ЯҢАЛЫКЛАР
Халык зирәклеге кеше шәхесенең һәрьяклап гармонияле үсеше өчен реаль алшартлар тудыра, шуңа күрә бүген безгә ата-бабаларыбызның мәдәниятен өйрәнү мөһим. Яшьләргә шулай борынгы йолаларыбызны аңлатып, шул темага багышланган китаплар укырга җәлеп итеп, аларда матурлык хисе һәм үз ватаныңа мәхәббәт тәрбияләп була.
1 апрельдән Татарстан Республикасында санитар-экологик икеайлык башланды. Санитар-экологик икеайлык белән бергә 1 апрельдән «Эковесна 2024» республика акциясе старт алды. Ул 1 апрельдән башланып 31 майга кадәр дәвам итәчәк. Әлеге акциягә кушылып, Айдар авыл китапханәчесе һәм мәдәният йорты хезмәткәрләре өмә оештырдылар. Алар авыл мәдәният йорты, китапханә территорияләрен һәм юл кырыйларын чүптән чистарттылар, корган үләннән арындырдылар. Без - табигатебезнең чисталыгы өчен!
Казаклар авыл китапханәсендә коррупцияне кисәтү максатыннан "Коррупция һәм коррупциягә каршы көрәш" дип исемләнгән күргәзмә ясалды һәм аңа күзәтү үткәрелде. Коррупция хәзерге җәмгыятьнең иң кискен проблемаларының берсе, аңа хәзерге вакытта зур игътибар бирелә. Мәгълүмати күргәзмәдә Россиядә коррупциягә каршы дәүләт сәясәте, коррупциягә каршы тору чаралары, коррупция җинаятьләре өчен җаваплылык турында материаллар тәкъдим ителде.
Ел саен 26 апрельдә аның туган көнен билгеләп үтә. Олы Мәтәскә мәдәният хезмәткәрләре дә мәктәп белән берлектә, балаларда Г.Тукайның иҗатына кызыксыну тәрбияләү максатыннан, “Газиз дә син, кадерле дә, әй Тукаебыз!” дип исемләнгән шигърият кичәсе узды. Кичә барышында презентация күрсәтелде, укучылар язучының әкиятләрен искә төшерделәр, шигырьләрен укыдылар. Г.Тукай үзенең иҗат җимешләре аша хезмәтне, табигатьне, кешеләрне яратырга; гадел, мәрхәмәтле булырга өйрәтә. Ә укучыларыбызның аның әсәрләрен белүләре, кызыксынулары, татарча матур итеп сөйләүләре без - укытучыларның күңелендә горурлык һәм якты хис уята.
Күкчә авыл китапханәсендә бөек татар шагыйре Габдулла Тукайның тууына 138 ел тулу уңаеннан «Йөрәкләрдә Тукай эзләре, күңелләрдә Тукай сүзләре» дип исемләнгән шигъри сәгать үткәрелде. Чара барышында китапханәче балаларны шагыйрьнең иҗаты белән таныштырды, “Тылсымлы сүзләр” берләшмәсенә йөрүчеләр Тукай истәлегенә багышланган шигырьләр укыдылар. Чара «Туган тел» җырын бергәләп башкару белән тәмамланды. Китапханәдә шулай ук «Габдулла Тукай - татар шигърияте кояшы» дип исемләнгән китап күргәзмәсе эшләнде, тәкъдим ителгән китапларга күзәтү ясады.
“Батыр” спорт комплексында Татарстан Республикасының, Башкортстан Республикасының халык артисты, Россиянең атказанган халык артисты, Татарстан Республикасы гер спорты федерациясе Президенты, автомобиль спорты буенча халыкара класслы спорт остасы Салават Зәки улы Фәтхетдинов призына җиденче тапкыр 2009 елда туган һәм аннан кечерәк яшьтәге малайлар һәм яшүсмер егетләр арасында татарча көрәш бәйгесе үткәрелде.
9 майда Чаллы шәһәрендә 1941-1945 еллардагы Бөек Ватан сугышында Җиңүнең 79 еллыгына багышланган Армия кул сугышы буенча «Ватан уллары» төбәк үзәгенең ачык шәхси беренчелеге узды
Әлеге ярышларда өстәмә белем бирү педагогы Р.Р. Галимҗанов җитәкчелегендә «Адаптив ОФП»берләшмәсе укучылары катнашты. Уеннар нәтиҗәләре буенча, ТР Беренчелегендә Галимов Мөхәммәт 1 урынны ,Гәрәев Рузаль 2 урынны, ТР Чемпионатында Якупов Айрат 3 урынны алды.
Үз эшчәнлеге турында белешмәләрнең ачыклыгын һәм үтемлелеген арттыру максатларында 2024 елның 15 маенда 14.00 сәгатьтән 16.00 сәгатькә кадәр «Роспотребнадзор» ның Татарстан Республикасы буенча идарәсе республика территориясендә идарәдә һәм 12 территориаль идарәдә эшкуарлар өчен бердәм "Ачык ишекләр" көне оештыра.
Күкчә авыл китапханәсендә бөек татар шагыйре Габдулла Тукайның тууына 138 ел тулу уңаеннан «Йөрәкләрдә Тукай эзләре, күңелләрдә Тукай сүзләре» дип исемләнгән шигъри сәгать үткәрелде. Чара барышында китапханәче балаларны шагыйрьнең иҗаты белән таныштырды, “Тылсымлы сүзләр” берләшмәсенә йөрүчеләр Тукай истәлегенә багышланган шигырьләр укыдылар. Чара «Туган тел» җырын бергәләп башкару белән тәмамланды. Китапханәдә шулай ук «Габдулла Тукай - татар шигърияте кояшы» дип исемләнгән китап күргәзмәсе эшләнде, тәкъдим ителгән китапларга күзәтү ясады.