ЯҢАЛЫКЛАР

Безнең Иске Җөри балалар бакчасында кечкенәләр төркеменә өч яңа бала кабул ителде: Иргалиева Алидә, Нурлыгаянова Нурисә һәм Зиннатуллина Мәдинә. Балалар бакчага һәм яңа дусларына  бик тиз ияләнделәр. Хәзерге көндә кечкенәләр төркемендә унбер  бала тәрбияләнә. Һәрбер бала сау-сәламәт  һәм бакчага бик теләп йөриләр. 

Иң беренчеләрдән булып фестиваль Айдар җирлегенә кергән мәдәният йортларында  узды.

  Бу җирлеккә керүче Субаш авылы клубы үзэшчәннәр коллективы бу конкурста актив катнаштылар. «Нардуган» керәшен халык фольклор ансамбле «Покрау» бәйрәменнән өзек күрсәттеләр. Аннан тыш концертта матур җырлар, дәртле биюләр, күңелле сәхнә күренешләрен дә күрергә була иде. 

Балалар бакчасында балаларны һөнәрләр, өлкәннәр хезмәте белән таныштыралар, хезмәткә карата уңай фикер формалаштыралар. Хезмәт күнекмәләренә өйрәтүнең тәрбияви мөмкинлекләренә зур игътибар ителә. Үзәк балалар бакчасының зурлар һәм мәктәпкә әзерлек төркемендә “Кем булырга?” дигән почмак булдырылды. Монда балалар һөнәрләр дөньясы белән танышалар, кызыклы сюжетлы һәм дидактик уеннар уйныйлар. Балалар үзләренең әти-әниләренең һөнәрләре белән кызыксына башлыйлар. Шул унайдан өйдә сөйләшү булса бик яхшы. Ул очракта балалар әти-әниләренең һөнәрләрен иң яхшысы дип саный, аның белән горурлана.

Без исә, балалар һөнәрләр белән танышкач, киләчәктә үз һөнәрен сайлауда иницативлы булырлар дип ышанабыз.

  4 ноябрь – Халыклар бердәмлеге көне. Шул унайдан Шармыш авылы клубында яшьләр белән берлектә «России мужества не занимать» дип исемләнгән кичә уздырылды. Очрашуның төп максаты булып үсеп килүче яшьләрне  безнең тынычлыгыбыз өчен көрәшкән  батырларыбыз белән таныштыру, аларны онытмау, хөрмәт итү иде.