күргәзмәсе эшләнде.
Әлеге датага карата Урта Мишә авыл китапханәсендә “Наркотиклар – безгә дошман” исемле темага күргәзмә куелып, әңгәмә үткәрелде. Балаларга наркоманнар, наркотик кебек сүзләренең төшенчәләре аңлатылды, мисаллар китерелде. Китапханәче бу афәтне юк итүдә бергәләп көрәшергә чакырды, беркайчан да аны кулланмаска кирәклеге турында әйтте.
Китаплар, брошюралар, буклетлар, вакытлы матбугат мәкаләләре укучыларга наркоманиянең физик һәм әхлакый сәламәтлеге өчен тискәре йогынтысы, наркомания – ул куркыныч авыру, ул күңелле вакыт уздыру түгел, ә тормышта сәламәтлеккә зыян китермәүче кызыклы шөгыльләрнең күп булуы турында сөйлиячәкләр.
Бүген уртанчы һәм өлкән төркеме балалары белән Теләче 3 нче номерлы балалар бакчасының мини-музеенда экскурсия оештырылды. Әлеге экскурсия туган як тарихы һәм мәдәнияте турында белемнәрне ныгыту, музей, экскурсия, экскурсовод сүзләрен аңлау, монологик сөйләмне үстерү, халыкның мәдәни мирасына сакчыл мөнәсәбәт тәрбияләү, патриотик хисләр формалаштыру максатыннан үткәрелде.
БМО карары белән гамәлгә кергән бу датаны 1987 елдан билгеләп үтәләр.
Бу көн уңаеннан Теләче үзәк китапханәсендә наркоманияне кисәтү, сәламәт яшәү рәвешен пропагандалау максатыннан "Яман гадәт юлдаш булмасын" дип исемләнгән күргәзмә оештырылды. Анда профилактик эчтәлекле, наркоманиягә кагылышлы бозыкларны кисәтүче һәм сәламәт яшәү рәвешен пропагандалаучы басмалар, әдәби китаплар урын алды. Шулай ук китапханәчеләр ял паркында буклетлар, листовкалар таратты.
2019 елның 21 июнь көнендэ Югары Мәтәскә авылында яшәүче тыл ветераны Садикова Рәзинә Салих кызына 95 яшь тулды. Шул уңайдан Рәзинә апага Россия Президенты Владимир Путинның, Теләче муниципаль район башлыгының тәбрикләмәсе тапшырылды, шулай ук Олы Мәтәскә авыл җирлеге башлыгы исеменнән дә котлау сүзләре җиткерелде.
26 июнь көнне район Советының утырышлар залында Теләче муниципаль районы башлыгы И. Ф. Зарипов җитәкчелегендә Теләче муниципаль районында коррупциягә каршы эшне координацияләү комиссиясенең чираттагы утырышы булып узды.