ЯҢАЛЫКЛАР
11 апрель көнне Теләче муниципаль районы ҖЧҖ «Теләче Агро»ның Үзәк хәм Сауш бүлекчәләрендә тракторларга хәм арбаларга дәүләт техник карау уздырылды.
Үзәк бүлекчәсендә техниканы карауга барлыгы 16 трактор, 7 арба, Сауш бүлекчәсендә 15 трактор, 5 арба әзерләнеп куелган иде. Тракторлар техник үлчәү приборлары белән тикшерелде. Тракторларның әзерлеген тикшерү вакытында, механизатор белән тәэмин ителүве, аларның тракторист - машинист таныклыгы булувы, тракторларның хәм арбаларның учетта торган документлары барлыгы тикшерелде.
Техникага куелган таләпләр хәм шулай ук, техник хәм янгын куркынычсызлыгы кагыйдәләренең үтәлүвенә аеруча зур игътибар бирелде. Хәрбер трактор янгын сүндерү җайланмалары белән (огнетушительләр) хәм шулай ук аптечкалар белән тәэмин ителгән.
Әзерлекне тикшерүдә Авыл хуҗалыгы хәм азык-төлек идарәсе җитәкчесе- Р.Х.Низамутдинов, үзйөрешле машиналар хәм техниканың башка төрләренә техник торышына күзәтчелек итү идарәсе җитәкчесе-Х.Х.Назиров, Авыл хуҗалыгы идарәсе белгечләре, хуҗалык җитәкчесе хәм белгечләре катнашты.
13 нче апрель көнне, халкыбызның милли бәйрәмнәренә, әйләнә-тирә табигатькә карата мәхәббәт тәрбияләү максатыннан, Теләче 2нче балалар бакчасында иң күңелле язгы бәйрәмнәренең берсе “Карга боткасы” уздырылды. Бәйрәм барышында балалар бабай, әби һәм түти белән берлектә татар халкының уеннарын, җырыларын башкардылар, табышмак, сынамышларын искә төшерделәр; язның беренче хәбәрчеләре- кара каргаларны каршыладылар. Бәйрәм азагында барлык төркем балалары тәмле “карга боткасы” белән сыйландылар. Бәйрәм бик күңелле узды.
13 апрель көнне Мәгариф һәм фән министрлыгы Казан инновацияләр университеты базасында интернет- ата – аналар җыелышы үткәрә. Ата – аналар интернет- җыелышын түбәндәге сылтама буенча кереп карарга була: https://ieml.ru/roditelskoe-internetsobranie/
Һәр елдагыча, 9-14 апрель көннәрендә Татарстанда IV Бөтенроссия финанс грамоталылыгы атналыгы кысаларында укучылар һәм яшьләрнең финанс грамоталылыгын үстерүгә багышланган чаралар үтә. Атналык Кече Кибәхуҗа мәктәбендә дә бара. Сыйныф җитәкчеләре тематик сыйныф сәгатьләре үткәрәләр. 7 сыйныф җитәкчесе Галимҗанова Г.Ә. бүген укучылар өчен мастер- класс форматында ачык чара үткәрде. Укучылар уен формасында биремнәр үтәделәр. Акча санау аларга бик ошады.
Анда катнашып, узегезне кызыксындырган сорауларга җавапны түбәндәге адрес белән алырга мөмкин: roditelirt@mail.ru
12 апрель, Космонавтика көне, кешелек тарихының истәлекле датасы. Бу көнне космоска кешенең беренче очуы ясалды.
Юрий Гагарин... Космосның батыр йөрәкле рыцаре, илебезнең данлыклы улы. Кыска гына вакыт эчендә айга менә, Кояш системасының барлык планеталарын тикшерә, әмма беренче очыш авыр һәм куркыныч була.
1961 елның 12 апреле. Бу дата кешелек тарихына мәңгелеккә кереп калды. Язгы иртәдә көчле ракета җир йөзенең беренче космонавты – Советлар Союзы гражданины Юрий Гагарин белән тарихта беренче “Восток” космик кораблен бортта орбитага чыгарды.
12 нче апрель - Космонавтика көне. Безнең Олы Мәтәскә балалар бакчасы да әлеге чараны уздыруда читтә калмады. Әлеге темага кагылышлы әңгәмәләр узы, фильмнар каралды. Балалар белән космос, беренче космонавт Ю.А.Гагарин турында кызыклы презентация карап, яңа белемнәр үзләштерделәр. Шулай ук төрле сорауларга җавап биреп үзләренең көчләрен сынатып та карадылар. Әлеге әңгәмә балалар өчен кызыклы булды.
2018 елның 12 апрелендә Башкарма комитетының актлар залында район башлыгы И.Ф.Зарипов җитәкчелегендә авыл хуҗалыгы идарәсе җитәкчесе Р.Х.Низаметдинов, авыл хуҗалыгы идарәсе белгечләре, хуҗалык җитәкчеләре һәм белгечләре авыл җирлекләре башлыклары һәм КФХ башлыклары катнашында семинар-киңәшмә булып үтте. Авыл хуҗалыгы идарәсе җитәкчесе Р.Х.Низаметдинов 2018 елның 1 кварталында район хуҗалыклары һәм КФХлары тарафыннан алынган субсидияләргә анализ һәм агымдагы елның 1 кварталы терлекчелек эшчәнлегенә анализ ясалды.
Үз көчләрендә китапханәгә килә алмаган пенсионерларга, китапханәче өйләренә китап алып бара. Якынча бер, айга ике тапкыр, мин китаплар һәм журналлар, периодик басмалар «Республика Татарстан», «Вечерняя Казань», «Теләче», - журналлар «Татарстан», «Казан», «1000 советов» тырышам алып барырга. Кызыксындырган әдәбиятны телефон буенча, яки туганнары аша әйтәләр.
12 нче апрель – Бөтендөнья авиация һәм космонавтика көне. Шул уңайдан Иске Җөри балалар бакчасында тәрбиячеләр балаларга әлеге көннең тарихы турында сөйләделәр, презентация карадылар. Шулай ук аппликация техникасында ракеталар да ясадылар.