ЯҢАЛЫКЛАР

25 апрель көнне Айдар авыл китапханәчесе   «Ромашка»  балалар бакчасы нәниләренә(“Нурлар” клубы) шагыйрьнең шигырь һәм әкиятләрен кычкырып укыды. Китапханәче татар әдәбияты классигының балачагы,  мәдрәсәдә уку һәм яшәү еллары турында сөйләде. Әлеге чара балаларда туган йортка, туган телгә, туган җиргә мәхәббәт һәм сакчыл караш  нигезе тәрбияли.

Шул уңайдан Иске Җөри авылы китапханәсендә “Китап сөючеләр” берләшмәсенә йөрүче укучылар  белән  “Йөрәкләрдә Тукай эзләре, күңелләрдә Тукай сүзләре ”дип исемләнгән  әдәби кичә узды. Кичә барышында китап укучыларыбыз аның китапханәдәге китапларына сәяхәт кылдылар, әсәрләре буенча төзелгән  викторина сорауларына җаваплар бирделәр, шагыйрьнең шигырь-әкиятләрен тыңладылар. Г.Тукайның “Кәҗә белән сарык” әкиятен сәхнәләштереп күрсәттеләр. Кичә ахырында балалар бик теләп “Туган тел” җырын җырладылар.

Яз җитү белән Кече Кибәхуҗа төп мәктәбендә бөек Тукай туган көнен үткәрүгә әзерлек башлана. Традиция буенча татар теле һәм әдәбияты укытучысы Закирова Г.М. сөекле шагыйребезгә багышлап танланалы кичә үткәрде. Бәйрәмдә укучылар Г.Тукайның шигырьләрен укыдылар, шагыйрь сүзләренә язылган җырларны башкардылар, әсәрләрен сәхнәләштерделәр. Чара “Туган тел” җырын күмәк башкару белән тәмамланды.

Яз җитү белән Кече Кибәхуҗа төп мәктәбендә бөек Тукай туган көнен үткәрүгә әзерлек башлана. Традиция буенча татар теле һәм әдәбияты укытучысы Закирова Г.М. сөекле шагыйребезгә багышлап танланалы кичә үткәрде. Бәйрәмдә укучылар Г.Тукайның шигырьләрен укыдылар, шагыйрь сүзләренә язылган җырларны башкардылар, әсәрләрен сәхнәләштерделәр. Чара “Туган тел” җырын күмәк башкару белән тәмамланды.

Библиотөн - 2018" акциясе кысаларында Ямбулат авылы китапханәсе китапханәчесе Шакурова Гөлия бөек татар шагыйре Г. Тукайның тууына 132 ел тулу уңаеннан "Тукай - сүнмәс йолдыз ул!" дип исемләнгән тематик кичә үткәрде. Тематик кичә бөек татар шагыйре Г. Тукайның тормышы һәм иҗатына багышланды.

26 апрель көнне Ямбулат авылы китапханәсендә "Әдәбият сөючеләр" әдәби берләшмәсенә йөрүче укучылар белән берлектә татар шагыйре Габдулла Тукайның тууына 132 ел тулу уңаеннан "Мәңге яши Тукай безнең күңелләрдә" дип исемләнгән шигырь бәйрәме үткәрелде. Китапханәче Шакурова Гөлия башта шагыйрьнең тормыш юлы һәм иҗаты турында сөйләде, балалар бик тә теләп "Тукайны беләсеңме" дигән конкурста , шагыйрьнең әсәрләре буенча викторинада да катнаштылар, шигырьләрен сөйләделәр. Балалар мероприятия ахырында, актив катнашканнары өчен бүләкләнделәр.

Социаль хезмәт күрсәтү бүлекчәсендә бүгенге көндә 27 – тыл хезмәтчәннәре,  1- Бөек ватан сугышы ветераны, 1 –Бөек ватан сугышы инвалид, 1 – тол калган хатынга социаль хезмәт күрсәтелә.

9 май бәйрәме  алдыннан  өлкәннәребезгә аеруча  да  күбрәк  игътибар бирелә. «Чиста тәрәзәләр» шигаре астында социаль хезмәткәрләр ветераннарыбызның өйләрен чистартып юып чыктылар, шулай ук  бушлай өстәмә социаль хезмәтләр күрсәттеләр. Безнең ветераннарыбыз  мондый очрашуларны көтеп алалар, күп еллык эш дәверендә бу көндәлек аралашулар аларны социаль хезмәткәрләре белән бик якынайтты . Эшләрне бер кат бетергәч, социаль хезмәткәрләре белән  бергә альбомнар карап үткән гөмерләренең, сугыш  хәтирәләрен искә төшереп сөйлиләр.

Китапханәдә Тукайга багышлап үткәрелгән чаралар һәрвакыт яратып һәм кызыксындырып үткәрелә. Бу юлы да Тукай әкиятләре балалар рәсемнәрендә илһамланып һәм хис белән башкарылган иде. Үзләренең яраткан әкият геройларын балалар бик яратып сурәтләделәр.

Газетада Тукайның тормыш юлы турында кыскача мәглүмат, портреты һәм күп төрле материаллар урын алды.

Игълан ителгән әлеге айлык кысаларында Айдар авыл китапханәчесе мәдәният йорты хезмәткәрләре белән берлектә, мәдәният  йорты территориясендә чистарту эшләре уздырдылар: әйләнә-тирә территорияне кардан чистарттылар,  көнкүреш чүп-чарларын җыйдылар.