ЯҢАЛЫКЛАР
5 сентябрь көнне конкурсның соңгы, өченче этабы башланды. Иң күп тавыш җыйган ун шәһәр арасыннан ике җиңүчене сайлап алырга туры киләчәк. 7 октябрьгә кадәр Твоя-Россия.рф сайтында тавыш бирү барачак. 1 октябрь – “Ачык ишекләр көне”ндә Россия банкының теләсә-кайсы бүлегенә барып, анда да анкета тутырып тавыш бирергә мөмкин. Россия Үзәк Банкының яңа купюралар чыгарачагы быел апрель аенда билгеле булды. Яңа банкноталар 2017 ел ахырында кулланышка керергә тиеш .Максабаш балалар бакчасы коллективы һәм әти-әниләр дә тавыш бирүдә актив катнашты. Казан өчен тавыш бирик!
Бакчабыздагы аллы-гөлле чәчәкләр күзне иркәли.Киләсе елда да бакчабыз шау чәчәккә күмелсен, тормышыбызны ямьләндерсен өчен ,бакчабызда әзерлек эшләре башланды. Тәрбияче апалары белән бергәләп балалар матур чәчәкләрдән орлыклар җыйдылар, орлыкларны савытларга урнаштырып кышкы саклауга куйдылар.
Бөтенроссия фән олимпиадаларының мәктәп туры дәвам итә. Теләче урта гомумбелем мәктәбе укучылары 21 нче сентябрьдә математика фәненнән, 22 нче сентябрьдә физика һәм хокук белеме фәннәре буенча олимпиада биремнәрен үтәделәр. Уңышлар сезгә, балалар!
Бүген мәктәбебездә иртәнге күнегүләр үткәрелде. Барлык укучылар да бик теләп иртәнге күнегүләр ясауда катнаштылар. Иртәнге зарядкабыз урамда үтте. Саф һавада булу балалар өчен бик файдалы: укучыларның кәефе күтәрелә, сәламәтлекләре арта.
Спорт көне уңаеннан , 22 нче сентябрь көнне, Олы Мишә урта мәктәбе башлангыч сыйныф укучылары белән “Күңелле стартлар” уены уздырылды. Укучылар ике командага бүленеп спорт ярышларында көч сынаштылар. Бу уен 1 нче сыйныф укучыларына бигрәк тә ошады.Уен барышында балалар арасында дуслык, игътибарлылык, җитезлек сыйфатлары ныгыды.
Теләче урта мәктәбе укучылары “ Китапка яңа тормыш бир” акциясендә бик теләп катнашалар. Иң актив катнашучылар булып 8 а сыйныф укучылары тора. Сыйныф җитәкчеләре Н.Р. Җәләлова җитәкчелегендә укучылар 103 китап тапшырганнар. 8- а сыйныф укучылары- җиңүчеләр, котлыйбыз. Барыбыз да “ Китапка яңа тормыш бир” акциясендә актив катнашыйк.
Конкурска барлык мәктәпләр дә бик яхшы әзерлек белән килгәннәр. Иң яхшы чыгыш ясаучылар конкурсның зона турында катнашачаклар.
Юл хәрәкәте кагыйдәләрендә, 2015 елның 1 июленнән башлап, яңа таләпләр гамәлгә куелды. Әгәр җәяүле төнлә яки күз күреме начар вакытта торак пунктыннан читтәге юлда яктылык кайтаручы тасмаларсыз хәрәкәтләнсә, аңа 500 сум штраф салына.
Автоинспекторлар балаларга гына түгел, ә һәр кешегә киемнәренә яктылык кайтаручы тасмалар һәм тамгалар беркетергә киңәш итә. Баландыш төп мәктәбендә барлык сыйныфларда яктылык кайтаручы тасмалар һәм тамгаларның әһәмияте турында әнгәмәләр үткәрелде.
Безнең 3нче балалар бакчасында бармак уеннары – өлкәннәр белән балаларның үзенчәлекле аралашу, күңел ачу чарасы да булып тора. Бармаклар белән төрле күнегүләр ясау, аларны төрлечә хәрәкәтләндерү – баланың сөйләмен үстерүдә уңай шарт булып тора. Әлбәттә, яшь үзенчәлекләрен истән чыгарырга ярамый. Тәрбиячеләр сабыйларга үзләре пластилиннан әвәләгән төрле диаметрдагы шарларны тәгәрәтергә бирәләр. Кубиклардан әйберләр төзергә, пирамидалар җыярга, мәрҗән, лего конструкторның элементларын өемнәрдән-өемнәргә күчерү һ.б.
Безнең халыкта бармак уеннары да бик күп бит. “Атка печән кем сала?”, “Качкан бармакны тап!”, “Тычкан-төлке чабышы”. Аларның кайберләрен уйнаганда без җырлар җырлыйбыз, такмак-такмазалар әйтәбез. Монда без рус теле тәрбиячесе белән тыгыз элемтәдә эшлибез. УМК га бирелгән бармак театрлар материалларыннан тәрбиячеләр еш файдалана.
Галимнәр әйтүенчә, бармакларның вак мускулатурасының хәрәкәтчәнлеген үстерү буенча системалы эшләү сөйләм телен үстереп калмый, ә баш миенең эшчәнлеген дә үстерә һәм балаларның хәтере, игътибарлылыгы, ишетү, күрү сәләте дә яхшыра.
Чөнки балаларның интеллектауль үсүендә беренче урынны математика алып тора. Математик күзаллау баланы уйларга, логик фикер йөртергә, чагыштырырга, анализларга төрле ситуацияләрне чишү юлын эзли һәм таба белергә йөрәтә.
Математик күзаллауны үзләштерүнең күрсәткече булып, балаларның: сан,санау,үлчәү, зурлык, геометрик фигуралар, вакытта һәм тирә-юньдә ориентлаша белү сыйфаты тора.