ЯҢАЛЫКЛАР
Хәзерге вакытта тәрбияче үзенең эшчәнлегендә лэпбуклар куллана. Лэпбуклар балалар бакчасында эшләү өчен дә, өйдә эшләү өчен дә уңайлы, җайлы. Лэпбуклар белән эшләгәндә бала кирәкле мәгълүматны үзенә ошаган юнәлеш буенча сайлап ала. Мондый алым балаларга узган тема материалларын кабатлаганда да, яңа әйберләр өйрәнгәндә дә ярдәм итә. Мәсәлән, “Изучаем русский язык” лэпбугында балалар өчен мавыктыргыч, кызыклы төрле кесәләр урнаштырылган: шигырьләр, табышмаклар, дидактик уеннар һ.б. Кесәләрнең исемнәре төрле булса да, аңлату, өйрәтү, уйнату бер юнәлештә бирелә: балаларга сүз байлыгын өйрәтү, бармак уеннары, җиләк-җимеш, яшелчәләрне аеру һ.б.
8 май көнне Иске Җөри авыл җирлегендә Бөек Җиңүнең 73 еллыгына карата зур бәйрәм чарасы үткәрелде. Бәйрәмне тыл ветераннарын һәм сугыш чоры балаларын үзенеӊ котлавы белән Иске Җөри авыл җирлеге башлыгы Мараков Р.Р. башлап җибәрде. 5-6 класс укучылары әдәби-музыкаль композиция, концерт күрсәттеләр. Бәйрәм ахырында укучылар билгесез солдат һәйкәленә венок куйдылар.
Күргәзмәдә сугыш темасын яктырткан китаплар һәм папкалар урын алды.
Безнең тыныч тормышыбыз өчен башын салган бер генә авылдашыбыз да, җиңүне якынайту өчен тылда фидакарьләрчә хезмәт куйган тыл хезмәтчәннәребез дә, балачакларын сугыш урлаган әби-бабайларыбыз, барысы да искә алуга һәм хөрмәткә лаек. Балалар кызыксынып сугыш чоры турында фильм аша әлеге вакытының михнәтен аңларга тырыштылар. Җиңүнең җиңел бирелмәгәнлеген, бик авыр булганлыгын, ул вакыттагы тормышны тәрбиячеләр бәйнә-бәйнә балаларга анлаттылыр.
Хөрмәтле ветераннар!Безгә тыныч тормыш бүләк иткәнегез өчен, без яшь буын, сезгә зур рәхмәт әйтәбез һәм сезнең алда баш иябез.
9 нчы май көнне Теләче урта мәктәбе укучылары һәм укытучылары Бөек Ватан сугышында Җиңүнең 73 еллыгына багышланган тантаналы митингта катнаштылар. Бәйрәмчә бизәлгән укучылар колоннасы Теләче авыл урамнары аша узып, туган ягыбыз сугышчылары истәлегенә куелган обелискка таба үтте. “Бессмертный полк” акциясендә катнашып, укучылар үзләренең сугыштан кайтмаган бабайларының фотосүрәтләрен күтәреп бардылар.Бөек Ватан сугышчылары хөрмәтенә укучылар венок куйдылар. Бөек Ватан сугышы еллары, Җиңүне алып килгән, безгә тыныч тормыш, аяз күк йөзе бүләк иткән сугышчы ватандашларыбыз мәңге онытылмас! Бөек Җиңү көне белән котлыйбыз!
Соңыннан мәдәният йортында “Картаймагыз әле, ветераннар ” дип исемләнгән концерт программасы күрсәтелде.
Шулай ук “Алар даны мәңгелек” исеме астында китап күргәзмәсе дә төзелде.
10 нчы май көнне район балалар китапханәсе хезмәткәрләре, район мәгариф бүлегенең башлангыч белем бирү методисты Закирова С.Г., Теләче урта мәктәбенең башлангыч сыйныф укытучылары Әскәрова Ф.М. һәм Мөхәммәтгалиева З.Т. лар белән берлектә «Укучының мәдәни көндәлеге» Республика бәйгесенең район турына нәтиҗә ясалды. Теләче районныннан «Иң яхшы мәдәни көндәлек» номинациясендә Имамиев Данис - 1 сыйныф, Кыямов Искәндәр - 2 сыйныф, Әхмәтҗанова Әлфинә - 4 сыйныф һәм Баландыш төп мәктәбеннән Заһидуллина Нурфия - 3 сыйныф укучысы, «Иң мәдәниятле ата-ана» номинациясендә Айгөл Вәлиәхмәтова җиңүчеләр булдылар.
Ел дәвамында иң күп мәдәни чараларга йөрүчеләр Казан шәһәренә, «Экият» курчак театрында үтәчәк бүләкләү тантанасына барачак һә аларга анда курчак театры спектакле күрсәтеләчәк.