ЯҢАЛЫКЛАР
Бүген, 28 нче декабрь көнне, безнең Олы Мәтәскә балалар бакчасында Яңа ел бәйрәме үтте. Бәйрәм бакча мөдиренең бик матур бәйрәм котлавы белән башланып китте. Аннары сүз балаларга бирелде. Алар җырлар, биюләр башкарды, шигырьләр сөйләделәр, әйлән-бәйлән уйнадылар. Бүлмә уртасында урын алган бизәлгән чыршыбыз, хуш исләрен таратты, бәйрәмчә кәеф бүләк итте. Күңелле генә тамаша кылганда Кыш бабай да килеп җитте. Ул сәләтләрен күрсәткән балаларга үзенең күчтәнәчләрен өләште. Аннары бергәләп төрле уеннар уйналды. Бәйрәм әниләргә, балаларга , килгән кунакларга бик тә ошады.
Бүген Шәдке балалар бакчасында Яңа ел бәйрәме булды. Балалар Кыш бабайга “Сер тотмас үрдәк” әкиятен сәхнәләштереп күрсәттеләр Матур җырлар,шигырьләр,биюләр башкарган өчен Кыш бабай балаларга бүләкләр таратты. 2019 ел барлык кешеләргәдә сәламәтлек, озын гомер, бәхет-шатлык кына китерсен!
Иң тылсымлы, иң көтеп алынган һәм бөтен кешенең дә яраткан бәйрәме – Яңа ел якынлаша! Яңа ел-искиткеч вакыт. Бу әкият һәм өметләр вакыты. Һәр бала балачактан Яңа елны ничек каршы аласың, киләсе елны да шулай үткәрәсең дип ихлас күңелдән ышана. 2018 ел чын-чынлап күңелле һәм истәлекле вакыйгаларга һәм сюрпризларга бай булсын өчен “Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү бүлеге хезмәткәрләре 28 декабрь көнне исәптә торучы балалар белән Яна ел бәйрәме үткәрделәр. Бәйрәм ахырында барлык бала да яна ел күчтәнәче алды.
Яңа ел алдыннан Теләче № 2 балалар бакчасында тәрбияләнүче балалар янында гадәти булмаган кунак - "Татарстан Республикасы буенча 7 ОФПС " ПСЧ-134 ФГКУ янгын сүндерү бүлегеннән Кыш бабай булды. Кыш бабай балалар янына чанада түгел, ә чын янгын сүндерү машинасына утырып килде! Балалар аны урамда каршы алдылар. Янгын сүндерүче Кыш Бабай аларга Яңа ел белән котлады, һәрвакыт ата-аналарын тыңлауларын, шулай ук сәламәтлек теләде.
Аннан соң Кыш бабай төрле бәйгеләр үткәрде, балалар табышмаклар чиштеләр, Яңа ел җырларын башкардылар, шигырьләр сөйләделәр. Янгын сүндерүче Кыш бабай балалар бакчасында тәрбияләнүчеләргә Яңа ел бәйрәмнәрендә һичшиксез истә тотарга кирәк булган янгын куркынычсызлыгы кагыйдәләре турында да искә төшерде. Чара азагында барлык балалар да татлы Яңа ел күчтәнәчләре алдылар.
Балалар үзләре әйтүенчә, алар мондый Кыш бабайны алар беренче тапкыр күрделәр һәм бу аларның күбесе өчен чын сюрприз булды.
Ачы авыл китапханәсе китап укучыларны ""Новогодний карнавал книг" дип исемләнгән китап күргәзмәсенә чакыра. Күргәзмәдә яңа ел һәм Раштуа бәйрәмнәре сценарийлары, шулай ук бәйрәм костюмнарын сайларга, үз куллары белән оригиналь бүләкләр ясарга өйрәтүче китаплар тәкъдим ителде. Күргәзмә бәйрәмгә бик яхшы әзерләнергә ярдәм итәчәк.
Яңа ел! Бу сүзләрне ишетүгә безнең күз алдыбызга хуш исле зифа чыршы, ап-ак кар
бөртекләре, җемелдәвек сихри утлар ,уен-көлке, җыр-бию, Кыш бабай һәм Кар кызы
килеп баса. 28 декабрь көнне Иске Җөри балалар бакчасында да“Яңа ел” бәйрәме булып
узды.Нәни дусларны котларга диеп урманнан Кыш бабай,Кар кызы һәм урман җәнлекләре
килделәр. Балалар Кыш бабайга үзләренең шигырьләрен сөйләделәр, матур җырлар
җырладылар. Ә Кыш бабай исә аларга үзенең күчтәнәчләрен, бүләкләрен өләште. Бәйрәм
бик матур һәм үзенчәлекле булды.
Бүген, 28 нче декабрь көнне, безнең балалар бакчасында Яңа ел бәйрәме үтте. Бәйрәм барышында җырлар, биюләр, әкият геройлары белән уеннар булды, балалар шигырьләр сөйләделәр, әйлән-бәйлән уйнадылар. Төрле төстәге, гирляндалар, матур итеп бизәлгән чыршы һәм тамаша барышында килгән әкият геройлары Кар бабай, Кар кызы, Куян Һәм Бүре, клоуннар балаларны тылсымлы дөньяга алып керделәр, алар белән шаярдылар, уеннар уйнадылар. Кыш Бабай һәм Кар кызы килү белән чыршы тирәсендә җырлар һәм биюләр, әйлән-бәйлән белән чын бәйрәм башланды. Барлык балалар да Кыш бабайдан бүләкләр алдылар. Бәйрәмебезне әти-әниләр кулы белән ясалган кул эшләнмәләре күргәзмәсе булды. Балаларга, килгән кунакларга бәйрәм бик ошады.
27 декабрь көнне Кече Кибәхуҗа төп мәктәбендә “Һәрбер проек- иҗат” темасына, әти- әниләрдә проект турында күзаллаулар булдыру, гаилә гадәтләрен формалаштырырга ярдәм итүче психологик- педагогик әдәбият белән таныштыру, әти- әниләр белән балаларның хезмәттәшлеген булдыруда кызыксыну уяту максатыннан әти- әниләр җыелышы үтте.7 сыйныф җитәкчесе Закирова Г.М. мастер- класс барышында әти- әниләргә балалар белән иҗади эшләр башкарырга юнәлеш бирде. Иҗади характердагы җыелышта әти- әниләр актив катнаштылар. Сыйныф җитәкчеләре әти- әниләрне 2 чирек йомгаклары белән таныштырды, кышкы каникул чорында балаларның куркынычсызлыгын тәэмин итү буенча инструктажлар үткәрделәр.
Кичә, 27нче декабрь көнне, безнең Теләче 2нче балалар бакчасында зурлар һәм мәктәпкә әзерлек төркемендә Яңа ел бәйрәмнәре үтте. Бәйрәм барышында биюләр, җырлар, әкият геройлар белән уеннар булды, балалар шигырьләр сөйләделәр, әйлән-бәйлән уйнадылар. Төрле төстәге, гирляндалар, матур итеп бизәлгән чыршы һәм
тамаша барышында килгән әкият геройлары Кар бабай, Леший, Маша һәм Аю балаларны тылсымлы дөньяга алып керделәр, алар белән шаярдылар, уеннар уйнадылар. Кыш Бабай һәм Кар кызы килү белән чыршы тирәсендә җырлар һәм биюләр, әйлән-бәйлән белән чын бәйрәм башланды. Тамашадан соң барлык балалар да Кыш бабайдан күптән көтелгән бүләкләр алдылар.